اشعار - حروف تہجی کے لحاظ سے

[لاريب اخلاص]

یوں ہی موسم کی ادا دیکھ کے یاد آیا ہے
کس قدر جلد بدل جاتے ہیں انساں جاناں
احمد فراز

 

[لاريب اخلاص]

اک شجر ایسا محبت کا لگایا جائے
جس کا ہمسائے کے آنگن میں بھی سایا جائے
ظفر زیدی

 

[سیما علی]

بھولی ہوئی صدا ہوں مجھے یاد کیجیے
تم سے کہیں ملا ہوں مجھے یاد کیجیے
منزل نہیں ہوں ، خضر نہیں ، راہزن نہیں
منزل کا راستہ ہوں مجھے یاد کیجیے

ساغر صدیقی

 

[سیما علی]

پُھولوں سے اِک بھری ہُوئی بستی یہاں پہ تھی
اب دل پہ اس کا ہوتا نہیں اشتباہ تک!!!!!!!!!!
امجد ‌اسلام ‌امجد

 

[سیما علی]

توڑ کر عہد کرم نا آشنا ہو جائیے
بندہ پرور جائیے، اچھا ، خفا ہو جائیے
حسرت موہانی

 

[سیما علی]

ٹک حرص و ہوس کو چھوڑ میاں مت دیس بدیس پھرے مارا
قزُاق اجل کا لوٹے ہے دن رات بجا کر نقُارہ!!!!!!!!!!!!!

نظیراکبرآبادی


اب پ ت ٹ ث ج چ ح خ د ڈ ذ‌ ر‌ ڑ ز ژ س ش ص ض‌ ط‌ ظ ع غ ف ق ک گ ل م ن و ہ ھ ء ی ے۔

 

[شمشاد]

ثابت قدم ہیں آج بھی ہم اپنے قول پر
دشمن کو ہم سے دوست بنایا نہ جائے گا
خورشید علیگ

 

[سیما علی]

جب ہم نشیں نے اس کی باتیں سنائیاں ہیں
بے اختیار اس دم آنکھیں بھرآئیاں ہیں
جسونت سنگھ

 

[شمشاد]

چاہت کے بدلے میں ہم بیچ دیں اپنی مرضی تک
کوئی ملے تو دل کا گاہک کوئی ہمیں اپنائے تو
عندلیب شادانی

 

[سیما علی]

چاہت مِری، چاہت ہی نہیں آپ کے نزدیک
کچھ میری حقیقت ہی نہیں آپ کے نزدیک

اگلی سی نہ راتیں ہیں، نہ گھاتیں ہیں، نہ باتیں
کیا اب میں وہ، حسرت ہی نہیں آپ کے نزدیک

حسرت موہانی

 

[سیما علی]

حالِ دل کہہ دیں کسی سے، بارہا سوچا مگر
اِس اِرادے کو ہمیشہ مُلتوی کرتے رہے

 

[شمشاد]

خیال یار جب آتا ہے بیتابانہ آتا ہے
کہ جیسے شمع کی جانب کوئی پروانہ آتا ہے
جگن ناتھ آزاد

 

[سیما علی]

دید کی جھولی کہیں خالی نہ رہ جائے عدیم
ہم نے آنکھوں میں تیرے جانے کا منظر رکھ لیا
عدیم ہاشمی

 

[شمشاد]

ڈوبتے سورج جیسا منظر لگتا ہے
ہجر میں بوجھل آنکھوں سے ڈر لگتا ہے
ناشر نقوی

 

[سیما علی]

ذکر اس کا ہی سہی بزم میں‌ بیٹھے رہو فراز
درد کیسا بھی اٹھے ہاتھ نہ دل پر رکھنا


اب پ ت ٹ ث ج چ ح خ د ڈ ذ‌ ر‌ ڑ ز ژ س ش ص ض‌ ط‌ ظ ع غ ف ق ک گ ل م ن و ہ ھ ء ی ے۔

 

[سیما علی]

رگوں میں دوڑتے پھرنے کے ہم نہیں قائل
جو آنکھ ہی سے نہ ٹپکا وہ لہو‌کیا ہے

 

[سیما علی]

زخم جتنے بھی تھے سب منسوبِ قاتل ہوئے
تیرے ہاتھوں کے نشاں اے چارہ گر دیکھے گا کون

 

[سیما علی]

سخت بوجھل ہوں میں اب دکھ کے سفر سے احمد
رات دن ضبط کی شہہ رگ سے لہو جاری ہے

سید آل احمد

 

[سیما علی]

شب بیتی چاند بھی ڈوب چلا زنجیر پڑی دروازے پر
کیوں دیر گئے گھر آئے ہو سجنی سے کرو گے بہانہ کیا

 

[سیما علی]

صوفی ار باده به اندازه خورد نوشش باد
ورنه اندیشه این کار فراموشش باد
حافظ

• صوفیا اپنی جتنی شراب پی سکتے ہیں ، ورنہ
  وہ ایسا کرنے کی سوچ کو بھول جائیں گے