الف سے اشعار

[سحر کائنات]

آواز دے کے چھپ گئی ہر بار زندگی
ہم ایسےسادہ دل تھے ہر بار آ گئے۔۔۔۔۔۔۔۔

 

[آورکزئی]

ادھر آستمگر ہنر آزمائیں
تو تیر آزما ہم جگر آزمائیں

 

[سیما علی]

آلودۂ گناہ ہے اپنا ریاض بھی!!!!!!!!!!!!!!!
شب کاٹتے ہیں جاگ کے مغ کی دکاں میں ہم

حیدر علی آتش

 

[سیما علی]

اللہ رے بے قرارئ دل ہجر یار میں
گاہے زمیں میں تھے تو گہے آسماں میں ہم

آتش

 

[سیما علی]

آسماں پر کوئی تصویر بناتا ہوں، ظفر
کہ رہے ایک طرف اور لگے چاروں طرف

ظفر اقبال

 

[سیما علی]

اب یاد رفتگاں کی بھی ہمت نہیں رہی
یاروں نے کتنی دور بسائ ہیں بستیاں
فراق گو رکھپوری

 

[سیما علی]

اس فتنہ خُو کے در سے اب اٹھتے نہیں اسد
اِس میں ہمارے سر پہ قیامت ہی کیوں نہ ہو!

مرزا غالب

 

[سیما علی]

اللہ کرے، میرؔ کا جنت میں مکاں ہو
مرحوم نے ہر بات ہماری ہی بیاں کی

ابنِ انشا

 

[سیما علی]

امجد، نشاطِ زیست اِسی کشمکش میں ہے
مرنے کا قصد، جینے کا عزم، ایک سات کر

مجید امجد

 

[سیما علی]

اب تو لے دے کے وہی شخص بچا ہے مُجھ میں
مُجھ کو مُجھ سے جو جُدا کر کے چُھپا ہے مُجھ میں
کرشن بہاری نُورؔ لکھنوی

 

[خالد محمود چوہدری]

اللہ کرے جہاں کو میری یاد بھول جائے
اللہ کرے کہ تم کبھی ایسا نہ کر سکو
(صوفی غلام مصطفیٰ تبسم )

 

[سیما علی]

اُس سرو قد پہ اکبر، مُدّت سے مر رہا ہُوں
الله راست لائے، کوشِش تو کر رہا ہُوں

اکبرالٰہ آبادی

 

[سیما علی]

آیا ہے تُو جہاں میں مثالِ شرار دیکھ
دم دے نہ جائے ہستی ناپائدار دیکھ
علامہ اقبال

 

[سیما علی]

اے طائرِ لاہُوتی! اُس رزق سے موت اچھّی
جس رزق سے آتی ہو پرواز میں کوتاہی

علامہ سر محمد اقبال

 

[سیما علی]

آئینِ جوانمرداں، حق گوئی و بےباکی
اللہ کے شیروں کو آتی نہیں رُوباہی

علامہ سر محمد اقبال

 

[سیما علی]

آگ تھے ابتدائے عشق میں ہم
اب جو ہیں خاک انتہا ہے یہ
میر تقی میر

 

[سیما علی]

اپنے گھر کی کھڑکی سے میں آسمان کو دیکھوں گا
جس پر تیرا نام لکھا ہے اُس تارے کو ڈھونڈوں گا
امجد اسلام امجد

 

[سیما علی]

اب ہے اپنا سامنا درپیش
ہر کسی سے گزر گیا ہوں میں

جون ایلیا

 

[سیما علی]

آج واں تیغ و کفن باندھے ہوئے جاتا ہوں میں
عذر میرے قتل کرنے میں وہ اب لائیں گے کیا

مرزا غالب

 

[عمار نقوی]

آرزوئے چشمہ کوثر نہیں
تشنہ لب ہوں شربت دیدار کا
ولی