انورخاں انور جالنوی :::: جورِ فلک بھی ساتھ رہا، ہم جہاں رہے -- Anwar Jaalnavi

[طارق شاہ]

غزلِ
انورجالنوی

جورِ فلک بھی ساتھ رہا، ہم جہاں رہے
ہم تو چمن میں رہ کے رہینِ فغاں رہے

دستُور ہی بدل گیا، اِس بزمِ دہرکا !
آئین اب وفا کے، جہاں میں کہاں رہے

جب تک ہمارے ساتھ رہے دل کے ولولے
قدموں میں کامیابی رہی، ہم جہاں رہے

رنگِ بہار، نظمِ چمن، ہم سے ہی رہا
پھر بھی ہمِیں سے اہلِ چمن بدگماں رہے

ایسا بھی ایک دور رہا، میری زیست کا !
ذرّے بھی اِس جہاں کے مِرے ہم زباں رہے

انورجالنوی​

 

[محمداحمد]

رنگِ بہار، نظمِ چمن، ہم سے ہی رہا
پھر بھی ہمِیں سے اہلِ چمن بدگماں رہے

بہت ہی خوب۔۔۔۔!

بہت شکریہ طارق صاحب۔۔۔!

 

[نیرنگ خیال]

جب تک ہمارے ساتھ رہے دل کے ولولے
قدموں میں کامیابی رہی، ہم جہاں رہے

رنگِ بہار، نظمِ چمن، ہم سے ہی رہا
پھر بھی ہمِیں سے اہلِ چمن بدگماں رہے

واہ واہ۔۔۔۔ کیا ہی عمدہ و اعلیٰ کلام ہے۔۔۔۔ زبردست۔۔۔۔