الفاظ کی تکرار

[زیرک]

ہم سے بڑھائیے نہ رہ و رسم کہ ہم لوگ
مل کر کریں اداس، بچھڑ کر کریں اداس​

 

[زیرک]

درد بھی دیتا ہے دروازے پہ دستک دوشیؔ
دل کی دھک دھک سے بھی خوابوں میں خلل پڑتا ہے
رانا سعید دوشی​

 

[زیرک]

آگ کا کیا ہے پل دو پل میں لگتی ہے
بجھتے بجھتے ایک زمانہ لگتا ہے​

 

[زیرک]

عجب شرطیں لگاتی ہے محبت کی تجارت بھی
مرے حصے میں لاگت بھی خسارہ بھی مشقت بھی

 

[زیرک]

نگاہِ یار کا کیا ہے، ہوئی، ہوئی، نہ ہوئی
یہ دل کا درد ہے پیارے، گیا، گیا، نہ گیا
احمد فراز​

 

[زیرک]

نہ پوچھو عہدِ الفت کی، بس اک خوابِ پریشاں تھا
نہ دل کو راہ پر لائے، نہ دل کا مدعا سمجھے
فیض احمد فیض​

 

[زیرک]

سو بار لغزشوں کی قسم کھا کے چھوڑ دی
سو بار چھوڑنے کی قسم کھا کے پی گیا
عبدالحمید عدم​

 

[زیرک]

انمول تھی وہ خاک مِلی پھر سے خاک میں
جنت کی ماں کے ساتھ زیارت چلی گئی​

 

[زیرک]

ریکھاؤں کا کھیل ہے مقدر
ریکھاؤں سے مات کھا رہے ہو
کیفی اعظمی​

 

[زیرک]

آپ کرتے جو احترامِ بُتاں
بتکدے خود خدا خدا کرتے
انور صابری​

 

[زیرک]

یہ آرزو بھی عجب وقتِ مرگ تھی دل میں
تمہی نے زخم دیئے تھے، تمہی دوا کرتے
اشتیاق زین​

 

[زیرک]

کبھی پتھر کے دل اے کیف! پگھلے ہیں، نہ پگھلیں گے
مناجاتوں سے، فریادوں سے، چیخوں سے، پکاروں سے
کیف بھوپالی​

 

[زیرک]

ہموار کھینچ کر، کبھی دشوار کھینچ کر
تنگ آچکا ہوں سانس لگاتار کھینچ کر
کیف بھوپالی​

 

[زیرک]

زندگی ہجر ہے اور ہجر بھی ایسا کہ نہ پوچھ
سانس تک ہار چکا، وصل کماتا ہوا میں
مبشر سعید​

 

[زیرک]

پیار کی دو چار باتیں درد کے دو چار پھول
واعظا! انسان کو انسان کرنے کے لیے​

 

[زیرک]

پلا ساقیا مئے جاں پلا کہ میں لاؤں پھر خبر جنوں
یہ خرد کی رات چھٹے کہیں نظر آئے پھر سحر جنوں
ن م راشد​

 

[زیرک]

ہم مسافر تھے، ہمارا مستقر کوئی نہ تھا
رات جب آئی جہاں آئی بسیرا ہو گیا
سیماب اکبرآبادی​

 

[زیرک]

اے قیسِ جنوں پیشہ، انشا کو کبھی دیکھا
وحشی ہو تو ایسا ہو، رُسوا ہو تو ایسا ہو
ابنِ انشا​

 

[زیرک]

یوں ہی تو نہیں دشت میں پہنچے یوں ہی تو نہیں جوگ لیا
بستی بستی کانٹے دیکھے، جنگل جنگل پھول میاں
ابن انشا​

 

[زیرک]

آوارہ ہوں، رین بسیرا کوئی نہیں میرا
گلی گلی کرتا ہوں پھیرا، کوئی نہیں میرا
انور شعور​