ابوشامل
محفلین
اردو بولنے اور سمجھنے طبقے کی تمام تر عدم توجہی کے باوجود چند دیوانوں نے جس کام کا بیڑا اٹھایا تھا وہ اب ایک اہم سنگ میل کی جانب بڑھ رہا ہے۔ رستے کی تمام تر مشکلات اور صعوبتیں برداشت کرنے کے بعد ایک خواب سچ ہونے جا رہا ہے اور اردو وکیپیڈیا 10 ہزار مضامین کی جانب گامزن ہے۔
مجھے یاد ہے کہ گزشتہ سال میں نے 5 ہزار مضامین کی تکمیل کی خوشخبری سنائی تھی اس امید کے ساتھ کہ اتنی بڑی تعداد میں مضامین کا سن کر ضرور کئی لوگوں میں اشتیاق پیدا ہوگا اور وہ مطالعے سے ایک قدم آگے بڑھ کر وکیپیڈیا پر معلومات میں اضافے میں حصہ لیں گے لیکن انتہائی افسوس کہ اس کے بعد وکیپیڈیا پر کارکنان میں مزید کمی ہوتی گئی کیونکہ چند لوگ اسے ہمیشہ نہیں چلا سکتے اور یوں چند مزید کارکن مصروفیاتِ زندگی اور گردشِ زمانہ کی نذر ہو گئے اور ہم اس رفتار کو برقرار رکھنے میں ناکام رہے جو 5 ہزار مضامین کی تکمیل کے لیے حاصل کی گئی تھی۔
اب وکیپیڈیا پر مضامین کی تعداد 8 ہزار سے زائد ہے اور اس مرتبہ ایک ہدف بنایا گیا ہے کہ رمضان المبارک میں اردو وکیپیڈیا پر مضامین کی تعداد 10 ہزار تک پہنچائیں گے۔ یہ اتنا مشکل ہدف نہیں اگر صرف 15 کارکنان بھی ہوں تو صرف 5 مضامین روزانہ سے یہ ہدف با آسانی ایک ماہ میں حاصل کیا جا سکتا ہے۔ اسی لیے وکیپیڈیا کو زیادہ سے زیادہ کارکنان کی ضرورت ہے جو اس اہم ہدف کے حصول میں مدد کر سکیں۔ محفل پر ایسی کئی شخصیات موجود ہیں جو اپنے مخصوص موضوعات پر کم از کم ایک یا دو پیرا کا مضمون ضرور لکھ سکتی ہیں، کم از کم میں ان سے ضرور گزارش کروں گا کہ وہ خود اردو وکیپیڈیا پر تشریف لائیں اور وہاں کے اچھے یا برے مضامین کے بارے میں اپنی رائے دیں اور باقاعدہ اپنا حصہ بھی ڈالیں چاہے وہ پرانے مضامین میں معلومات کی درستگی کے ذریعے ہو یا نئے مضامین کی شمولیت کی صورت میں۔
اس سلسلے میں معلومات حاصل کرنے کے لیے اردو وکیپیڈيا کے دیوان عام میں اپنی رائے دی جا سکتی ہے۔
اس سلسلے میں آپ اپنی تجاویز و آراء سے آگاہ کر سکتے ہیں لیکن مجھے گوناں خوشی ہوگی کہ وکیپیڈیا کے سلسلے میں اگر بات چیت وکیپیڈیا کے دیوان عام یا دیگر صفحات پر ہو۔
آپ کی منتظر
وکیپیڈیا انتظامیہ
مجھے یاد ہے کہ گزشتہ سال میں نے 5 ہزار مضامین کی تکمیل کی خوشخبری سنائی تھی اس امید کے ساتھ کہ اتنی بڑی تعداد میں مضامین کا سن کر ضرور کئی لوگوں میں اشتیاق پیدا ہوگا اور وہ مطالعے سے ایک قدم آگے بڑھ کر وکیپیڈیا پر معلومات میں اضافے میں حصہ لیں گے لیکن انتہائی افسوس کہ اس کے بعد وکیپیڈیا پر کارکنان میں مزید کمی ہوتی گئی کیونکہ چند لوگ اسے ہمیشہ نہیں چلا سکتے اور یوں چند مزید کارکن مصروفیاتِ زندگی اور گردشِ زمانہ کی نذر ہو گئے اور ہم اس رفتار کو برقرار رکھنے میں ناکام رہے جو 5 ہزار مضامین کی تکمیل کے لیے حاصل کی گئی تھی۔
اب وکیپیڈیا پر مضامین کی تعداد 8 ہزار سے زائد ہے اور اس مرتبہ ایک ہدف بنایا گیا ہے کہ رمضان المبارک میں اردو وکیپیڈیا پر مضامین کی تعداد 10 ہزار تک پہنچائیں گے۔ یہ اتنا مشکل ہدف نہیں اگر صرف 15 کارکنان بھی ہوں تو صرف 5 مضامین روزانہ سے یہ ہدف با آسانی ایک ماہ میں حاصل کیا جا سکتا ہے۔ اسی لیے وکیپیڈیا کو زیادہ سے زیادہ کارکنان کی ضرورت ہے جو اس اہم ہدف کے حصول میں مدد کر سکیں۔ محفل پر ایسی کئی شخصیات موجود ہیں جو اپنے مخصوص موضوعات پر کم از کم ایک یا دو پیرا کا مضمون ضرور لکھ سکتی ہیں، کم از کم میں ان سے ضرور گزارش کروں گا کہ وہ خود اردو وکیپیڈیا پر تشریف لائیں اور وہاں کے اچھے یا برے مضامین کے بارے میں اپنی رائے دیں اور باقاعدہ اپنا حصہ بھی ڈالیں چاہے وہ پرانے مضامین میں معلومات کی درستگی کے ذریعے ہو یا نئے مضامین کی شمولیت کی صورت میں۔
اس سلسلے میں معلومات حاصل کرنے کے لیے اردو وکیپیڈيا کے دیوان عام میں اپنی رائے دی جا سکتی ہے۔
اس سلسلے میں آپ اپنی تجاویز و آراء سے آگاہ کر سکتے ہیں لیکن مجھے گوناں خوشی ہوگی کہ وکیپیڈیا کے سلسلے میں اگر بات چیت وکیپیڈیا کے دیوان عام یا دیگر صفحات پر ہو۔
آپ کی منتظر
وکیپیڈیا انتظامیہ
