شمشاد بھائ ادھر ہی ہوں۔
محب زیادہ خوش ہونے کی ضرورت نہیں۔ شمشاد بھائ اور زکریا کے عمر کتنی ہے مجھے اس سے لینا دینا نہیں ہے۔ میرے لیے اتنا ہی کافی ہے کہ یہ میرے لیے اتنے محترم ہیں جیسے ان کا بلکہ سب کا اور میرا صدیوں کا ساتھ ہو۔ جیسے میں صدیوں سے اس محفل کی رکن ہوں۔
اب آتے ہیں شمشاد بھائ کے سوال کے اور:
چلیں جی انٹرویو کو آگے بڑھاتے ہیں۔
شمشاد بھائ کیا ضرورت تھی۔ اوپر سے اتنے مشکل سوال
جیہ آپ کا علاقہ فطرت کے حسین نظاروں کی دولت سے مالا مال ہے۔ پھل، پھول، پودے، کھیت، درخت، دریا، سر سبز پہاڑ اور سب سے بڑھ کے وہاں کا موسم۔
یہ بتائیں کہ آپ فطرت کے کتنا قریب ہیں؟
شمشاد بھائ بجا کہا آپ نے۔ ہمارے علاقے کو اللہ نے بہت خوبصورتی بخشی ہے۔ مگر افسوس کہ یہ حسن گہنا رہا ہے۔ باغات ختم ہو رہے ہیں۔ کھیتوں میں مکان بن رہے ہیں۔ سرسبز پہاڑ ننگے ہو رہے جنگلات کٹ رہے ہیں۔ دریا کا پانی گندا ہوگیا ہے۔ موسم بدل رہے ہیں۔ ان حالات میں فطرت کے کتنے قریب رہا جاسکتا ہے۔ مگر اب جب کبھی شہر کے مضافات میں جانا ہوتا ہے۔ فطرت مجھے اپنے طرف کھینچ لیتی ہے۔ میں دیر تک ان نظاروں میں کھوئ رہتی ہوں۔ ریلیکس ہوجاتی ہوں۔ (شمشاد بھائ بس اتنی ہی تقریر کرنی آتی ہے
آپ تو شہر میں رہتی ہیں، کبھی کسی دیہات میں رہنے کا اتفاق ہوا؟
جی شمشاد بھائ مجھے موقع ملتا رہتا ہے گاؤں میں جانے کا کہ بہت سے رشتہ دار اب بھی گاؤں میں رہتے ہیں۔
کبھی پھولوں سے باتیں کیں؟
کبھی پودوں سے باتیں کیں؟
گرمیوں کی دوپہر میں کبھی درختوں کے نیچے بیٹھنے کا اتفاق ہوا؟
پھول اور پودے مجھ سے اکثر باتیں کرتے ہیں مجھے بولنے کا موقع ہی نہیں دیتے۔ میرے شب و روز تو گھر کے اندر ہی گزرتے ہیں۔ مگر باہر لان کے پودوں اور پھولوں کی باتیں سننے کے لیے موقع نکال ہی لیتی ہوں۔ پچھلے دنوں یہاں جو طوفان آیا تھا اس میں ہمارے لان میں کھڑے خوبانی کے دو درخت اکھڑ گیے۔ مجھے ایسا لگ رہا ہے جیسے کسی ماں کے دو بیٹے ایک ساتھ مرگیے ہوں۔ انہیں درختوں کے سایے میں گرمیوں کے دوپہر میں بیٹھ کر کوئ کتاب پڑھتی تھی۔
گرمی کی دوپہر ہو، کنواں ہو، اوپر درختوں کی چھاؤں ہو، رہٹ چل رہا ہو، کنویں کا ٹھنڈا میٹھا پانی بہہ رہا ہو، کیسا محسوس ہوتا ہے۔
شمشاد بھائ افسوس کہ یہاں رہٹ نہیں ہوتے ۔ مگر بارہا ایسا ہوا ہے کہ چھٹی کے دن بابا اور میں مدین (سوات کا مشہور سیاحتی مقام) چلے جاتے ہیں۔ وہاں میں گھنٹوں دریائے سوات کے پانی میں پیر ڈالے بیٹھی رہتی ہوں۔ مدہوش ہو جاتی ہوں۔
جانور تو سبھی دیکھے ہوں گے، کون کون سا جانور پالنے کا اتفاق ہوا؟
شمشاد بھائ بہت سے جانور ابھی دیکھنے کا موقع نہیں ملا۔ ایک کتاہم نے بھی پال رکھاہے سپینئیل نسل کا۔
ابھی کے لیے بس اتنا ہی۔ باقی بریک کے بعد۔
بقول غالب: امتحاں اور بھی باقی ہو تو یہ بھی نہ سہی
