اردو محفل سالانہ مشاعرہ 2014 - تبصرہ جات کی لڑی

[صائمہ شاہ]

ابن سعید ، فاتح
بہت عمدہ

 

[فاتح]

اپنے فاتح بھائی ذرا نیا ہی لاتے ہیں مارکیٹ میں ۔ ویسے میرے خیال میں فلسوف کی بجائے فیلسوف بندھتا۔

فیلسوف وزن سے خارج نہیں ہوتا؟

 

[سید عاطف علی]

فیلسوف وزن سے خارج نہیں ہوتا؟

فاتح بھائی ۔مصرع کو بعینہ اسی طرح رکھنے سے تو بالکل ہو جا تا ہے مگر میری مراد تھی کہ اسےکسی طرح موزوں کردیا جاتا ۔مثلا ۔لکھتے پھریں جو چاہیں فیلسُوف خیر و شَر۔وغیرہ ۔
ویسے اچھے اشعار ہیں تمام۔

 

[ابن سعید]

فاتح بھائی ۔مصرع کو بعینہ اسی طرح رکھنے سے تو بالکل ہو جا تا ہے مگر میری مراد تھی کہ اسےکسی طرح موزوں کردیا جاتا ۔مثلا ۔لکھتے پھریں جو چاہیں فیلسُوف خیر و شَر۔وغیرہ ۔
ویسے اچھے اشعار ہیں تمام۔

ہمارا خیال ہے کہ عربی والے فیلسوف استعمال کرتے ہیں، کیا ضروری ہے کہ اردو میں اس کو جوں کا توں عربی جیسا برتا جائے؟

 

[فاتح]

فاتح بھائی ۔مصرع کو بعینہ اسی طرح رکھنے سے تو بالکل ہو جا تا ہے مگر میری مراد تھی کہ اسےکسی طرح موزوں کردیا جاتا ۔مثلا ۔لکھتے پھریں جو چاہیں فیلسُوف خیر و شَر۔وغیرہ ۔
ویسے اچھے اشعار ہیں تمام۔

اس بحر (فعلن ۔ مفاعلن ۔ فعلاتن ۔ مفاعلن ) میں لفظ "فیلسوف" قافیے کے مقام سے ہٹ کر تو آ سکتا ہے لیکن قافیے کی جگہ پر فیلسوف لانا نا ممکن ہے۔
آخری مفاعلن تو ہو گیا "ف خیر و شر"اور پیچھے بچا "فیلسو"جو فاعلن کے وزن پر ہے اور فعِلاتن کے آخری حروف میں فعولن (ہیں فلسو) یا فعلن (فلسو)لانا تو ممکن ہے لیکن فاعلن (فیلسو) نا ممکن۔
یہاں تک تو واضح ہو گیا۔۔۔ اب آتے ہیں فیلسوف کو فلسوف بنائے جانے کی جانب تو عربی لفظ فلسفی کی جمع فیلسوف ہی ہے لیکن جب یہ اہلِ فارس کے ہاں آیا تو وہ اسے فلسوف بھی لکھتے ہیں جس کی سینکڑوں امثال فارسی کتب کے علاوہ انٹرنیٹ پر بھی دیکھی جا سکتی ہیں اور میں نے بھی وہی فلسوف برتا ہے

 

[سید عاطف علی]

اس بحر (فعلن ۔ مفاعلن ۔ فعلاتن ۔ مفاعلن ) میں لفظ "فیلسوف" قافیے کے مقام سے ہٹ کر تو آ سکتا ہے لیکن قافیے کی جگہ پر فیلسوف لانا نا ممکن ہے۔
آخری مفاعلن تو ہو گیا "ف خیر و شر"اور پیچھے بچا "فیلسو"جو فاعلن کے وزن پر ہے اور فعِلاتن کے آخری حروف میں فعولن (ہیں) یا فعلن (فلسو)لانا تو ممکن ہے لیکن فاعلن (فیلسو) نا ممکن۔
یہاں تک تو واضح ہو گیا۔۔۔ اب آتے ہیں فیلسوف کو فلسوف بنائے جانے کی جانب تو عربی لفظ فلسفی کی جمع فیلسوف ہی ہے لیکن جب یہ اہلِ فارس کے ہاں آیا تو وہ اسے فلسوف بھی لکھتے ہیں جس کی سینکڑوں امثال فارسی کتب کے علاوہ انٹرنیٹ پر بھی دیکھی جا سکتی ہیں اور میں نے بھی وہی فلسوف برتا ہے

اصل تو شاید عربی بھی نہیں یونانی ہے جو فل اور سوف کا مرکب ہے یعنی علم سے محبت سو اس لحاظ سے ٹھیک ہے۔ایک جمع فلاسفہ بھی مشہور و مستعمل ہے۔اگر فلسوف ٹھیک ہے تو بھی کلام نہیں۔

 

[ناعمہ عزیز]

بٹیا رانی، آپ کو نہیں لگتا کہ "شک" سے پہلے ایک عدد "ر" چھوٹ گیا ہے۔ اور ہاں لگے ہاتھوں یہ بھی بتا دیں کہ "رشک" در اصل "ہوتا" نہیں بلکہ "آتا" ہے۔

زبردستی کی نہیں ہوتی بھیا

 

[منیر انور]

بہت عمدہ جا رہا ہے مشاعرہ ۔۔ اور خوب کلام پڑھنے کو ملا ۔۔ ایک تجویز ہے اور یقینآ یہ نئی تجویز نہیں ہو گی کہ کچھ احباب جن کے ہاں اوزان کے مسائل عمومآ ہوتے ہیں ، کلام نشر کرنےسے پہلے قریب ترین ماہر فن احباب سے مشاورت کر لیں ۔۔ آسی صاحب نے رنگوں کی زبان یں بہت کچھ سمجھا اور بتا دیا ہے سو اس پر تو مزید بات کی ضرورت ہی نہیں رہتی ۔۔ اللہ سب احباب کو بہت خوش رکھے ۔۔

 

[منیر انور]

بہت خوب محمد احمد صاحب ۔
میں دکھاوے کی محبت کا نہیں ہوں قائل
میں لگاتا نہیں اظہار کی سستی خوشبو
۔۔۔۔۔
یہ انتشار ہے ترتیبِ نو نہ جان اسے
کہ کائنات کی ہر شے یہاں وہاں ہو جائے

ابھی تو جسم مرا دھوپ کی امان میں ہے
پرائے سائے میں آ کر نہ بے اماں ہو جائے
۔۔۔۔۔۔۔۔۔

 

[منیر انور]

غزالہ ظفر صاحبہ ۔۔
۔۔۔۔۔۔۔۔۔
نظم ’’ کیوں “ اچھی کوشش ہے لیکن غیر متوازن ۔۔ محسوسات میں گہرائی ناپید ہے ۔۔

 

[صائمہ شاہ]

بہت عمدہ جا رہا ہے مشاعرہ ۔۔ اور خوب کلام پڑھنے کو ملا ۔۔ ایک تجویز ہے اور یقینآ یہ نئی تجویز نہیں ہو گی کہ کچھ احباب جن کے ہاں اوزان کے مسائل عموماََ ہوتے ہیں ، کلام نشر کرنےسے پہلے قریب ترین ماہر فن احباب سے مشاورت کر لیں ۔۔ آسی صاحب نے رنگوں کی زبان یں بہت کچھ سمجھا اور بتا دیا ہے سو اس پر تو مزید بات کی ضرورت ہی نہیں رہتی ۔۔ اللہ سب احباب کو بہت خوش رکھے ۔۔

منیر انور صاحب محفل کے توسط سے آپ کے مجموعہ کلام " روپ کا کندن " سے تعارف ہوا خوبصورت اور منفرد لہجے کی شاعری ہے، آپ کو اس مشاعرے میں شریک دیکھ کر خوشی ہوئی ۔

 

[منیر انور]

نور سعدیہ

تمھارے خواب سے نکل سکوں تو کوئی کام ہو
میں اس سراب سے نکل سکوں تو کوئی کام ہو

مجھ پہ گزری یہ ابتلا برسوں
میں رہی تجھ میں مبتلا برسوں
۔۔۔۔۔۔۔۔۔
خوب

 

[منیر انور]

منیر انور صاحب محفل کے توسط سے آپ کے مجموعہ کلام " روپ کا کندن " سے تعارف ہوا خوبصورت اور منفرد لہجے کی شاعری ہے، آپ کو اس مشاعرے میں شریک دیکھ کر خوشی ہوئی ۔

بہت شکریہ صائمہ شاہ صاحبہ ۔۔ اس پذیرائی پر ممنون ہوں

 

[منیر انور]

صائمہ شاہ صاحبہ
۔۔۔۔۔۔۔۔۔
آؤ چپ کا روزہ توڑیں
خاموشی سے کر کے باتیں
۔۔۔۔
کچھ بھی باقی نہیں رہا مجھ میں
جانے ٹوٹا ہے ایسا کیا مجھ میں

میرے موسم تھے تیرے کہنے میں
جو بھی تو نے کہا ہوا مجھ میں
۔۔۔۔
سارے جذبے دہکنے لگ جائیں
ہم نفس تو اگر میسر ہو
۔۔۔۔
خوب اشعار ہیں ۔۔ واہ

 

[منیر انور]

محمد بلال اعظم
۔۔۔۔۔۔
اِس بار میں آیا ہوں چراغوں کو بجھا کر
اِس بار مجھے اپنی نگاہوں کی ضیا دو
۔۔۔
ہو کسی اور کا گزر کیسے
دل کی دنیا فقط تمہاری ہے
آج تو چاند بھی نہیں نکلا
آج کی رات کتنی بھاری ہے
۔۔۔۔۔۔۔۔
واہ

 

[صائمہ شاہ]

صائمہ شاہ صاحبہ
۔۔۔۔۔۔۔۔۔
آؤ چپ کا روزہ توڑیں
خاموشی سے کر کے باتیں
۔۔۔۔
کچھ بھی باقی نہیں رہا مجھ میں
جانے ٹوٹا ہے ایسا کیا مجھ میں

میرے موسم تھے تیرے کہنے میں
جو بھی تو نے کہا ہوا مجھ میں
۔۔۔۔
سارے جذبے دہکنے لگ جائیں
ہم نفس تو اگر میسر ہو
۔۔۔۔
خوب اشعار ہیں ۔۔ واہ

بہت شکریہ

 

[منیر انور]

خون کی ہیں تحریریں، موت کی یہ تصویریں
دل کہاں کہاں تڑپے؟ جاں کہاں کہاں جائے؟
۔۔۔۔۔۔
کس لیے اُس نے مجھے رُسوا کیا
میں نے اُس کے ساتھ آخر کیا کیا

زندگی میری تھی ، اُس کا جو کروں
اُس نے میرے ساتھ کیوں جھگڑا کیا
۔۔
خوب شاہد شاہنواز صاحب

 

[منیر انور]

عابی مکھنوی صاحب
۔۔۔
مِرے بیٹے دلاؤں گا تجھے میں عید پر کپڑے
لہو میں ڈوب کر بکھرا مگر پیمان سڑکوں پر
۔۔

 

[منیر انور]

تمہیں سے ملتے ہیں یُوں ٹُوٹ کر وگرنہ ہم
خُود اپنے آپ سے ایسے ملا نہیں کرتے
۔۔۔
خوب اعظم صاحب

 

[منیر انور]

ابنِ رضا
۔۔۔
تو اگر میرا چارہ گر ہوتا
یوں نہیں مجھ سے بے خبر ہوتا
۔۔