اس بات کو سمجھ لے اچھی طرح زمانہ

[ارشد چوہدری]

الف عین
عظیم
شکیل احمد خان23
محمد احسن سمیع راحلؔ
۔۔۔۔۔۔۔۔۔۔۔۔۔۔۔ٓٓٓٓٓٓٓٓ-----------
اس بات کو سمجھ لے اچھی طرح زمانہ
ظالم کے در پہ مجھ کو آیا نہ سر جھکانا
--------
اک بار جس کسی سے تم دوستی لگا لو
اس کو نہ زندگی بھر نظروں سے پھر گرانا
----------
ہر پل یہاں جو گزرا اس کا حساب ہو گا
دنیا میں رہ کے خود کو عصیان سے بچانا
-----------
کچھ تو کیا ہے تم نے جس کو چھپا رہے ہو
مشکوک لگ رہا ہے نظروں کو یوں چرانا
--------
بس مختصر سی اپنی دنیا میں زندگی ہے
اس کے لئے نہ ہرگز محشر کو بھول جانا
---------
آواز کو ہماری کیسے دبا سکو گے
آسان اب نہیں ہے حق بات کو دبانا
---------
رہنا ہے اس جہاں میں بن کر ہمیں مسافر
برتو جہاں کو لیکن اس میں ہی کھو نہ جانا
--------
کرتا ہوں میں توکّل اپنے خدا پہ ہر دم
سمجھا ہے شرک میں نے غیروں کے در پہ جانا
--------
ظالم کے در پہ ارشد جھکنا کبھی نہ ہرگز
اس راہِ حق میں چاہے گردن پڑے کٹانا
----------

 

[شکیل احمد خان23]

کرتا ہوں میں توکّل اپنے خدا پہ ہر دم۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سمجھا ہے شرک میں نے غیروں کے در پہ جانا۔۔۔۔۔۔۔۔۔۔جانا ہے شرک میں نے غیروں کے در پہ جانا

 

[شکیل احمد خان23]

اس بات کو سمجھ لے اچھی طرح زمانہ۔۔۔۔۔۔۔۔۔۔۔۔۔۔۔اچھی طرح سمجھ لے اِس بات کو زمانہ
ظالم کے در پہ مجھ کو آیا نہ سر جھکانا۔۔۔۔۔۔۔۔۔۔۔۔۔۔۔۔۔ظالم کے آگے میں نے یہ سر نہیں جھکانا

اک بار جس کسی سے تم دوستی لگا لو۔۔۔۔۔۔۔۔۔۔۔۔۔۔دنیا میں جب کسی سے ہوجائے پیار تم کو
اس کو نہ زندگی بھر نظروں سے پھر گرانا۔۔۔۔۔۔۔۔۔۔۔رشتہ محبتوں کا یہ عمر بھر نبھانا

ہر پل یہاں جو گزرا اس کا حساب ہو گا۔۔۔۔۔۔۔۔۔۔۔۔یومِ جزا ہے سر پر لو آج عزم کرلو
دنیا میں رہ کے خود کو عصیان سے بچانا۔۔۔۔۔۔۔۔۔دنیا میں ہم نے خود کو عصیاں سے ہے بچانا

کچھ تو کیا ہے تم نے جس کو چھپا رہے ہو۔۔۔۔۔۔۔۔کچھ تو کیا ہے تُو نے جس کو چُھپا رہا ہے
مشکوک لگ رہا ہے نظروں کو یوں چرانا۔۔۔۔۔۔۔۔مشکوک ہے یوں مجھ سے آنکھیں ترا چُرانا

بس مختصر سی اپنی دنیا میں زندگی ہے۔۔۔۔۔۔۔۔۔۔۔۔۔۔ہے مختصر تمھاری دنیا کی زندگی یہ
اس کے لئے نہ ہرگز محشر کو بھول جانا۔۔۔۔۔۔۔۔۔۔۔۔۔اس کے لیے نہ ہر گز محشر کو بھول جانا

آواز کو ہماری کیسے دبا سکو گے۔۔۔۔۔۔۔۔۔۔۔آواز تم ہماری کیسے دبا سکو گے
آسان اب نہیں ہے حق بات کو دبانا۔۔۔۔۔۔۔۔ممکن نہیں ہے سچ کی آواز کو دبانا

رہنا ہے اس جہاں میں بن کر ہمیں مسافر۔۔۔۔۔۔۔۔۔۔۔۔۔۔۔دنیا میں تم کو رہنا ہے جیسے اک مسافر
برتو جہاں کو لیکن اس میں ہی کھو نہ جانا۔۔۔۔۔۔۔۔۔۔۔۔۔۔۔۔دم لو یہاں گھڑی بھر آگے ابھی ہے جانا
--------
کرتا ہوں میں توکّل اپنے خدا پہ ہر دم۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔کرتا ہوں میں توکل اپنے خدا پہ دائم
سمجھا ہے شرک میں نے غیروں کے در پہ جانا۔۔۔۔۔۔۔۔۔۔۔۔۔۔۔۔۔۔۔۔۔۔آتا نہیں ہے مجھ کو غیروں کا در بجانا
--------
ظالم کے در پہ ارشد جھکنا کبھی نہ ہرگز۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ظلم و ستم کے آگے ارشد کبھی نہ جھکنا
اس راہِ حق میں چاہے گردن پڑے کٹانا۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔اس میں یہ جاں رہے یا گردن پڑے کٹانا

 

[الف عین]

شکیل احمد خان23 کچھ مصرعے تو واقعی بہت اچھے بنا دئے، لیکن
میں نے یہ سر جھکانا، ہم نے عصیاں سے ہے بچانا پنجابی اردو کا محاورہ ہے،اہل زبان کی فصیح اردو نہیں
در بجانا.. محاورہ بھی سمجھ نہیں سکا

 

[شکیل احمد خان23]

@شکیل احمد خان23 کچھ مصرعے تو واقعی بہت اچھے بنا دئے، لیکن
میں نے یہ سر جھکانا، ہم نے عصیاں سے ہے بچانا پنجابی اردو کا محاورہ ہے،اہل زبان کی فصیح اردو نہیں
در بجانا.. محاورہ بھی سمجھ نہیں سکا

استاذی مکرم ان شاء اللہ آیندہ ہدایات پر عمل کروں گااور مذکورہ معائب و نقائص سے بچنے کی کوشش کروں گا۔۔۔۔۔۔۔

 

[شکیل احمد خان23]

اس بات کو سمجھ لے اچھی طرح زمانہ
ظالم کے در پہ مجھ کو آیا نہ سر جھکانا

اچھی طرح سمجھ لے اِس بات کو زمانہ
ظالم کے درپہ ہم کو سر ہی نہیں جھکانا

 

[شکیل احمد خان23]

اک بار جس کسی سے تم دوستی لگا لو
اس کو نہ زندگی بھر نظروں سے پھر گرانا

اک بار جب کسی سے ہوجائے پیار تم کو
رشتہ محبتوں کا یہ عمر بھر نبھانا

 

[شکیل احمد خان23]

ہر پل یہاں جو گزرا اس کا حساب ہو گا
دنیا میں رہ کے خود کو عصیان سے بچانا

جو پل بھی جگ میں گزرا اس کا حساب ہوگا
ایسا۔ نہ ہو تمھیں واں ذلت پڑے اُٹھانا

 

[شکیل احمد خان23]

کرتا ہوں میں توکّل اپنے خدا پہ ہر دم
سمجھا ہے شرک میں نے غیروں کے در پہ جانا

کرتا ہوں میں توکل اپنے خدا پہ ہر دم
آتا ۔مجھے نہیں ہے۔ در در۔ صدا لگانا