شاہ نیاز افسانہ مرے درد کا اُس یار سے کہہ دو - شاہ نیاز بریلوی

[حسان خان]

افسانہ مرے درد کا اُس یار سے کہہ دو​

فرقت کی مصیبت کو دل آزار سے کہہ دو​

​

جھکتا نہیں یہ دل طرفِ قبلۂ عالم​

محرابِ خمِ ابروئے دلدار سے کہہ دو​

​

ایک تو ہی نہیں میں بھی ہوں اُن آنکھوں کا مارا​

اے اہلِ نظر نرگسِ بیمار سے کہہ دو​

​

سِسکے ہے پڑا خنجرِ مژگاں کا یہ گھائل​

تیرِ نگہِ دیدۂ خونخوار سے کہہ دو​

​

میں عشق کی ملت میں ہوں اے شیخ و برہمن​

جا عشق مرا سبحہ و زنّار سے کہہ دو​

​

کیا جوش میں ہے اب مئے وحدت خمِ دل میں​

اُبلے ہے پڑی رومی و عطار سے کہہ دو​

​

جوں مہر کے سنمکھ کہے آئینہ انا الشمس​

بولوں ہوں انا اللہ سرِ دار سے کہہ دو​

​

مشکل جو نیاز آئے تمہیں فقر میں درپیش​

جا شاہِ نجف حیدرِ کرّار سے کہہ دو​

​

(حضرت شاہ نیاز بریلوی)​

​

سنمکھ (sanmukh) = سامنے، روبرو، بالمقابل​

 

[کاشفی]

خوبصورت انتخاب۔ بہت خوب۔

 

[مدیحہ گیلانی]

مشکل جو نیاز آئے تمہیں فقر میں درپیش​

جا شاہِ نجف حیدرِ کرّار سے کہہ دو۔
واہ بہت خوب ۔۔بےشک ۔​

 

[حماد]

​

اے اہلِ نظر نرگسِ بیمار سے کہہ دو​

​

​

کوشش کے باوجود نرگس ہی لکھا جاتا ہے۔ نر گ س کیسے لکھیں؟

 

[حسان خان]

کوشش کے باوجود نرگس ہی لکھا جاتا ہے۔ نر گ س کیسے لکھیں؟

میں آپ کی بات سمجھا نہیں، حماد بھائی۔