تیرہویں سالگرہ اردو محفل ۔۔۔نیوز چینل

[ہادیہ]

کیا حال ہیں محفلین۔۔ امید ہے اللہ کے فضل و کرم سے بالکل خیریت سے ہوں گے۔۔ سب سے پہلے حضرات ایک اعلان سماعت فرمائیں۔۔

اعلان یہ ہے ۔۔میں حاضر ہوں ایک اچھے مگر دلچسپ مصوبہ بندی(آئیڈیا) کے ساتھ۔۔

حاضرین و ناظرین یوں تو اس فورم میں کسی چیز کی کمی نہیں تھی نا ہے۔۔ لیکن جس چیز کی مجھے خاص طور پہ اس سالگرہ کے موقع پہ محسوس ہوئی وہ ہے ۔۔( تھوڑا صبر کریں۔۔ بتاتی ہوں بھئی۔۔ جلدی بھی کیا ہے)
اردو محفل کی سالگرہ کی تیاریاں اپنے عروج پہ ہیں۔۔ اور زور و شور سے سب حصہ لے رہے ہیں۔۔ ایسے میں یہی دل چاہتا ہے ۔۔ کسی بھی لمحے اس محفل کی رونقیں ماند نہیں پڑنی چاہیے۔۔
اور یہ ہنگامہ خیزیاں کسی صورت کم نہیں ہونی چاہیئے ۔۔ اسی لیے میں لے کرآئی ہوں آپ کے لیے۔۔

سالگرہ کے موقع پہ شروع ہونے جا رہا ہے ایک دلچسپ اور مزیدار سلسلہ۔۔ اور وہ ہے۔۔
۔
۔
۔
۔
۔
"اردو محفل چٹ پٹی نیوز چینل"

ساتھیو!!! دنیا کی خبروں کے علاوہ اب ہوں گے آپ اردو محفل کی خبروں سے مکمل بے خبر۔۔اوہ معاف کیجیے گا۔۔مطلب "باخبر"

اردو محفل فورم میں سالگرہ کی سیلیبریشن میں کیا کچھ ہورہا ہے۔۔ اور کیا کچھ ہونے والا ہے

کون کہاں کہاں مٹر گشت کرتا ہوا پایا جارہاہے۔۔

کس ممبر نے کی لڑائی

کس کس کی ہوئی پٹائی نبیل بھائی سے

کس نے کی دُھلائی( سمجھ تو گئے ہی ہونگے۔۔سرف ایکسل والی چمکدار دُھلائی)

کس کی کھینچی گئی ٹانگ۔۔

سرگوشی

نوٹ!!! یہاں عدنان بھائی اور سید عمران بھائی کو ہی سمجھا جائے تو زیادہ بہتر۔۔

کن کن کی لگی کلاس فرقان احمد بھائی سے

کس نے کی چوری۔۔
اور پھر سینہ زوری۔۔

کس نے ہنسایا۔۔


اور کس نے رُلایا

اور کس نے کیا اداس

کس نے پڑھایا۔۔

اور سیکھایا

اردو محفل میں کس نے پوسٹ کیے سب سے زیادہ دلچسپ تھریڈ
اور کس نے کیا ریکارڈ قائم۔۔
یا کس کا لگا ریکارڈ۔۔
کون کتنا بہترین کھیلا۔۔ یا کس سے کھیلی گئی گیم۔۔
محفل پہ موسم کی کیا صورت حال۔۔ گرم خشک یا ٹھنڈا ۔۔
کس ممبر نے کی شاعری۔۔اور کس نے توڑی اس کی ٹانگیں۔۔( مطبل پیروڈی۔۔)
اس کے علاوہ۔۔
گپ شپ کارنر،شاعری ، ذکر اردو محفل، اور مبارکبادی تھریڈز وغیرہ ہر جگہ قائم کیے کس نے اعلٰی ریکارڈ۔۔
جی ہاں ایسی سب دلچسپ خبریں سالگرہ کے حوالے سے شئیر کی جائیں گی آپ سے۔۔اردو محفل کے نیوز چینل میں۔۔

اور تمام ممبرز کے ہوں گے راز فاش۔۔ اور خبریں ہوں گی ۔۔آپ کے آس پاس۔۔
یہ سب کچھ اور اس کے علاوہ کیا کیا ہو رہا محفل میں۔۔ یہ سب جاننے کے لیے۔۔ دیکھتے رہیے آپ کا اپنا نیوز چینل۔۔
"اردو محفل چٹ پٹی نیوز چینل"
ہم رکھیں گے آپ کی ہر خبر پہ نظر۔۔اور آپ(کی ہر حرکت) پہ بھی۔۔
اور میری ٹیم میں شامل ہیں۔۔
کیمرہ مین محمد عدنان اکبری نقیبی بھیا

نیوز رپورٹر ہیں میرے ساتھ فرقان احمد بھیا۔۔

اور میں ہوں آپ کی نیوز کاسٹر ہادیہ

اور اس کے علاوہ میری ٹیم میں وہ سب ممبرز شامل ہوں گے جو خفیہ خبریں ہم تک پہنچائیں گے۔۔
تمام خبروں سے باخبر رہنے کے لیے پلیز سٹے ود آس۔۔ میں اور میری ٹیم حاضر ہوگی وقفے کے بعد
تب تک کیجیے ہمارا انتظار۔۔ اور اگر نہیں کرسکتے ۔۔تو محفل کے دوسرے حصوں کا وزٹ کیجیے۔۔

​

 

[یاز]

واہ واہ۔ عمدہ شروعات ہے۔
جلدی جلدی اہم خبروں کا خلاصہ سنا دیں پہلے۔

 

[فرقان احمد]

ابھی ابھی خبر موصول ہوئی ہے کہ محفل کی سرگرم رکن ہادیہ نے نئے نیوز چینل میں شمولیت اختیار کر لی ہے۔ ہم تو بس اسی نیوز چینل کو سبسکرائب کریں گے، اور بس!

 

[فرقان احمد]

کراچی سے موصولہ خبر کے مطابق عدنان بھیا، عمران بھیا کی سائیکل لے کر رفوچکر ہو گئے ہیں۔ آخری اطلاعات کے مطابق عمران بھیا املائی ڈنڈا لیے ان کی تلاش میں سرگرداں ہیں۔

 

[فرقان احمد]

تابش بھیا کو چوری چھپے رمضان سیزن سے ہٹ کر پھینیاں لیتے ہوئے دیکھا گیا ہے۔نیوز چینل کو شکارپوری سویٹس کی جانب سے سی سی ٹی فوٹیج موصول ہو گئی ہے۔

 

[ہادیہ]

میں نے رپورٹر بالکل صحیح چنا ہے۔۔ ابھی میں نے اہم خبروں کا خلاصہ سنایا نہیں ۔۔یہ خود ہی شروع ہوگئے۔۔زبردست۔۔

 

[فرقان احمد]

اکمل زیدی کراچی سے متعلقہ محفلین کے لیے نہاری پارٹی کی تقریبات کی تیاریوں میں مصروف ! عدنان بھیا کو منت ترلے کے باوجود پانچ سو روپوں سے زیادہ خرچ کرنے پر آمادہ نہ کیا جا سکا۔ آخری خبریں آنے تک منت ترلوں کا سلسلہ جاری تھا۔

 

[محمد تابش صدیقی]

بریکنگ نیوز
ناظرین آپ کو بتاتے چلیں کہ انٹرویو کے لیے مطلوب اشتہاری ملزم فرقان احمد کو پنڈی سے اسلام آباد داخل ہوتے ہوئے گرفتار کر لیا گیا ہے۔ گرفتاری کے وقت صحافیوں سے گفتگو کرتے ہوئے انھوں نے اس عزم کا اعلان کیا کہ جلد ہی انتظامیہ کی آشیرباد سے ضمانت پر رہا ہو جائیں گے۔ اور انٹرویو نہ دینے کے فیصلہ پر ثابت قدمی دکھائیں گے۔
رپورٹر محمد تابش، کیمرہ مین تابش صدیقی کے ساتھ، محفل نیوز اسلام آباد۔

 

[مریم افتخار]

بریکنگ نیوز
ناظرین آپ کو بتاتے چلیں کہ انٹرویو کے لیے مطلوب اشتہاری ملزم فرقان احمد کو پنڈی سے اسلام آباد داخل ہوتے ہوئے گرفتار کر لیا گیا ہے۔ گرفتاری کے وقت صحافیوں سے گفتگو کرتے ہوئے انھوں نے اس عزم کا اعلان کیا کہ جلد ہی انتظامیہ کی آشیرباد سے ضمانت پر رہا ہو جائیں گے۔ اور انٹرویو نہ دینے کے فیصلہ پر ثابت قدمی دکھائیں گے۔
رپورٹر محمد تابش، کیمرہ مین تابش صدیقی کے ساتھ، محفل نیوز اسلام آباد۔

پہلی بار کسی خبر پہ شعر جیسی واہ نکلی ہے!

 

[فرقان احمد]

رپورٹر محمد تابش، کیمرہ مین تابش صدیقی

ون مین آرمی!

 

[فاخر رضا]

قطر سے خبر یہ ہے کہ پاسپورٹ ہنوز گورنامٹ کے پاس ہے لہذا اتوار تک یہاں پھنسے ہوئے ہیں
اتوار کو اگر مل گیا تو پہلی فلائٹ سے کراچی واصل ہوجائیں گے
گھر کا سامان بیچنے کی ناکام کوشش جاری ہے

 

[محمد تابش صدیقی]

بریکنگ نیوز
ناظرین اہم خبر ملی ہے کہ عبدالقیوم چوہدری صاحب مٹھائی کی دوکان پر پائے گئے ہیں۔ ایک دفعہ پھر آپ کو بتاتے چلیں کہ عبدالقیوم چوہدری صاحب مٹھائی کی دوکان پر پائے گئے ہیں۔ یہ اہم خبر ہم آپ کو دے رہے ہیں کہ عبدالقیوم چوہدری صاحب مٹھائی کی دوکان پر پائے گئے ہیں۔ سب سے پہلے محفل نیوز آپ کو یہ خبر دے رہی ہے کہ عبدالقیوم چوہدری صاحب مٹھائی کی دوکان پر پائے گئے ہیں۔

 

[محمد وارث]

بریکنگ نیوز
ناظرین اہم خبر ملی ہے کہ عبدالقیوم چوہدری صاحب مٹھائی کی دوکان پر پائے گئے ہیں۔ ایک دفعہ پھر آپ کو بتاتے چلیں کہ عبدالقیوم چوہدری صاحب مٹھائی کی دوکان پر پائے گئے ہیں۔ یہ اہم خبر ہم آپ کو دے رہے ہیں کہ عبدالقیوم چوہدری صاحب مٹھائی کی دوکان پر پائے گئے ہیں۔ سب سے پہلے محفل نیوز آپ کو یہ خبر دے رہی ہے کہ عبدالقیوم چوہدری صاحب مٹھائی کی دوکان پر پائے گئے ہیں۔

کوئی اور وجہ ہوگی، آج فیڈرل بورڈ کا میٹرک کا رزلٹ بھی تھا، میں بھی ایک مٹھائی کی دکان پر منہ چھپا کر کھڑا تھا کہ کہیں لوگ مجھے بھی پی ٹی آئی کا نہ سمجھ لیں۔

 

[ہادیہ]

اردو محفل کی نیوز بلیٹن کے ساتھ میں ہوں آپ کی نیوز کاسٹر۔۔ہادیہ
سب سے پہلے نظر ڈالتے ہیں آج کی خاص خبروں پہ

1: آج اردو محفل میں ہمارے چھوٹے اور "مستقبل میں دُلہا" بننے کے ہروقت خواب دیکھنے والے پیارے بھیا اے خان کا انٹرویو شروع کیا گیا۔ (تفصیل بعد میں)
2:ناظرین آپ کو خبردار کرتے چلیں کہ اردو محفل پہ ہورہی ہے ایک زبردست سازش۔۔ اور کون کررہا ہے یہ سازش اور کس کے خلاف ہورہی ہے یہ سازش۔۔ ۔۔اس کی تفصیل جاننے کے لیے ہمارے ساتھ رہیے
3:سالگرہ کے موقع پہ نت نئے تھریڈز بنانے والوں میں مقابلہ جاری ہے۔ کون کون اس دوڑ میں شامل ہے کس کی ہوگی جیت۔۔ ۔۔یہ معمہ تاوقت صرف انتظار کے زمرے میں پڑا ہوا ہے۔۔
4:آج اردو محفل میں دن کے وقت رونق کچھ کم تھی۔۔ وجہ؟
5:اس بار سالگرہ کے موقع پہ ہمیں کچھ اداسی بھی ہے۔۔ اس اداسی کی وجہ آپ کو تھوڑی دیر تک معلوم ہوجائے گی۔۔
اس کے علاوہ اور بہت سی خبریں شامل ہیں جن میں

کھیلوں کی خبریں۔۔
کچھ دن پہلے شروع ہونے والے مراسلے رفتار میں دو ممبرز کے درمیان مقابلہ شروع ہوا تھا۔۔ کون تھے وہ ممبر۔۔اور کیا وہ ابھی تک کچھوے کی چال ہی چل رہے ہیں یا منزل پہ پہنچ گئے۔۔
اور محفل کی موسمی صورتحال سے بھی آپ کو آگاہ کریں گے۔۔
تفصیل شامل کریں گے ایک وقفے کے بعد

 

[مریم افتخار]

وقفے کے دوران کمرشل:

ڈاکٹرز کا تجویز کردہ نمبر ون ٹوتھ پیسٹ!
کولگیٹ!

'Mummy مسکرائے تو Tummy مسکرائے!'

 

[عبدالقیوم چوہدری]

بریکنگ نیوز
ناظرین اہم خبر ملی ہے کہ عبدالقیوم چوہدری صاحب مٹھائی کی دوکان پر پائے گئے ہیں۔ ایک دفعہ پھر آپ کو بتاتے چلیں کہ عبدالقیوم چوہدری صاحب مٹھائی کی دوکان پر پائے گئے ہیں۔ یہ اہم خبر ہم آپ کو دے رہے ہیں کہ عبدالقیوم چوہدری صاحب مٹھائی کی دوکان پر پائے گئے ہیں۔ سب سے پہلے محفل نیوز آپ کو یہ خبر دے رہی ہے کہ عبدالقیوم چوہدری صاحب مٹھائی کی دوکان پر پائے گئے ہیں۔

یہ خبر تو بالکل سچ نکل آئی ہے۔

کوئی اور وجہ ہوگی،

بھائی اور بھابی عمرہ کر کے آئے ہیں۔

 

[مریم افتخار]

یہ خبر تو بالکل سچ نکل آئی ہے۔

آپ محفل نیوز کے 'خبری' کو کوئی 'ایویں چیویں' کا مخبر سمجھتے ہیں کیا؟

 

[ہادیہ]

جی تو وقفے(چائے کے) کے بعد ہم آپ کے سامنے ایک بار پھر سے حاضر ہیں
سب سے پہلے آپ کو آگاہ کرتے ہیں آج کی پہلی خبر سے
ہمارے بہت خاص نمائندوں نے ہمیں اطلاع دی ہے کہ اردو محفل پہ ہمارے چھوٹے بھیا کا انٹرویو شروع ہوچکا ہے۔ اور انٹرویو کررہی ہیں ہماری بہت ہی ذہین اور قابل محفلین مریم افتخار صاحبہ۔۔ انٹرویو میں عبداللہ بھائی کے کونسے ہوں گے راز فاش۔۔ ہر وقت شادی کے نام پہ آہیں بھرنے والے ہمارے بھیا کس طرح اپنے دل کا بوجھ ہلکا کریں گے اور اپنے بارے میں کیا کیا بتائیں گے۔۔یہ سب جاننے کے لیے آپ کو اس تھریڈ پہ "خاص" نظر رکھنی ہوگی

ناظرین دوسری ہمارے خفیہ نمائندوں نے آج ہمیں خبر دی ہے کہ اردو محفل پہ ہورہی ہے ایک زبردست سازش۔۔ اور وہ سازش کیا ہے ۔۔کون کررہا ہے اور کس کے خلاف ہورہی ہے ۔۔اس کی تفصیل ملاحظہ فرمائیں۔۔
ہم آپ کو انتہائی ٖغم کی حالت میں اس خبر سے آگاہ کررہے ہیں ۔۔یہ سازش کوئی اور نہیں ہمارے ایک بہت ہی متحرک محفلین کی جانب سے کی گئی ہے۔۔ وہ محفلین ہیں
محمد عدنان اکبری نقیبی بھائی۔۔
ٹھہریں ذرا اپنے آنسو صاف کرلوں۔۔
جی تو ناظرین آپ کو آگاہ کررہے تھے سازش کے بارے میں ۔۔وہ سازش ہے ۔۔۔
محفلین کے لیے تعریف کے مبالغہ آمیز پُل باندھے جائیں۔۔
ہمارے "خفیہ ذرائع" کے مطابق اس سازش میں صرف عدنان بھائی ہی شامل نہیں ہیں بلکہ اور بھی بھائی شامل ہیں۔۔ اور بہت سارے ساتھیو کو اپنے ساتھ شامل کرکے اس "سازش" کو کامیاب بنانا ہے۔۔
اس سازش کا اہم مقصد تعریفوں کی آڑ میں پرانے بدلے لینا۔۔ اور ایک دوسرے کی ٹانگ کھینچنا۔۔ اس کی تھوڑی سی تصویری جھلک دکھاتے چلیں
یہ دیکھیں ناظرین کس طرح عدنان بھائی دوسروں کو اس سازش میں شامل کررہے ہیں

اس سازش میں شامل ہمارے بھیا اور ان کےساتھیو کے لیے ایک کمیٹی تشکیل دے دی گئی ہے۔۔ جس میں فیصلہ سنایا جائے گا کہ اس سازش میں ملوث افراد کو کیا جرمانہ یا سزا دی جائے ۔۔

محفل کی سالگرہ کی تیاریاں اپنے عروج پہ ہیں۔۔ اس میں ہر کوئی بڑھ چڑھ کر حصہ لے رہا ہے۔۔ کچھ نمایاں افراد کے نام آپ کو بتاتے چلیں
مریم افتخار
نور سعدیہ شیخ
محمد عدنان اکبری نقیبی
فرقان احمد
اکمل زیدی
اور بھی ان کے علاوہ کچھ محفلین شامل ہیں۔۔
اس دوڑ میں کس کی ہوگی جیت۔۔ اس کا فیصلہ سالگرہ کے اختتام تک ملتوی ہے۔۔

آج اردو محفل میں دن کے وقت رونق کچھ کم تھی۔۔ اس کی وجہ ناظرین بتاتے چلیں۔۔ ہماری محفل کی گڑیا کا خطاب پانے والی "ہادیہ" دن کے وقت محفل پہ موجود نہیں تھی۔۔ تاہم شام کے وقت اُن کی آمد پہ محفل میں کافی رونق دیکھنے کو ملی۔۔

اس بار سالگرہ کے موقع پہ کچھ کچھ اداسی بھی ہے۔۔ اس کی سب سے بڑی وجہ بہت سے پرانے اور اچھے محفلین کی غیر حاضری ۔۔ غیر حاضر محفلین کے نام یہ ہیں
رانا
محمد بلال اعظم
یوسف سلطان
ظہیراحمدظہیر
ڈاکٹر عاطف ملک
اور اس کے علاوہ بھی بہت سے ممبرز ہیں۔۔ عین سالگرہ کے موقع پہ ان سب کی غیر حاضری بہت اداس کررہی ہے۔۔

اور اب شامل کرتے ہیں کچھ کھیلوں کی خبریں
سب سے پہلے کھیلوں کے حوالے سے آپ کو آگاہ کرتے چلیں۔۔
کچھ دن پہلے "چار ہزار مراسلے مکمل " کرنے کا مقابلہ شروع ہوا تھا ۔۔جو کہ دو ممبرز کے درمیان ہوا تھا۔۔
یوسف سلطان بھیا
اور ہادیہ
اور ہم نے اپنے نمائندے بھیجے ہوئے ہیں کہ ہم تک معلومات پہنچائی جائیں اب تک دونوں میں سے کون اس ریس میں آگے ہیں۔۔
موصول ہونے والی تفصیلات کے مطابق یوسف سلطان بھائی کے مراسلوں کی تعداد ہے
3524
اور ہادیہ کے مراسلوں کی تعداد ہے
3969
یوسف سلطان بھائی کچھوے کی چال چلتے ہوئے ابھی پیچھے آرہے ہیں۔۔ اس لیے فی الحال کسی ایک کی جیت کا اعلان نہیں کیا جاسکتا جب تک "چار ہزار" مراسلے پورے نا ہوجائیں۔۔

اور اب موسم کی صورتحال سے آگاہ کرتے ہیں آپ کو
آج محفل میں موسم کا درجہ حرارت نارمل رہا۔۔ عدنان بھائی اور سید عمران بھائی کے درمیان ہونے والی گرج چمک کے آثار آج کم دکھائی دیے۔۔
اس کے ساتھ ہی امید کی جارہی ہے کہ محفل کی سالگرہ تک درجہ حرارت ٹھنڈا یا نارمل رہے گا۔
اس کے ساتھ ہی آج کا خبرنامہ ختم کرتے ہیں۔ کل تک کے لیے اجازت دیجیے ۔۔اللہ حافظ۔۔

 

[ہادیہ]

ناظرین ابھی ابھی ہمیں اطلاع ملی ہے کہ ہماری اردو محفل کے کچھ محفلین نایاب بھائی کی طرح "لوٹ کے بُدھو گھر کو آئے " کی مثل سالگرہ کے موقع پہ پہنچ چکے ہیں ۔۔اور انہیں "محفل مشاعرہ" والے تھریڈ میں مٹر گشت کرتے دیکھا گیا ہے اور وہ محفلین ہیں ہمارے آپ کے بھیا امجد علی راجا صاحب۔۔ اور اس کے علاوہ ہماری پیاری بہنا عائشہ صدیقہ بھی آج کافی عرصے بعد دکھائی دے رہی ہیں۔۔
بہت خوشی ہورہی ہے انہیں آج آن لائن دیکھتے ہوئے
ہماری دعا ہے کہ باقی غیر حاضر محفلین بھی جلد آن لائن آکر اس سالگرہ کی رونقوں کو مزید "چار چاند" لگائیں

 

[زیک]

قطر سے خبر یہ ہے کہ پاسپورٹ ہنوز گورنامٹ کے پاس ہے لہذا اتوار تک یہاں پھنسے ہوئے ہیں
اتوار کو اگر مل گیا تو پہلی فلائٹ سے کراچی واصل ہوجائیں گے
گھر کا سامان بیچنے کی ناکام کوشش جاری ہے

ڈاکٹر فاخر رضا کا پاسپورٹ ضبط۔ ملک چھوڑنے پر پابندی