اصلاح سخن: آخرش میں انہیں، ناخدا کیوں کروں؟

فاخر افتخاررحمانی نے 'اِصلاحِ سخن' کی ذیل میں اس موضوع کا آغاز کیا، ‏اکتوبر 10, 2019

  1. فاخر افتخاررحمانی

    فاخر افتخاررحمانی محفلین

    مراسلے:
    72
    جھنڈا:
    India
    موڈ:
    Psychedelic
    غزل

    افتخاررحمانی فاخرؔ

    احباب اور اساتذہ کرام کی خدمت



    زیست کے مہرباں کو خفا کیوں کروں
    احمقانہ میں ایسی خطا کیوں کروں؟

    تجھ سے قائم ہیں یہ عشق کے سلسلے
    جسم سے روح کو میں جدا کیوں کروں

    ہوجنہیں ناگہاں خوف و غم موج سے
    آخرش میں انہیں ناخدا کیوں کروں

    نقش پا پرجنوں نے کہا رکھ کے سر
    سجدۂ شوق کو اب قضا کیوں کروں؟

    آشنا جو نہ ہوں گرمئ عشق سے!
    ایسے بے ذوق کو رہنما کیوں کروں


    تجھ سے ہیں فرحتیں میں بھلا کر تجھے

    اپنے دل کوبھلا غم کدہ کیوں کروں

    ہجر کی شدتیں خود سہوں گا مگر
    تجھ کو بتلا کے میں غم زدہ کیوں کروں

    عشق میں جو ملا تیرے صد قے ملا

    جذبۂ عشق کو میں فنا کیوں کروں ؟
     
    آخری تدوین: ‏اکتوبر 10, 2019
    • پسندیدہ پسندیدہ × 1
  2. ارشد چوہدری

    ارشد چوہدری محفلین

    مراسلے:
    1,255
    جھنڈا:
    UnitedStates
    موڈ:
    Brooding
    بہت خوبصورت۔
     
  3. محمد خلیل الرحمٰن

    محمد خلیل الرحمٰن مدیر

    مراسلے:
    7,854
    جھنڈا:
    Pakistan
    موڈ:
    Festive
    خوبصورت غزل۔

    بس کچھ غیر ضروری کاماز ہٹا دیجیے۔
     
  4. عظیم

    عظیم محفلین

    مراسلے:
    6,628
    زیست کے مہرباں،کو خفا کیوں کروں
    احمقانہ میں ایسی خطا کیوں کروں؟
    ۔۔۔ دوسرے میں الفاظ کی ترتیب اچھی نہیں لگ رہی، خاص طور پر احمقانہ کی نشست!

    تجھ سے قائم ہیں یہ ، عشق کے سلسلے
    جسم سے روح کو ، میں جدا کیوں کروں
    ۔۔۔ درست

    ہوجنہیں ناگہاں ، خوف و غم موج سے
    آخرش میں انہیں، ناخدا کیوں کروں
    ۔۔۔ کون سی موج؟ اس کی بھی وضاحت کریں

    نقش پا پرجنوں نے کہا ، رکھ کے سر
    سجدۂ شوق کو ،اب قضا کیوں کروں؟
    ۔۔۔ شوق کو میں ق اور ک کی آوازوں کی وجہ سے تنافر سا ہے، اس کو بدلا جا سکے تو بہتر ہے

    آشنا جو نہ ہو، گرمئ عشق سے
    ایسے گمراہ کو رہنما کیوں کروں

    ۔۔۔ ٹھیک

    تجھ سے ہیں فرحتیں ، میں بھلا کر تجھے

    اپنی شب کوبھلا ، غم کدہ کیوں کروں
    ۔۔۔۔ شب کو غم کدہ کرنا کچھ عجیب لگتا ہے، گھر وغیرہ شاید چل جائے
    اس کے علاوہ فرحتوں کے ساتھ 'یہ سب' یا سب وغیرہ تو اور اچھا ہوتا

    ہجر کی شدتیں خود سہوں گا مگر
    تجھ کو بتلا کے میں غم زدہ کیوں کروں
    ۔۔۔۔ درست ہے

    عشق میں جو ملا ، تیرے صد قے ملا

    جذبۂ عشق کو میں فنا کیوں کروں!
    ۔۔۔ بے ربط لگتا ہے شعر
     
  5. فاخر افتخاررحمانی

    فاخر افتخاررحمانی محفلین

    مراسلے:
    72
    جھنڈا:
    India
    موڈ:
    Psychedelic
    جى ضرور تقطیع کے لیے ’’کاما‘‘ لگایا تھا ۔ پیش کرتےوقت اس کاخیال نہیں رہا ؛ اس لیے ’کاما‘ حذف کرنے سے رہ گیا تھا۔
     
  6. فاخر افتخاررحمانی

    فاخر افتخاررحمانی محفلین

    مراسلے:
    72
    جھنڈا:
    India
    موڈ:
    Psychedelic
    جزاک اللہ خیراً۔ کچھ ترمیم میں نے بعد از غور کے کیا ہے ۔ آپ کے مشورہ پر بھی عمل کرتا ہوں ان شاءاللہ الرحمٰن ۔
     
  7. فاخر افتخاررحمانی

    فاخر افتخاررحمانی محفلین

    مراسلے:
    72
    جھنڈا:
    India
    موڈ:
    Psychedelic
    جزاک اللہ خیرا !
     
  8. الف عین

    الف عین لائبریرین

    مراسلے:
    33,762
    جھنڈا:
    India
    موڈ:
    Psychedelic
    زیست کے مہرباں کی ترکیب بھی پسند نہیں آئی مجھے
     

اس صفحے کی تشہیر