اقوالِ مُرشدی

[بابا-جی]

یہ لڑی خالصتاََ میرے سیاسی مُرشد کے سیاسی اقوال اور دیگر بصیرت آموز پند و نصائح اور فرمُودات پر مبنی ہے، اِس لِیے ضرُوری نہیں کہ اِس میں سب شریک ہوں۔ بس کبھی کبھار اُن کے اقوال کی شراکت مقصود ہے۔

 

[بابا-جی]

میرا انتخابی نشان چمچہ ہے کیونکہ مَیں خُود کو عوام کا چمچہ سمجھتا ہُوں، میرا ماننا ہے کہ چمچہ ہی رنگ و نسل، ذات، پات اور عمر کے فرق کے بغیر انسان کی ضرورت پوری کرنے میں مدد دیتا ہے، اس لیے انہوں نے اس کو میں نے اپنا انتخابی نشان بنا رکھا ہے۔

بحوالہ ڈان نیوز

 

[بابا-جی]

جب انہیں (میرے سیاسی مُرشد) کو یہ احساس دلانے کی کوشش کی گئی کہ وہ خود کو نیم کرپٹ کہہ کر تسلیم کر رہے ہیں کہ وہ صادق و امین نہیں اور وہ آئین کے آرٹیکل 62 اور 63 پر پورا نہیں اترتے؟ تو انہوں نے دلچسپ جواب دیتے ہوئے دلیل دی کہ جو سیاستدان یہ کہتے ہیں کہ وہ حکومت میں آکر کرپشن ختم کریں گے وہ بھی عوام سے جھوٹ بول کر اسی آئین کی خلاف ورزی کر رہے ہیں۔

بحوالہ ڈان نیوز

 

[بابا-جی]

میں نیم کرپٹ کہلایا جا سکتا ہُوں مگر خواہش کے تحت کُرپشن کے خلاف ہُوں۔

بحوالہ جنگ نیوز

اسی سے مِلتا جُلتا بیان سما نیوز کو بھی دِیا گیا۔

 

[بابا-جی]

رِشوت کو میرے مُرشدی اصل رِشوت نہیں، جائز کام کروانے کے لِیے ایک مجبُوری سمجھتے ہیں، اس لیے فی الوقت یہ روا ہے۔ فرماتے ہیں،
تھوڑی رشوت کام زیادہ، وزیراعظم امبر شہزادہ
یہ قول بدل سکتا ہے اگر میرے مُرشدی کو اقتدار میں لایا جائے جب وہ رفتہ رفتہ رِشوت کا قلع قمع کر دیں گے۔

بحوالہ جیو نیوز

 

[شمشاد]

یہ آپ انتخابی نشان "چمچہ" ہی کیوں منتخب کیا؟ اس کی "لوٹا" بھی تو ہو سکتا تھا؟

 

[بابا-جی]

یہ آپ انتخابی نشان "چمچہ" ہی کیوں منتخب کیا؟ اس کی "لوٹا" بھی تو ہو سکتا تھا؟

بقول مُرشدی، میرا انتخابی نشان چمچہ ہے کیونکہ مَیں خُود کو عوام کا چمچہ سمجھتا ہُوں، میرا ماننا ہے کہ چمچہ ہی رنگ و نسل، ذات، پات اور عمر کے فرق کے بغیر انسان کی ضرورت پوری کرنے میں مدد دیتا ہے، اس لیے انہوں نے اس کو میں نے اپنا انتخابی نشان بنا رکھا ہے۔

 

[بابا-جی]

میں ہاتھ جوڑکر، کان پکڑ کر، اور مرغا بن کر بھی میں عوام سے ووٹ کی اپیل کرنے میں عار نہیں محسوس کرتا (یَہ مُرشد کی کسرِ نفسی اور عاجزانہ پن ہے)۔
بحوالہ 92 نیوز

 

[بابا-جی]

مُلک کی بگڑتی صورت حال کے پیش نظر میں خُود کو بطور مُتبادل وزیرِاعظم پیش کرتا ہُوں۔

بحوالہ نوائے وقت

 

[بابا-جی]

ان امیدواروں کو جنہیں کسی پارٹی کی جانب سے ٹکٹ نہیں مل سکا ہے یہ مشورہ دیتا ہوں کہ وہ افراد انتخابی نشان کے لیے چمچے کا ہی انتخاب کریں تاکہ بعد میں ان کے ساتھ مل کر اپنی حکومت بنا سکوں۔

بحوالہ جنگ نیوز

 

[شمشاد]

چمچہ ہی رنگ و نسل، ذات، پات اور عمر کے فرق کے بغیر انسان کی ضرورت پوری کرنے میں مدد دیتا ہے

"لوٹا" بھی رنگ و نسل، ذات، پات اور عمر کے فرق کے بغیر انسان کی ضرورت پوری کرنے میں مدد دیتا ہے۔

 

[بابا-جی]

"لوٹا" بھی رنگ و نسل، ذات، پات اور عمر کے فرق کے بغیر انسان کی ضرورت پوری کرنے میں مدد دیتا ہے۔

چمچہ ذرا زیادہ مُعتبر اور قابلِ قبول ہے۔

 

[بابا-جی]

کالا چشمہ پہننے کی وجہ اور شہزادہ امبر سرکار کی توجیہہ!

ایک روز قِبلہ مُرشدی اہلِ سیاست کے گُناہ خُود پر لینے پر تُل گئے اور اسی بے خُودی کے عالم میں اِرشاد فرمایا جو جیو نیوز کا رپورٹر لے اُڑا،
'میں پبلک کی آنکھوں میں آنکھیں ڈال کر بات نہیں کرسکتا، کیونکہ میں ایک کرپٹ سیاستدان ہوں'۔
بحوالہ جِیو نیوز

 

[بابا-جی]

کرپشن کرو اور اتنی کرو کہ ملک ترقی کرنے لگ جائے۔
ڈاکٹر نواب امبر شہزادہ
بحوالہ وقت نیوز

 

[شمشاد]

یہ آپ کے مرشد سے میری ملاقات کہاں ہو سکتی ہے؟

 

[بابا-جی]

یہ آپ کے مرشد سے میری ملاقات کہاں ہو سکتی ہے؟

لاہور میں کہیں بھی اُتریں، کِسی بھی لڑکے بالے سے اِستفسار کریں کِہ تُرکی ٹوپی پہنے ہاتھ میں سٹک تھامے گلے میں طلسمی رومال ڈالے ہُوئے ایک جوانِ رعنا کی تلاش ہے تو وُہ قبلہ مُرشدی کے گھر تک آپ کو پہنچا دیں گے۔

 

[شمشاد]

اس کا مطلب ہوا کہ آیندہ میری لاہور میں آمد اسی مقصد کے لیے ہو گی۔