اردو مرکبات کی کمپیوٹر ٹائپنگ سے متعلق تجاویز درکار ہیں۔

اردو تحریر میں بعض اردو مرکبات و تراکیب میں یہ مسئلہ درپیش ہوتا ہے کہ انہیں ایک ہی سطر میں کیسے لکھا جائے، مثلا شب و روز، دُکھ درد، صفحہ ہستی وغیرہ۔ کیا ان الفا کا مکمل طور پر ایک ہی سطر پر ہونا ضروری ہوتا ہے یا نہیں مثلا شب و روز میں شب سطر کے آخر میں آ جائے اور "و روز" اگلی سطر کے شروع میں چلی جائے۔ نیز ان الفاظ کو اکٹھا رکھنے کے لئے کون سی کلیدیں استعمال کی جائیں، مثلاً نو بریک سپیس، یا زیرو وِڈتھ وغیرہ۔ براہ کرم ان کی یونیکوڈ ویلیوز کے ساتھ فوائد و نقصانات کی وضاحت بھی کی جاوے۔ عین نوازش ہو گی۔ ایک مسئلہ جو ابھی تک موجود اردو فونٹس میں میں دیکھ چکا ہوں یہ ہے کہ عام طور پر جو سپیس کریکیٹر دبایا جاتا ہے اردو الفاظ کے درمیان ان کا سائز بہت کم ہوتا ہے جبکہ نو۔بریک سپیس زیادہ جگہ بناتا دیتا ہے۔ براہ کرم رہنمائی فرمائی جائے۔ شکریہ

 

میرا خیال ہے مرکبات کو ایک ہی سطر میں رکھنے کے لیے نو بریک سپیس (00A0) استعمال ہو گی ۔
زیرو وڈتھ سپیس (200B) 'ال' والے مرکبات میں استعمال ہو گی جیسے 'شفیقالرحمان' میں (یہاں 'شفیقالرحمان' میں زیرو وڈتھ سپیس استعمال کی گئی ہے)

 

مجھے زیر وڈتھ سپیس ورڈ میں لکھنی نہیں آتی۔ نو بریک سپیس تو کنٹرول +شفٹ +سپیس بار سے لکھی جاتی ہے۔
کوئی بتا دیں ذرا۔

 

شاید اردو محفل میں اس طرح شفیق الرحمان (اب سادہ سپیس کے ساتھ) صحیح نظر نہیں آ رہا ۔ورڈ میں جمیل نوری نستعلیق فونٹ کے ساتھ صحیح نظر آ رہا ہے۔

 

جی ایسا ہی ہے۔ بسا اوقات زیادہ فاصلے کی بنا پر کافی دشواری ہوتی ہے۔ نجانے کیا وجہ ہے۔

 

یہ تو کی بورڈ کی سیٹنگ پر منحصر ہے۔
یہ چونکہ عام استعمال میں نہیں اس لیے میں تو شغلاً ورڈ میں insert میں symbol میں جا کر استعمال کرتا ہوں

 

بائی ڈیفالٹ کس "کی" سے آتی ہے؟

تدوین:
سمجھ آگیا

 

'بائی ڈیفالٹ کی' کا مطلب تو نہیں سمجھا
البتہ کسی بھی یونیکوڈ کیریکٹر کے بعد alt+x ٹائپ کریں گے تو اس کا کوڈ سامنے آ جائے گا اور اگر اس کے کوڈ کے بعد alt+x ٹائپ کریں گے تو کیریکٹر آ جائے گا۔ ورڈ میں تو یہ چلتا ہے باقی سافٹ ویئروں کا پتا نہیں

 

جی میں نے سیدھا سمبل سے جاکر لگا لیا۔ آپ والا طریقہ!

 

یہ مختلف قسم کے سپیس بھی یونیکوڈ کیریکٹر ہیں ان کا بھی کوڈ لکھ کر alt+x اکٹھا دبائیں گے تو متعلقہ سپیس لگ جائے گی

 

شکریہ۔ آسانی ہوگئی۔

 

بات تو درست ہے تکنیکی طور پر۔ لیکن ان سپیشل کیریکٹرس کو کوئی عام کمپوزر استعمال نہیں کرتا۔ اس لیے میں تو اسی کو ترجیح دیتا ہوں کہ عام سپیس ہی استمال کی جائے، چاہے باقی الفاظ دوسری سطر میں چلے جائیں۔ اس لیے میں ان کو واحد لفظ مانتا ہی نہیں، دو یا تین (شب، و، روز) مانتا ہوں۔

 

میں توہمیشہ زیرو وڈتھ نان جوائینر (U+200C) استعمال کرتا ہوں(Zero-width non-joiner - Wikipedia)۔ ونڈو اردو کی بورڈ پر شفٹ + ایکس سے استعمال کیا جا سکتا ہے۔ معلوم نہیں کون سا بہتر ہے۔

 

براہ کرم بتائیں گے کہ یہاں دو مختلف اقسام کی سپیس استعمال کرنے کی لاجک (منطق) کیا ہے؟