فلک شیر
محفلین
بہت خوب فلک شیر بھائی،مجھے تو لگتا ہے آپ خود بھی اُردو ادب میں ماسٹر ہیں ۔اتنی مشکل اُردو کہاں سے سیکھی آپ نے
اور بہت شکریہ
ماسٹر نہیں آپا! ’’ماشٹر ضرور ہوں..............
‘‘ اردو بھی کہیں مشکل ہوتی ہے بھلا..........
یوسفی اقتباسات یوسفی
- صاحب لڑی نیلم
- تاریخ ابتداء
سید شہزاد ناصر
محفلین
سید شہزاد ناصر
محفلین
سید شہزاد ناصر
محفلین
لطیف پیرائے میں کیا ہوا طنز گراں نہیں گزرتا اور یوسفی کی یہ ہی خوبی ہےطنزومزاح دونوں ساتھ ساتھ چلتےہیں اوران میں بہت کم فاصلہ ہوتاہےجسےمانپناکبھی کبھی تھوڑا مشکل ہوجاتاہے
سید شہزاد ناصر
محفلین
سید شہزاد ناصر
محفلین
نیلم
محفلین
بہت شکریہ سرکیا کہنے ایک شاہکار تحریر
شریک محفل کرنے کا شکریہ
نیلم
محفلین
نام ۔
سرورق پر ملاحظہ فرمائیے
۔خاندان
سو پشت سے پیشہ آباء سپہ گری کے سوا سب کچھ رہا ہے۔
۔تاریخ پیدائش
عمر کی اس منزل پر آ پہنچا ہوں کہ اگر کوئی سن ولادت پوچھ بیٹھے تو اسے فون نمبر بتا کر باتوں میں لگا لیتا ہوں۔
اور یہ منزل بھی عجیب ہے۔ بقل صاحب “کشکول“ ایک وقت تھا کہ ہمارا تعارف بہو بیٹی قسم کی خواتین سے اس طرح کرایا جاتا تھا کہ فلاں کے بیٹے ہیں۔ فلاں کے بھانجے ہیں اور اب یہ زمانہ آگیا ہے کہ فلاں کے باپ ہیں اور فلاں کے ماموں۔ عمر رسیدہ پیش رو زبان حال سے کہہ رہے ہیں کہ اس کے آگے مقامات آہ و فغاں اور بھی ہیں۔
۔پیشہ
گوکہ یونیورسٹی کے امتحانوں میں اول آیا، لیکن سکول میں حساب سے کوئی طبعی مناسبت نہ تھی۔ اور حساب میں فیل ہونے کو ایک عرصے تک اپنے مسلمان ہونے کی آسمانی دلیل سمجھتا رہا۔
اب وہی ذریعہ معاش ہے۔ حساب کتاب میں اصولاً دو اور دو چار کا قائل ہوں۔ مگر تاجروں کی دل سے عزت کرتا ہوں کہ وہ بڑی خوش اصلوبی سے دو اور دو کو پانچ کر لیتے ہیں۔
۔پہچان
قد: پانچ فٹ ساڑھے چھ انچ (جوتے پہن کر)
وزن: اوور کوٹ پہن کر بھی دبلا دکھائی دیتا ہوں۔ عرصے سے مثالی صحت رکھتا ہوں۔ اس لحاظ سے کہ جب لوگوں کو کراچی کی آب و ہوا کو برا ثابت کرنا مقصود ہو تو اتمام حجت کے لیے میری مثال دیتے ہیں۔
جسامت: یوں سانس روک لوں تو 38 انچ کی بنیان بھی پہن ستا ہوں۔ بڑے لڑکے کے جوتے کا نمبر 7 ہے جو میرے بھی فٹ آتا ہے۔
حلیہ: اپنے آپ پر پڑا ہوں۔
پیشانی اور سر کی حد فاصل اڑ چکی ہے۔ لہذا منہ دھوتے وقت یہ سمجھ نہیں آتا کہ کہاں سے شروع کروں۔ ناک میں بذاۃ کوئی نقص نہیں مگر دوستوں کا خیال ہے کہ بہت چھوٹے چہرے پر لگی ہوئی ہے۔
۔پسند
غالب، ہاکس بے ، بھنڈی
پھولوں میں، رنگ کے لحاظ سے سفید گلاب اور خوشبوؤں میں نئے کرنسی نوٹ کی خوشبو بہت مروب ہے۔ میرا خیال ہے کہ سرسبز تازہ تازہ اور کرارے کرنسی نوٹ کا عطر نکال کر ملازمت پیشہ حضرات اور ان کی بیویوں کو مہینے کی آخری تاریخوں میں سنگھایا جائے تو گرہسی زندگی جنت کا نمونہ بن جائے۔
پالتو جانوروں میں کتوں سے پیار ہے۔ پہلا کتا چوکیداری کے لیے پالا تھا۔ اسے کوئی چرا کر لے گیا۔ اب بر بنائے وضع داری پالتا ہوں کہ انسان کتے کا بہترین رفیق ہے۔ بعض تنگ نظر اعتراض کرتے ہیں کہ مسلمان کتوں سے بلاوجہ چڑتے ہیں حالانکہ اس کی ایک نہایت معقول اور منطقی وجہ موجود ہے۔ مسلمان ہمیشہ سے ایک عملی قوم رہے ہیں۔ وہ کسی ایسے جانور کو محبت سے نہیں پالتے جسے ذبح کرکے کھا نہ سکیں۔
گانے سے بھی عشق ہے۔ اسی وجہ سے ریڈیو نہیں سنتا۔
۔چڑ
جذباتی مرد، غیر جذباتی عورتیں، مٹھاس، شطرنج۔
۔مشاغل
فوٹو گرافی، لکھنا پڑھنا
۔ تصانیف
چند تصویران بتاں، چند مضامین و خطوط
۔ کیوں لکھتا ہوں
ذزریلی نے اس کے جواب میں کہا تھا کہ جب میرا جی عمدہ تحریر پڑھنے کو چاہتا ہے تو ایک کتاب لکھ ڈالتا ہوں۔ رہا سوال کہ یہ کھٹ مٹھے مضامین طنزیہ ہیں یا مزاحیہ یا اس سے بھی ایک قدم آگے۔۔۔ یعنی صرف مضامین، تو یہاں صرف اتنا عرض کرنے پر اکتفا کروں گا کہ وار ذرا اوچھا پڑے، یا بس ایک روایتی آنچ کی کسر رہ جائے تو لوگ اسے بالعموم طنز سے تعبیر کرتے ہیں، ورنہ مزاح ہاتھ آئے تو بت، نہ آئے تو خدا ہے۔
"چراغ تلے" سے اقتباس
سرورق پر ملاحظہ فرمائیے
۔خاندان
سو پشت سے پیشہ آباء سپہ گری کے سوا سب کچھ رہا ہے۔
۔تاریخ پیدائش
عمر کی اس منزل پر آ پہنچا ہوں کہ اگر کوئی سن ولادت پوچھ بیٹھے تو اسے فون نمبر بتا کر باتوں میں لگا لیتا ہوں۔
اور یہ منزل بھی عجیب ہے۔ بقل صاحب “کشکول“ ایک وقت تھا کہ ہمارا تعارف بہو بیٹی قسم کی خواتین سے اس طرح کرایا جاتا تھا کہ فلاں کے بیٹے ہیں۔ فلاں کے بھانجے ہیں اور اب یہ زمانہ آگیا ہے کہ فلاں کے باپ ہیں اور فلاں کے ماموں۔ عمر رسیدہ پیش رو زبان حال سے کہہ رہے ہیں کہ اس کے آگے مقامات آہ و فغاں اور بھی ہیں۔
۔پیشہ
گوکہ یونیورسٹی کے امتحانوں میں اول آیا، لیکن سکول میں حساب سے کوئی طبعی مناسبت نہ تھی۔ اور حساب میں فیل ہونے کو ایک عرصے تک اپنے مسلمان ہونے کی آسمانی دلیل سمجھتا رہا۔
اب وہی ذریعہ معاش ہے۔ حساب کتاب میں اصولاً دو اور دو چار کا قائل ہوں۔ مگر تاجروں کی دل سے عزت کرتا ہوں کہ وہ بڑی خوش اصلوبی سے دو اور دو کو پانچ کر لیتے ہیں۔
۔پہچان
قد: پانچ فٹ ساڑھے چھ انچ (جوتے پہن کر)
وزن: اوور کوٹ پہن کر بھی دبلا دکھائی دیتا ہوں۔ عرصے سے مثالی صحت رکھتا ہوں۔ اس لحاظ سے کہ جب لوگوں کو کراچی کی آب و ہوا کو برا ثابت کرنا مقصود ہو تو اتمام حجت کے لیے میری مثال دیتے ہیں۔
جسامت: یوں سانس روک لوں تو 38 انچ کی بنیان بھی پہن ستا ہوں۔ بڑے لڑکے کے جوتے کا نمبر 7 ہے جو میرے بھی فٹ آتا ہے۔
حلیہ: اپنے آپ پر پڑا ہوں۔
پیشانی اور سر کی حد فاصل اڑ چکی ہے۔ لہذا منہ دھوتے وقت یہ سمجھ نہیں آتا کہ کہاں سے شروع کروں۔ ناک میں بذاۃ کوئی نقص نہیں مگر دوستوں کا خیال ہے کہ بہت چھوٹے چہرے پر لگی ہوئی ہے۔
۔پسند
غالب، ہاکس بے ، بھنڈی
پھولوں میں، رنگ کے لحاظ سے سفید گلاب اور خوشبوؤں میں نئے کرنسی نوٹ کی خوشبو بہت مروب ہے۔ میرا خیال ہے کہ سرسبز تازہ تازہ اور کرارے کرنسی نوٹ کا عطر نکال کر ملازمت پیشہ حضرات اور ان کی بیویوں کو مہینے کی آخری تاریخوں میں سنگھایا جائے تو گرہسی زندگی جنت کا نمونہ بن جائے۔
پالتو جانوروں میں کتوں سے پیار ہے۔ پہلا کتا چوکیداری کے لیے پالا تھا۔ اسے کوئی چرا کر لے گیا۔ اب بر بنائے وضع داری پالتا ہوں کہ انسان کتے کا بہترین رفیق ہے۔ بعض تنگ نظر اعتراض کرتے ہیں کہ مسلمان کتوں سے بلاوجہ چڑتے ہیں حالانکہ اس کی ایک نہایت معقول اور منطقی وجہ موجود ہے۔ مسلمان ہمیشہ سے ایک عملی قوم رہے ہیں۔ وہ کسی ایسے جانور کو محبت سے نہیں پالتے جسے ذبح کرکے کھا نہ سکیں۔
گانے سے بھی عشق ہے۔ اسی وجہ سے ریڈیو نہیں سنتا۔
۔چڑ
جذباتی مرد، غیر جذباتی عورتیں، مٹھاس، شطرنج۔
۔مشاغل
فوٹو گرافی، لکھنا پڑھنا
۔ تصانیف
چند تصویران بتاں، چند مضامین و خطوط
۔ کیوں لکھتا ہوں
ذزریلی نے اس کے جواب میں کہا تھا کہ جب میرا جی عمدہ تحریر پڑھنے کو چاہتا ہے تو ایک کتاب لکھ ڈالتا ہوں۔ رہا سوال کہ یہ کھٹ مٹھے مضامین طنزیہ ہیں یا مزاحیہ یا اس سے بھی ایک قدم آگے۔۔۔ یعنی صرف مضامین، تو یہاں صرف اتنا عرض کرنے پر اکتفا کروں گا کہ وار ذرا اوچھا پڑے، یا بس ایک روایتی آنچ کی کسر رہ جائے تو لوگ اسے بالعموم طنز سے تعبیر کرتے ہیں، ورنہ مزاح ہاتھ آئے تو بت، نہ آئے تو خدا ہے۔
"چراغ تلے" سے اقتباس
نیلم
محفلین
آپ کا بھی بہت شکریہ
نیلم
محفلین
چارپائی ۔
چرچراتی ہوئی چارپائی کو میں نہ گل نغمہ سمجھتا ہوں نہ پردہ ساز ، اور نہ اپنی شکست کی آواز ، در حقیقت یہ آواز چارپائی کا اعلانِ صحت ہے کیونکہ اس کے ٹوٹتے ہی یہ بند ہو جاتی ہے علاوہ ازیں ایک خود کار الارم کی حیثیت سے یہ شب بیداری اور سحر خیزی میں مدد دیتی ہے ۔
بعض چارپائیاں اس قدر چغل خور ہوتی ہیں کہ ذرا کروٹ بدلیں تو دوسری چارپائی والا کلمہ پڑھتا ہوا ہڑبڑا کر اٹھ بیٹھتا ہے ۔
اگر پاؤں بھی سکیڑیں تو کتے اتنی زور سے بھونکتے ہیں کہ چوکیدار تک جاگ اٹھتے ہیں۔
اس سے یہ فائدہ ضرور ہوتا ہے کہ لوگ رات بھر نہ صرف ایک دوسرے کی جان و مال بلکہ چال چلن کی بھی چوکیداری کرتے رہتے ہیں ۔
اگر ایسا نہیں ہے تو پھر آپ ہی بتائیے کہ رات کو آنکھ کھلتے ہی نظر سب سے پہلے پا س والی چارپائی پر کیوں جاتی ہے۔؟
"چراغ تلے" سے ایک اقتباس
چرچراتی ہوئی چارپائی کو میں نہ گل نغمہ سمجھتا ہوں نہ پردہ ساز ، اور نہ اپنی شکست کی آواز ، در حقیقت یہ آواز چارپائی کا اعلانِ صحت ہے کیونکہ اس کے ٹوٹتے ہی یہ بند ہو جاتی ہے علاوہ ازیں ایک خود کار الارم کی حیثیت سے یہ شب بیداری اور سحر خیزی میں مدد دیتی ہے ۔
بعض چارپائیاں اس قدر چغل خور ہوتی ہیں کہ ذرا کروٹ بدلیں تو دوسری چارپائی والا کلمہ پڑھتا ہوا ہڑبڑا کر اٹھ بیٹھتا ہے ۔
اگر پاؤں بھی سکیڑیں تو کتے اتنی زور سے بھونکتے ہیں کہ چوکیدار تک جاگ اٹھتے ہیں۔
اس سے یہ فائدہ ضرور ہوتا ہے کہ لوگ رات بھر نہ صرف ایک دوسرے کی جان و مال بلکہ چال چلن کی بھی چوکیداری کرتے رہتے ہیں ۔
اگر ایسا نہیں ہے تو پھر آپ ہی بتائیے کہ رات کو آنکھ کھلتے ہی نظر سب سے پہلے پا س والی چارپائی پر کیوں جاتی ہے۔؟
"چراغ تلے" سے ایک اقتباس
نیلم
محفلین
بہت شکریہ
نیلم
محفلین
بہت شکریہ
نیلم
محفلین
دفن کے وقت میت کے علاوہ سب رنجیدہ ہوتے ہیں۔
بعض لوگ اپنی پیدائشی کاہلی کی وجہ سے تمام عمر گناہوں سے بچے رہتے ہیں۔
بعضوں کے دل و دماغ واقعی آئینے کی طرح ہوتے ہیں ۔یعنی نیک خیالات آتے ہیں اور گزر جاتے ہیں۔
اب تو میڈیکل سائنس کی ترقی کا یہ حال ہے کہ روز ایک نیا مرض ایجاد ہوتا ہے۔
آپ نے گاندھی گارڈن میں اس بوہری کو کار میں چہل قدمی کرتے دیکھا جو کہتا ہے کہ میں ساری عمر دمے پر اتنی لاگت لگا چکا ہوں کہ اب کسی اور مرض میں مرنا پڑا تو خودکشی کرلونگا۔
یہ سب نظر کا دھوکا ہے ۔درحقیقت زندگی اور موت میں کوئی فرق نہیں ۔کم از کم ایشیا میں۔
مرد کی آنکھ اور عورت کی زبان کا دم سب سے آخر میں نکلتا ہے۔
(مشتاق احمد یوسفی)
بعض لوگ اپنی پیدائشی کاہلی کی وجہ سے تمام عمر گناہوں سے بچے رہتے ہیں۔
بعضوں کے دل و دماغ واقعی آئینے کی طرح ہوتے ہیں ۔یعنی نیک خیالات آتے ہیں اور گزر جاتے ہیں۔
اب تو میڈیکل سائنس کی ترقی کا یہ حال ہے کہ روز ایک نیا مرض ایجاد ہوتا ہے۔
آپ نے گاندھی گارڈن میں اس بوہری کو کار میں چہل قدمی کرتے دیکھا جو کہتا ہے کہ میں ساری عمر دمے پر اتنی لاگت لگا چکا ہوں کہ اب کسی اور مرض میں مرنا پڑا تو خودکشی کرلونگا۔
یہ سب نظر کا دھوکا ہے ۔درحقیقت زندگی اور موت میں کوئی فرق نہیں ۔کم از کم ایشیا میں۔
مرد کی آنکھ اور عورت کی زبان کا دم سب سے آخر میں نکلتا ہے۔
(مشتاق احمد یوسفی)
نیلم
محفلین
بےشک بھائی