خبر کے متن کے مطابق یہ معاملہ فرقہ بندی کا روپ دھار کر امن کو خراب کر سکتا تھا لہذا اس پر پابندی لگا دی گئی۔ ساتھ ہی جرمن آئین کی وضاحت بھی کر دی گئی کہ وہ مذہبی آزادی کا قائل ہے اور اس فیصلے کو مبینہ حالات کے تناظر میں صرف اسی سکول تک محدود سمجھا جائے۔ یہاں تک تو بات سمجھ میں اتی ہے۔ لیکن یہ بات سمجھ میں نہیں اتی کہ جرمنی کہ جہاں مقدمات کو اس قدر طول دینے کی روایت نہیں ہیے اس مقدمہ کا فیصلہ 4 سال کے طویل عرصہ بعد کیا گیا۔ خیر یہ بھی کوئی بڑی بات نہیں ایسے حساس معاملات کی پیچیدگیاں بھی گنجلک ہوتی ہیں۔ اس لئیے عمومی طور پر یہ اس سکول اور جرمنی کا داخلی معاملہ کہا جا سکتا ہے جس پر ہمارے رائے کی اہمیت ہے نہ ضرورت۔
لیکن اس معاملے کو وسیع تناظر اور یورپ کے حوالے سے دیکھا جائے تو کہا جا سکتا ہے کہ یورپ کا انتہائی معزز ملک ہونے کی نسبت سے جرمنی کی عدلیہ کو اپنی سیاسی قیادت کو باور کروانا چاہئیے کہ جس طرح سے ایک مذہب کے اندرونی فرقوں کا معاملہ چھوٹے پیمانے پر اشتعال اور تشدد کا سبب بن سکتا ہے اسی طرح چند جنونی گروپوں کا اسلام اور حضرت محمد صلی اللہ علیہ وآلہ وسلم کی شان میں گستاخانہ رویہ بھی اتنے ہی وسیع تناظر میں عالمی امن کو تباہ کر سکتا ہے اور اس معاملہ پر جرمنی ان گستا خانہ حرکتوں کو آزادی رائے کہنے کی بجائے حقیقت پسندانہ پالیسی اختیار کرے اور اس بات کو محسوس کرے کہ مذہبی شدت پسندی اور انبیاء کی شان میں گستاخٰی کسی بھی صورت میں قبول نہ کی جائے۔
