Saraah
محفلین
''اِک سوال دا سوال اے''
علی محمد ارشد
ساڈی قوم اج جہڑے حالات دا شکار اے اوہدے پچھے بہت سارے ہرکھ نیں، ایہناں دکھ دین والے ہرکھاں چوں اک ہرکھ ایہہ ہے کہ اسیں اپنی نویں نسل لئی سوال پچھن تے نویاں لیہاں تے ٹرن اُتے پابندی لا بیٹھے ہاں۔اسیں اوہناں نوں طوطیاں طرحاں رٹیاں رٹائیاں گلاں تے لا کے اوہناں دی تابعداری توں اپنی کار مختاری دا سواد لین وچ رجھے ہوئے آں۔
سوال کرنا اک اجیہا مثبت عمل ہے۔جہڑا علم دی بنیاد بن دا اے۔دنیا دیاں ترقی یافتہ قوماں نے جدوں اپنی نویں نسل لئی سوالاں دے بوھے کھولے تے اودوں ای اوہ قوماں ترقی دیاں پوڑیاں چڑھیاں۔ جدوں اوہ قوماں سوالاں دے رستے سائنس تے ٹیکنالوجی دیاں پوڑیاں چڑھ رہیاں سن ،اسیں مقبرے ، قلعے تے مسجداں دیاں نیہاں کھوجن لئی پاتال وچ اُتر رھے ساں۔
اج اسیں ایس پاتال وچ جی رہے آں۔ ایس پاتال وچوں نکل نکل ساڈے پڑھاک ،سائنسدان، انجینئر تے سوجھوان ترقی یافتہ دنیا ول نسے جا رہے نیں تاں جے جتھے اوہناں دے ہنراں دی قدر ہووے، جتھے اوہناں دیاں آؤن والیاں نسلاں محفوظ ہوون تے جتھے اوہناں دے بچیاں لئی سوال پچھن تے کوئی کوئی روک نہ ہووے۔اسیں گھر توں ہی بچے نوں سوال کرن توں روکن دا عمل شروع کر دیندے آں
پاپا چند کتھوں آندا اے
اللہ میاں کڈھدااے
کتھوں کڈھدا اے
جتھوں مرضی کڈھے۔، چپ کر ایویں ٹرٹر لائی اے
ایہہ ماحول لے کے بچہ سکول اپڑ دا اے ۔
اُستاد اُنج تے کہندے نیں کہ جو نہ آوے ،کسے گل دے سمجھ نہ لگے ،پچھو، فیر پچھو، فیر سمجھ نہ آوے ،مڑ پچھو تے بھاویں سو وار پچھو۔
پر جدوں بچہ تیجی وار کوئی گل پچھدا اے تے منہ تے چپیڑاں،چتڑاں تے ڈنڈا وجدااے۔ بچہ سہم جاندا اے تے اگے توں کجھ وی پچھن یا چیزاں بارے غور کرن توں ہتھ چُک لیندااے۔
ایہہ زندہ قوماں دے ویہار نہیں ۔اسیں اج جے اپنا وسیب بچاونا اے تے سانوں اپنی نویں نسل نوں لکیر دا فقیر بناں دی تھاں ''چنگا سوال کرن والا'' بناؤنا چاہیدا اے ۔ تاں ای اسیں اوہ پاڑ میلن ول کجھ قدم پٹ سکاں گے جو ساڈے تے ترقی یافتہ دنیا وچکار دنو دن ودھدا جا رہیا اے
علی محمد ارشد
ساڈی قوم اج جہڑے حالات دا شکار اے اوہدے پچھے بہت سارے ہرکھ نیں، ایہناں دکھ دین والے ہرکھاں چوں اک ہرکھ ایہہ ہے کہ اسیں اپنی نویں نسل لئی سوال پچھن تے نویاں لیہاں تے ٹرن اُتے پابندی لا بیٹھے ہاں۔اسیں اوہناں نوں طوطیاں طرحاں رٹیاں رٹائیاں گلاں تے لا کے اوہناں دی تابعداری توں اپنی کار مختاری دا سواد لین وچ رجھے ہوئے آں۔
سوال کرنا اک اجیہا مثبت عمل ہے۔جہڑا علم دی بنیاد بن دا اے۔دنیا دیاں ترقی یافتہ قوماں نے جدوں اپنی نویں نسل لئی سوالاں دے بوھے کھولے تے اودوں ای اوہ قوماں ترقی دیاں پوڑیاں چڑھیاں۔ جدوں اوہ قوماں سوالاں دے رستے سائنس تے ٹیکنالوجی دیاں پوڑیاں چڑھ رہیاں سن ،اسیں مقبرے ، قلعے تے مسجداں دیاں نیہاں کھوجن لئی پاتال وچ اُتر رھے ساں۔
اج اسیں ایس پاتال وچ جی رہے آں۔ ایس پاتال وچوں نکل نکل ساڈے پڑھاک ،سائنسدان، انجینئر تے سوجھوان ترقی یافتہ دنیا ول نسے جا رہے نیں تاں جے جتھے اوہناں دے ہنراں دی قدر ہووے، جتھے اوہناں دیاں آؤن والیاں نسلاں محفوظ ہوون تے جتھے اوہناں دے بچیاں لئی سوال پچھن تے کوئی کوئی روک نہ ہووے۔اسیں گھر توں ہی بچے نوں سوال کرن توں روکن دا عمل شروع کر دیندے آں
پاپا چند کتھوں آندا اے
اللہ میاں کڈھدااے
کتھوں کڈھدا اے
جتھوں مرضی کڈھے۔، چپ کر ایویں ٹرٹر لائی اے
ایہہ ماحول لے کے بچہ سکول اپڑ دا اے ۔
اُستاد اُنج تے کہندے نیں کہ جو نہ آوے ،کسے گل دے سمجھ نہ لگے ،پچھو، فیر پچھو، فیر سمجھ نہ آوے ،مڑ پچھو تے بھاویں سو وار پچھو۔
پر جدوں بچہ تیجی وار کوئی گل پچھدا اے تے منہ تے چپیڑاں،چتڑاں تے ڈنڈا وجدااے۔ بچہ سہم جاندا اے تے اگے توں کجھ وی پچھن یا چیزاں بارے غور کرن توں ہتھ چُک لیندااے۔
ایہہ زندہ قوماں دے ویہار نہیں ۔اسیں اج جے اپنا وسیب بچاونا اے تے سانوں اپنی نویں نسل نوں لکیر دا فقیر بناں دی تھاں ''چنگا سوال کرن والا'' بناؤنا چاہیدا اے ۔ تاں ای اسیں اوہ پاڑ میلن ول کجھ قدم پٹ سکاں گے جو ساڈے تے ترقی یافتہ دنیا وچکار دنو دن ودھدا جا رہیا اے
