1. اردو محفل سالگرہ شانزدہم

    اردو محفل کی سولہویں سالگرہ کے موقع پر تمام اردو طبقہ و محفلین کو دلی مبارکباد!

    اعلان ختم کریں

اردو شاعری منظوم معراج ناموں کی ضرورت ہے

شاکرالقادری نے 'مطالعہ کتب' کی ذیل میں اس موضوع کا آغاز کیا، ‏فروری 13, 2015

  1. خرم انصاری

    خرم انصاری محفلین

    مراسلے:
    161
    جھنڈا:
    Pakistan
    موڈ:
    Cheerful
    نغمہ معراج
    از مرغوب اختر الحامدی

    کیا سہانی ہے شبِ شادیٔ اسریٰ دیکھو
    حسن و انوار بداماں ہے زمانہ دیکھو
    دھوم ہے سج گیا معراج کا دولہا دیکھو
    کیا پھبن کیا ہے ادا اور ہے چھب کیا دیکھو
    جسم انور پہ ہے انوار کا جامہ دیکھو
    نور ہی نور اجالا ہی اجالا دیکھو
    عارض نور و حسیں گیسوئے والا دیکھو
    ماہِ تاباں کا گھٹاؤں میں چمکنا دیکھو
    رُخ پہ محبوبیتِ خاص کا سہرا دیکھو
    آج جوبن تو ہر اک پھول کلی کا دیکھو
    ہار گردن میں درودوں کا ہے کیسا دیکھو
    ہیں ہر اک تار میں گلہائے فترضیٰ دیکھو
    سوئے قوسین چلا نوشۂ اسریٰ دیکھو
    بہرِ تعظیم جھکا عرشِ معلیٰ دیکھو
    شور ہر سمت اٹھا صلِّ علیٰ کا دیکھو
    محوِ تسبیح ہے ہر ایک فرشتہ دیکھو
    نور کے ساز پہ حورانِ جناں گاتی ہیں
    نغمہ تہنیت شادیٔ اسریٰ دیکھو
    شادیانے وہ پسِ پردۂ رحمت گونجے
    کس بلندی پہ ہے شانِ ورفعنا دیکھو
    آئی دولہا کی سواری وہ بہ صد جاہ و جلال
    وہ اٹھا خاص درِ قرب سے پردہ دیکھو
    اُدْنُ یا اَحمدُ آتی ہے صدا پردے سے
    ادب و ناز سے محبوب کا بڑھنا دیکھو
    قصر مخصوص تقرب میں سواری پہنچی
    چھپ گیا نور میں وہ نور خدا کا دیکھو
    جانے کیا کیا ہوئیں محبوب و محب میں باتیں
    کس سے پوچھیں کہ ہے خاموش زمانہ دیکھو
    مل کے اللہ سے تشریف بھی لے آئے حضور
    ہے مگر گرم ابھی بسترِ والا دیکھو
    شاعرِ صاحبِ معراج ہو تم اے اختر
    صدقۂ نوشۂ معراج ملا کیا دیکھو
    ۔۔۔۔۔۔۔۔۔۔۔۔۔۔۔۔۔۔۔
    یہ کلام بھی ابو النور محمد بشیر کوٹلوی صاحب کی کتاب "آنا جانا نور کا" سے نقل کیا گیا ہے۔​
     
    • پسندیدہ پسندیدہ × 1
    • زبردست زبردست × 1
  2. فاروق احمد بھٹی

    فاروق احمد بھٹی محفلین

    مراسلے:
    2,423
    جھنڈا:
    Pakistan
    موڈ:
    Question
    ہم نے یہ کلام سکول کے زمانے میں بہت پڑھا ہے۔ پرانی یاد تازہ ہو گئی
     
    • پسندیدہ پسندیدہ × 1
    • دوستانہ دوستانہ × 1
  3. شاکرالقادری

    شاکرالقادری لائبریرین

    مراسلے:
    2,696
    موڈ:
    Cheerful
    اس دفعہ کے فروغ نعت میں انشأ اللہ آپ کو ان کا معراجیہ کلام ملے گا ہم نے ان پر خصوصی توجہ دی ہے
     
    • پسندیدہ پسندیدہ × 2
  4. اوشو

    اوشو لائبریرین

    مراسلے:
    2,603
    جھنڈا:
    Pakistan
    موڈ:
    Drunk
    [​IMG]
     
    • پسندیدہ پسندیدہ × 1
  5. شاکرالقادری

    شاکرالقادری لائبریرین

    مراسلے:
    2,696
    موڈ:
    Cheerful
    یہ نعیم رضا کون ہیں فنی اعتبار سے ان کا کلام بہت کمزور ہے
     
  6. اوشو

    اوشو لائبریرین

    مراسلے:
    2,603
    جھنڈا:
    Pakistan
    موڈ:
    Drunk
    ہماری اردو کے دوست ہیں نعیم کی آئی ڈی سے آتے ہیں وہاں۔
     
    • پسندیدہ پسندیدہ × 1
  7. خرم انصاری

    خرم انصاری محفلین

    مراسلے:
    161
    جھنڈا:
    Pakistan
    موڈ:
    Cheerful
    کیا یہ پی ڈی ایف میں دستیاب ہو سکے گا؟
     
  8. شاکرالقادری

    شاکرالقادری لائبریرین

    مراسلے:
    2,696
    موڈ:
    Cheerful
    جی یہ پی ڈی ایف میں بھی دستیاب ہو گا ارور ڈاک کا پتہ دے کر منگوایا بھی جا سکتا ہے
     
  9. الف نظامی

    الف نظامی لائبریرین

    مراسلے:
    17,552
    جھنڈا:
    Pakistan
    موڈ:
    Amused
    منتظر خود ہے بصد شوق خدا آج کی رات
    کس کی آمد ہے سر عرش عُلیٰ آج کی رات

    فاصلے گھٹ گئے یوں قرب بڑھا آج کی رات
    عبد و معبود میں پردہ نہ رہا آج کی رات

    بخشوا لیں گے وہ امت کو خدا سے اپنے
    مانا جائے گا ضرور ان کا کہا آج کی رات

    قاب قوسین کی صورت میں ہوا قرب و وصال
    کھل گیا فلسفہ ء ثمّ دنا آج کی رات

    آج کی رات کے انداز نرالے دیکھے
    پڑھ کے چلتی درود ان پہ ہوا آج کی رات

    رحمت سید عالم ہیں دو عالم کو محیط
    کوئی عاصی نہیں محروم عطا آج کی رات

    جلوہ ء حسن حقیقت کی ضیا باری میں
    اپنے شاہکار کو دیکھے گا خدا آج کی رات

    لگ کے قدموں سے تیرے باغ جناں تک پہنچی
    معتبر ہو گئی رفتارِ صبا آج کی رات

    اور ہی کچھ ہے دو عالم کی ہوا آج کی رات
    سیر کو نکلے ہیں محبوب خدا آج کی رات

    بخش دوں گا تیری امت کو تیرے صدقے میں
    خود خدا نے یہ محمّد ﷺ سے کہا آج کی رات

    بخت بیدار ہوں جن کے وہ کہاں سوتے ہیں
    جاگنے کا ہے حقیقت میں مزہ آج کی رات

    چشم یعقوب میں یوسف کی ادا ماند ہوئی
    دیر تک مصر کا بازار لٹا آج کی رات

    جانب عرشِ بریں انکی سواری جو چلی
    دست بستہ ہوئے سب شاہ و گدا آج کی رات

    آج کی رات اجالا ہی اجالا ہے نصیر
    انکا مشتاق زیارت ہے خدا آج کی رات

    خوش نصیبی ہے جو توفیق عبادت ہو نصیر
    مرحبا آج کا دن ، صل علیٰ آج کی رات
    (سید نصیر الدین نصیر)
     
    • پسندیدہ پسندیدہ × 1
    • دوستانہ دوستانہ × 1
  10. سیما علی

    سیما علی لائبریرین

    مراسلے:
    21,660
    جھنڈا:
    Pakistan
    موڈ:
    Cool

    میزباں اللہ خود ذیشان ہے معراج میں..
    ایک نورانیؐ بشر مہمان ہے معراج میں..

    خلد کو کردی گئ اس واسطے آراستہ..
    ختمِ مرسلؐ بولتا قران ہے معراج میں..

    حور و غلمان و ملک سب کی زباں پر ہے یہ گیت..
    نورِ اقدس مصطفیٰؐ کی شان ہے معراج میں..

    جو محمدؐ کا نہیں وہ میرا ہو سکتا نہیں..
    جانبِ اللہ یہ اعلان ہے معراج میں..

    بخش دونگا تیری امت اے میرے پیارے نبیؐ..
    عرش پر اللہ کا فرمان ہے معراج میں..

    خود شفاعت مصطفےٰؐ فرمایں گے روزِ جزا..
    ہم گنہگاروں پہ یہ احسان ہے معراج میں..

    ذات پر شایان جسکی خود خدا بیھجے درود..
    جلوہ گر وہ ہاشمی پہچان ہے معراج میں..

    از قلم: خواجہ شایان حسن چشتی
     

اس صفحے کی تشہیر