اشعار کا سلسلہ،حروف ِ تہجی سے

[عمر سیف]

اللہ حافظ نوید

بہت مشکل ہے ترکِ عاشقی کا درد سہنا بھی
بہت دشوار ہے لیکن محبت کرتے رہنا بھی

 

[شمشاد]

صحیح پوچھیں تو آپ دونوں کا انتخاب پڑھ کے بہت مزہ آتا ہے۔

اور آپ کی رفتار کا تو میں ساتھ ہی نہیں دے سکتا۔

 

[شمشاد]

پھول کی پتی سے کٹ سکتا ہے ہیرے کا جگر
مردِ ناداں پر کلامِ نرم و نازک بے اثر

 

[الف عین]

تم کو دیکھیں کہ تم سے بات کریں
تم مخاطب بھی ہو قریب بھی ہو

 

[عمر سیف]

ٹوٹی نہیں‌طبقات کی دیوار ابھی تک
ملنا نہ صحیح ان سے شناسائی تو ہوئی

 

[شمشاد]

ث سے معذرت

جا کہیو ان سے نسیمِ سحر میرا چین گیا میری نیند گئی
تمہیں میری نہ مجھے تمہاری خبر میرا چین گیا میری نیند گئی
(بہادر شاہ ظفر)

 

[عمر سیف]

چلتی ہے اب تو سانس بھی اس احتیاط سے
جیسے گُزر رہی ہو کسی پُل صراط سے

 

[شمشاد]

حسن غمزے کی کشاکش سے چھوٹا میرے بعد
بڑے آرام سے ہے اہلِ جفا میرے بعد
(چچا)

 

[عمر سیف]

خوشی کا غم ہے نہ غم کی کوئی خوشی اب تو
بہت اُداس گزرتی ہے زندگی اب تو

 

[شمشاد]

دیکھنا ہے وہ مجھ پر مہربان کتنا ہے
اصلیت کہاں تک ہے اور گماں کتنا ہے
(ظفر اقبال)

 

[عمر سیف]

ڈھونڈ اُجرے ہوئے لوگوں میں وفا کے موتی
یہ خزانے تجھے ممکن ہے خوابوں میں ملیں

 

[شمشاد]

ذکرِ شبِ فراق سے وحشت اسے بھی تھی
میری طرح کسی سے محبت اسے بھی تھی
(محسن نقوی)

 

[امیداورمحبت]

رشتہء جاں تھا کبھی جن کا خیال
ان کی صورت بھی تو اب یاد نہیں !

(ناصر کاظمی)

 

[شمشاد]

زباں سخن کو سخن بانکپن کو ترسے گا
سخن کدہ میری طرزِ سخن کو ترسے گا
(ناصر کاظمی)

 

[محمد سکندر حیات]

سب کہاں کچھ لالہ و گل میں نمایاں ہو گئیں
خاک میں کیا صورتیں ہوں گی کہ پنہاں ہو گئیں

 

[شمشاد]

شعلہ تھا جل بجھا ہوں ہوائیں مجھے نہ دو
میں کب کا جا چکا ہوں صدائیں مجھے نہ دو
(احمد فراز)

 

[سارہ خان]

صحرا کی طرح رہتے ہوئے تھک گئیں آنکھیں
دکھ کہتا ہے ، اب میں کوئی دریا بھی تو دیکھوں
(پروین شاکر)
ض

 

[شمشاد]

ضدی، وحشی، الہڑ، چنچل، میٹھے لوگ، رسیلے لوگ
ہونٹ ان کے غزل کے مصرعے، آنکھوں میں افسانے تھے

 

[سارہ خان]

طریق عشق میں ہو راہ راہ کی گردش
کبھی کبھی کا سکوں گاہ گاہ کی گردش
(داغ دہلوی)

ظ

 

[شمشاد]

ظالم تھا وہ اور ظلم کی عادت بھی بہت تھی
مجبور تھے ہم اس سے محبت بھی بہت تھی
(کلیم عاجز)