الف بے پے کا کھیل/الف بے میں بات چیت ‏(7)

[ابن سعید]

یہ ہوئی ناں بات۔ اب اپنی اپیا تشریف لے آئیں۔

 

[عندلیب]

ا ب میں کہاں گئی تھی، آپ ہی ہیں‌غائب تھے سعود بھائی ؟

 

[ابن سعید]

بات تو آپ کی بجا ہے اپیا۔

 

[عندلیب]

پر آپ نے یہ نہیں بتایا کہ آپ کو جاب کیسی لگی ۔

 

[ابن سعید]

تو میں نے احباب کو یہ نہیں بتایا کہ سافٹوئیر کمپنی ہے اور اس میں کور ڈیویلوپر کے بطور "کمپیوٹر سائنٹسٹ" کے نام سے اپائنٹ کیا گیا ہوں۔

 

[عندلیب]

ٹھیک ہے اب معلوم ہوگیا ۔

 

[ابن سعید]

ثروت اپیا کو مت بتائیے گا۔

 

[عندلیب]

جی آپ جیسا کہیں نہیں بتاؤں گی ۔

 

[ابن سعید]

چنانچہ آپ اس پردہ پوشی کی خوشی میں کسی انعام کی مستحق ہیں۔ بتائیے کیا پیش کروں بطور انعام؟

 

[حجاب]

حد ہوگئی سعود ، چ سے لکھا تھا میں نے تم آ گئے بیچ میں ۔۔

 

[ابن سعید]

خیر حجاب اپیا یہاں تو ایسے (خوشگوار) حادثے ہوتے ہی رہتے ہیں۔

 

[الف عین]

دل اچھا لگ گیا ہے سعود جاب میں؟ نہرو پلیس دور تو ہے، لیکن ذرا بائک دھیرے چلایا کرو بیتا۔۔

 

[ابن سعید]

ڈریے مت چاچو رفتار تو تنہا فرد کی نہیں ہوتی بلکہ ٹریفک کی ڈیمانڈ ہوتی ہے۔ کچھ جگہوں پر سلو چلنا بھی خطرے کا باعث ہوتا ہے۔ ویسے نیہرو پلیس والی جاب نہیں کر رہا ہوں بلکہ دوسری کمپنی جو کہ خاصی دور ہے اور مجھے میٹرو ٹرین سے جانا پڑتا ہے۔ لہٰذا قریبی میٹرو اسٹیشن تک بائک سے جاتا ہوں۔ وہاں اسے پارک کرکے میٹرو پکڑتا ہوں اور آفس۔

 

[عندلیب]

ذرا برابر بھی تجربہ نہیں ہے مجھے دہلی کے راستوں کا ۔۔۔۔

 

[شمشاد]

ڈیرہ ہی کیوں نہیں ڈال لیتے نہرو پیلس کے قریب کہ آنے جانے میں آسانی رہے۔

 

[ابن سعید]

رہنے کو تو وہیں آفس کے قریب ہی کہیں روم لے کے رہ جاؤں پر اس طرح گھر پے کون ہوگا؟ والدہ ہیں، چھوٹے چھوٹے بھائی ہیں، بھابی اور بھتیجی ہیں گھر آجاتا ہوں تو ان کی ضروریات بھی محسوس کرتا ہوں۔ وہاں رہنے لگا تو صرف ہفتے کے اخیر میں آنا ہو سکے گا۔

 

[عندلیب]

زور تو کوئی نہیں دے سکتا آپ کو ،آپ جیسا اپنے لئے مناسب سمجھیں کریں‌۔

 

[ابن سعید]

سعود نے سمجھ کے مطابق ہی فیصلہ لیا ہے اپیا۔

 

[شمشاد]

شدید بھول ہوئی سعدو بھائی جو ایسا مشورہ دیا، میں سمجھا آپ اکیلے رہتے ہیں۔ دیگر افراد گاؤں میں ہوتے ہیں۔

 

[ابن سعید]

صلاح تو ٹھیک ہی تھی بس حالات ایسے ہیں کہ اس پر عمل کرنا مناسب نہیں ہے۔