الف سے اشعار

[سیما علی]

اِس اندھیروں کے عہد میں ساغر
کیا کرے گا کوئی اُجالوں کو

ساغرصدیقی

 

[سیما علی]

اہل بینش نے بہ حیرت کدہٴ شوخیٴ ناز
جوہرِ آئینہ کو طوطیٴ بسمل باندھا

 

[سیما علی]

• اب نہ دل مانوس ہے ہم سے نہ خوش ہیں دل سے ہم
  یہ کہاں کا روگ لے آئے تِری محفل سے ہم
  
  سیماب اکبرآبادی
  

 

[سیما علی]

اللہ کرے، میرؔ کا جنت میں مکاں ہو
مرحوم نے ہر بات ہماری ہی بیاں کی

ابنِ انشا

 

[لاريب اخلاص]

اب آ گیا ہوں تو سوچا صدا لگاتا چلوں
کسے خبر یہاں آنا نہ ہو دوبارہ مرا
سلیم کوثر

 

[سیما علی]

اس شہر خرابی میں غم عشق کے مارے
زندہ ہیں ، یہی بات بڑی بات ہے پیارے

کچھ اور بھی ہیں کام ہمیں اے غم جاناں
کب تک کوئی الجھی ہی زلفوں کو سنوارے


حبیب جالب

 

[سیما علی]

آہ وہ ياديں کہ اس ياد کو ہو کر مجبور
دل مايوس نے مدت سے بہلا رکھا ہے


حسرت موہانی

 

[سیما علی]

آئے وہ کیوں؟ اِس آنے سے حاصل ہی کیا ہوا
چُپ تھوڑی دیر بیٹھے، اُٹھے، گھر چلے گئے


امیر مینائی

 

[سیما علی]

انا کی جنگ میں ہم جیت تو گئے لیکن
پھر اس کے بعد بہت دیر تک نڈھال رہے

فرحت عباس شاہ

 

[شمشاد]

آج کی رات وہ آئے ہیں بڑی دیر کے بعد
آج کی رات بڑی دیر کے بعد آئی ہے
سیف الدین سیف

 

[غلام شبیرخان]

واہ بہت عمدہ انتخاب

کوئی دوست مجھے انشاء اللہ خان کی اس غزل کی تشریح کردیگا کہ دل بےدرد کوبیتابیوں نےلوٹ لیا ہمارےقبلہ کووہابیوں نےلوٹ لیا

 

[شمشاد]

ارے او خانہ آباد اتنی خوں ریزی یہ قتالی
کہ اک عاشق نہیں کوچہ ترا ویران سونا ہے
(ولی اللہ محب)

 

[سیما علی]

اپنے مرکز کی طرف مائل پرواز تھا حسن
بھولتا ہی نہیں عالم تیری انگڑائ کا
عزیز لکھنوی

 

[سیما علی]

آنے کا وعدہ اُن کے نہ آنے کی تھی دلیل
آخر کھُلی یہ بات بڑے انتظار پر

مست بنارسی

 

[سیما علی]

اب نہ دل مانوس ہے ہم سے نہ خوش ہیں دل سے ہم
یہ کہاں کا روگ لے آئے تِری محفل سے ہم

سیماب اکبرآبادی

 

[گُلِ یاسمیں]

اے موت تو ہی آ کے قصہ تمام کر دے
ہم زندگی کے ہاتھوں قسطوں میں مر رہے ہیں

 

[شمشاد]

آنسو فلک کی آنکھ سے ٹپکے تمام رات
اور صبح تک زمین کا آنچل بھگو گئے
ظہیر احمد ظہیر

 

[گُلِ یاسمیں]

اب کیا ہے جو تیرے پاس آؤں
کس مان پہ تجھ کو آزماؤں
زخم اب کے تو سامنے سے کھاؤں
دشمن سے نہ دوستی بڑھاؤں

پروین شاکر

 

[گُلِ یاسمیں]

اہرام ہے یا کہ شہر میرا
انسان ہیں یا حنوط لاشیں
سڑکوں پہ رواں ، یہ آدمی ہیں
یا نیند میں چل رہی ہیں لاشیں

پروین شاکر

 

[شمشاد]

آئی تھی چند گام اسی بے وفا کے ساتھ
پھر عمر بھر کو بھول گئی زندگی ہمیں
جاوید کمال رامپوری