اشعار جو اپنے خالق کو پیچھے چھوڑ گئے

[الف عین]

انہیں راستوں پہ چل کر اگر آ سکو تو آؤ
مرے گھر کلے راستے میں کوئی کہکشاں نہیں ہے
تیغ الہ آبادی
جو بعد میں پاکستان میں پہجرت کے بعد مصطفیٰ زیدی بن گئے۔

 

[فرخ منظور]

انہیں راستوں پہ چل کر اگر آ سکو تو آؤ
مرے گھر کلے راستے میں کوئی کہکشاں نہیں ہے
تیغ الہ آبادی
جو بعد میں پاکستان میں پہجرت کے بعد مصطفیٰ زیدی بن گئے۔

اعجاز صاحب معذرت کے ساتھ لیکن صحیح شعر یوں ہے -

انہیں پتھروں پہ چل کر اگر آسکو تو آؤ
مرے گھر کے راستے میں کوئی کہکشاں نہیں ہے

 

[فرخ منظور]

اگر کوئی بتا سکے کہ یہ شعر کس کا ہے؟

تو اسے اپنی تمناؤں کا مرکز نہ بنا
چاند ہرجائی ہے ہر گھر میں اترتا ہوگا

 

[فرخ منظور]

اور یہ شعر کس کا ہے؟

گلِ نرگس کا گلدستہ بدستِ غیر کیوں بھیجا
جو آنکھیں ہی دکھانا تھی تو خود آکے دکھا جاتے

 

[الف عین]

اشعار اچھے سہی لیکن میں ان اشعار کو جمع کرنا چاہ رہا تھا جو بے حد مشہور ہیں اور ضرب المظلبھی بن چکے ہیں لیکن شاعر کا نام لوگ بھول چکے ہیں۔ اکثر اشعار جو احباب نے پیش کیے ہیں، کم از کم میں نے سنے بھی نہیں!!

 

[الف عین]

زمانہ بڑے شوق سے سن رہا تھا
ہمیں سو گئے داستاں کہتے کہتے
یہ شعر ثاقب کانپوری کا ہے،۔
ثاقب ابو الخیر کشفی کے والد تھے، کشفی صاحب کا حال ہی میں پاکستان میں انتقال ہوا ہے۔

 

[فرخ منظور]

قریب ہے یار روزِ محشر، چھپے گا کشتوں کا خون کیونکر
جو چُپ رہے گی زبانِ خنجر، لہو پکارے گا آستین کا

(امیر مینائی)

 

[فرخ منظور]

قسمت کو دیکھ ٹوٹی ہے جا کر کہاں کمند
دو چار ہاتھ جبکہ لبِ بام رہ گیا

(شیخ قیام الدین قائم)

 

[فرخ منظور]

برگِ حنا اوپر لکھ احوالِ دل مرا
شاید کہ جا لگے وہ کسی دل ربا کے ہاتھ

(مرزا جان جانان مظہر دہلوی)

 

[فرخ منظور]

نہ چھیڑ اے نکہتِ بادِ بہاری راہ لگ اپنی
تجھے اٹکھیلیاں سوجھی ہیں ہم بیزار بیٹھے ہیں

بھلا گردش فلک کی چین دیتی ہے کسے انشا
غنیمت ہے کہ ہم صورت یہاں دو چار بیٹھے ہیں

(میر انشااللہ خان انشا)

 

[فرخ منظور]

اے ذوق دیکھ دخترِ رز کو نہ منہ لگا
چھٹتی نہیں ہے منہ سے یہ کافر لگی ہوئی

(استاد ابراہیم ذوق)

 

[فرخ منظور]

اے شمع تیری عمرِ طبیعی ہے ایک رات
ہنس کر گزار یا اسے رو کر گزار دے

(استاد ابراہیم ذوق)

 

[فرخ منظور]

اب تو گھبرا کے یہ کہتے ہیں کہ مر جائیں گے
مر کے بھی چین نہ پایا تو کدھر جائیں گے

(استاد ابراہیم ذوق)

 

[فرخ منظور]

الجھا ہے پاؤں یار کا زلفِ دراز میں
لو آپ اپنے دام میں صیّاد آگیا

(مومن)

 

[فرخ منظور]

ہم بندگئ بت سے ہوتے نہ کبھی کافر
ہر جائے گر اے مومن موجود خدا ہوتا

(مومن)

 

[فرخ منظور]

صد سالہ دورِ چرخ تھا ساغر کا ایک دور
نکلے جو میکدے سے تو دنیا بدل گئی

(گستاخ رامپوری)

 

[جیہ]

الچھا ہے پاؤں یار کا زلفِ دراز میں
لو آپ اپنے دام میں صیّاد آگیا

(مومن)

پاؤں شاید الجھا ہوگا

 

[فرخ منظور]

پاؤں شاید الجھا ہوگا

ہا ہا بہت شکریہ تصحیح کے لئے۔ اصل میں فائر فوکس میں ٹائپ کرتے ہوئے فونٹ بہت چھوٹا نظر آتا ہے اس لئے ایسی غلطیاں ہو جاتی ہیں۔ میں ابھی درست کر دیتا ہوں۔ بہت شکریہ!

 

[جیہ]

فائر فوکس میں لکھتے وقت الٹ‌ اور + اکھٹے دبانے سے سکرین بڑا ہو جاتا ہے

 

[ابوشامل]

فائر فوکس میں لکھتے وقت الٹ‌ اور + اکھٹے دبانے سے سکرین بڑا ہو جاتا ہے

محترمہ! فائر فاکس میں "Alt کے ساتھ "+" دبانے سے نہیں بلکہ "Ctrl" کے ساتھ "+" دبانے سے زوم اِن ہوتا ہے۔