الف سے شروع ہونے والا شعر

[عمر سیف]

ان کا آنا حشر سے کچھ کم نہ تھا
اور جب پلٹے قیامت ڈھا گئے

 

[شمشاد]

ایک پتّا جو شاخ سے ٹوٹا
باغ پر ہوگئی خزاں طاری
(انعام ندیم)

 

[سید شیرازی]

انہوں نے اپنی نظرسے ہی قتل کر ڈالے
خدا نے فرش پہ جو بےنقاب بھیجے ہیں

 

[سید شیرازی]

اِک عُمر جو خاموش رہا ہاتھ اُٹھائے
دیکھو تو سہی آج وہ کیامانگ رہا ہے

 

[عمر سیف]

ابھی تو جاگ رہے ہیں چراغ راہوں میں
ابھی ہے دور سحر تھوڑی دور ساتھ چلو

 

[سید شیرازی]

اندھیری رات میں جلتےہیں آنسوؤں کےچراغ
یہ اور بات ہے اُس شوخ کو خبر نہ ہوئی

 

[سید شیرازی]

اک زمانے کی تھی نظر ہم پر
ہم پہ ان کی مگر نظر نہ ہوئی
ریحانہ قمر

 

[سید شیرازی]

آتشِ غم میں قمر جل تو گئے ہیں لیکن
وائے قسمت کہ نہیں پہنچے وہ شعلے اُن تک

 

[عمر سیف]

اُن حسینوں کا لڑکپن ہی رہے یا اللہ
ہوش آتا ہے تو آتا ہے ستانا دل کا

 

[غ۔ن۔غ]

ایک ہی شکل نظر آتی ہے، جاگے، سوئے​

تم نے جادُو سا کوئی مجھ پہ چلا رکھا ہے ​

 

[عمر سیف]

اجنبی بن کہ دیکھ اس کی تصویر کو
یاد رکھنے کے سارے ہنر بھول جا

 

[نادم]

اچھا ہے دل کے ساتھ رہے پاسبان عقل
لیکن کبھی کبھی اسے تنہا بھی چھوڑ دے

 

[سیما علی]

ایک چراغ اور ایک کتاب اور ایک امید اثاثہ
اس کے بعد تو جو کچھ ہے وہ سب افسانہ ہے
افتخار عارف

 

[سیما علی]

اب تک دل خوش فہم کو تجھ سے ہیں امیدیں
یہ آخری شمعیں بھی بجھانے کے لیے آ
احمد فراز

 

[سیما علی]

اسے خبر ہی نہیں کیا ہے انتظار کا دکھ
میں اس کے پاس کبھی دیر سے گیا ہی نہیں
آیت دہلوی

 

[سیما علی]

آنکھوں کو انتظار کا دے کر ہنر چلا گیا
چاہا تھا ایک شخص کو جانے کدھر چلا گیا
جون ایلیاء

 

[سیما علی]

اک رات وہ گیا تھا جہاں بات روک کے
اب تک رکا ہوا ہوں وہیں رات روک کے
فرحت احساس

 

[سیما علی]

انصاف تیرا دیکھا اے ساقئ میخانہ
ہم بیٹھے رہے پیاسے چھلکا کیا پیمانہ

 

[گُلِ یاسمیں]

اے موت تو ہی آ کے قصہ تمام کر دے
ہم زندگی کے ہاتھوں قسطوں میں مر رہے ہیں

 

[گُلِ یاسمیں]

اپنی تعلیم پر توجہ دو
مت پڑو عشق کے عذابوں میں
عمر کٹتی ہے ان کی کانٹوں پر
پھول رکھتے ہیں جو کتابوں میں