اردو زبان میں شامل ترکی الفاظ

حسان خان نے 'ادبیات و لسانیات' کی ذیل میں اس موضوع کا آغاز کیا، ‏نومبر 11, 2012

  1. حسان خان

    حسان خان لائبریرین

    مراسلے:
    17,928
    جھنڈا:
    Pakistan
    موڈ:
    Bookworm
    دوغلا

    اردو میں استعمال ہونے والا یہ لفظ نہ تو ہندی الاصل ہے نہ ہی عربی الاصل۔ ہندی اور اردو لغات میں اس کا ماخذ فارسی بتایا گیا ہے، پر فارسی کی کسی لغت میں مجھے یہ لفظ نہیں ملا۔ البتہ اس سے ملتا جلتا لفظ 'دوغلو' اور اس کی دوسری اشکال (دوقلو، دوقلی، دغلی) لغتنامۂ دہخدا میں ضرور مل گئیں۔ لغت کے مطابق یہ ترکی زبان کا لفظ ہے، جبکہ لفظ کا مطلب 'جڑواں' یعنی وہ دو بچے جو ایک ہی ماں کے شکم سے پیدا ہوئے ہوں درج ہے۔

    دوغماق ترکی مصدر ہے جس کا مطلب ہے پیدا ہونا، دوغ اسی مصدر کی جڑ ہے جبکہ لو/لی نسبت کی علامت ہے۔ (مثلا: صبرلی = صابر؛ پاکستانلی = پاکستانی، یاش = عمر؛ یاشلی = عمر والا (یعنی بوڑھا)؛ رنگلی = رنگین؛ سس = آواز؛ سسلی = آوازدار؛ طوز = نمک؛ طوزلو = بانمک)

    اردو میں ہم دوغلا عموما منافق کے معنی میں استعمال کرتے ہیں۔ لیکن دوغلا کا ایک اور مطلب بھی لغات میں درج ہیں۔ ایسا لگتا ہے کہ اولا یہ لفظ مخلوط النسل، نیچ ذات یا حرام زادے کے لیے استعمال ہوتا تھا۔ دیکھا جائے تو یہاں بھی پیدائش کے معنی ایک لحاظ سے موجود ہیں۔ اس لیے گمانِ ٖ غالب ہے کہ یہ لفظ دوغلا ترکی کے 'دوغلو' کی ہی مشرف بہ اردو شکل ہے۔ صوتی لحاظ سے بھی یہ لفظ ترکی الاصل ہی معلوم ہوتا ہے۔

    اب اس سوال کا جواب کہ اس لفظ کا مطلب اردو میں اپنے اصل ترکی/فارسی مطلب جڑواں سے مختلف کیوں ہے، یہ ہے کہ جب ایک لفظ کسی زبان سے دوسری زبان میں منتقل ہوتا ہے تو بسا اوقات اپنے معنی بھی تبدیل کر لیتا ہے۔ مثلا عربی میں انقلاب کسی چیز کے ایک قالب سے نکل کر دوسرے قالب میں منتقل ہونے کو کہتے ہیں، جبکہ اردو اور فارسی میں اس کا مطلب revolution ہے۔ ایک اور ایسی مثال برداشت کی ہے جو فارسی میں اوپر اٹھانے کے عمل کو کہتے ہیں، جبکہ اردو میں یہ tolerance کے معنی میں استعمال ہوتا ہے۔ اس لیے ممکن ہے کہ جب فارسی کے ذریعے دوغلو اردو میں آیا تو لفظ کی شکل کے ساتھ ساتھ اس کے معنی بھی تبدیل ہو گئے ہوں۔
     
    • معلوماتی معلوماتی × 3
    • پسندیدہ پسندیدہ × 1
    • زبردست زبردست × 1
  2. محمد خلیل الرحمٰن

    محمد خلیل الرحمٰن مدیر

    مراسلے:
    9,868
    جھنڈا:
    Pakistan
    موڈ:
    Festive
    حسان بھائی بہت خوبصورت اور معلوماتی سلسلہ ہے، اسے جاری رکھیے
     
    • متفق متفق × 2
    • پسندیدہ پسندیدہ × 1
  3. عزیزامین

    عزیزامین محفلین

    مراسلے:
    8,027
    جھنڈا:
    Canada
    موڈ:
    Happy
    کیوں نا ترکی پر تعارفی اور معلومات دھاگہ کھولا جائے؟ اسکی ابتدا کون کرے گا میرے سوا؟
     
    • پسندیدہ پسندیدہ × 1
  4. حسان خان

    حسان خان لائبریرین

    مراسلے:
    17,928
    جھنڈا:
    Pakistan
    موڈ:
    Bookworm
    ترکی زبان کا ایک بہت ہی مختصر تعارف تو میں پہلے ہی ایک دھاگے میں دے چکا ہوں
    البتہ 'ترکی' کے بارے میں تعارفی دھاگہ ابھی تک کسی نے شروع نہیں کیا ہے۔ لیکن مجھے بہت خوشی ہو گی اگر کوئی ہم محفلین کو ترکی اور ترکوں کے بارے میں معلومات فراہم کرے۔ آپ ابتدا کیجیے، میں اور دوسرے احباب اُس دھاگے میں اضافے کرتے رہیں گے۔
     
    آخری تدوین: ‏فروری 25, 2017
  5. یوسف-2

    یوسف-2 محفلین

    مراسلے:
    4,043
    جھنڈا:
    Pakistan
    موڈ:
    Shh
    بہت زبردست دھاگہ۔ محبان اردو کے لئے نہایت اہم۔ شکریہ اور داد قبول کیجئے۔
     
    • پسندیدہ پسندیدہ × 1
  6. حسان خان

    حسان خان لائبریرین

    مراسلے:
    17,928
    جھنڈا:
    Pakistan
    موڈ:
    Bookworm
    بہت شکریہ یوسف بھائی :)
     
  7. راسخ کشمیری

    راسخ کشمیری محفلین

    مراسلے:
    854
    جھنڈا:
    Pakistan
    موڈ:
    Busy
    بہت خوب جناب۔۔
     
    • پسندیدہ پسندیدہ × 1
  8. راسخ کشمیری

    راسخ کشمیری محفلین

    مراسلے:
    854
    جھنڈا:
    Pakistan
    موڈ:
    Busy
    حسان۔۔ ميرى مانو تو جو الفاظ آپنے اوپر ديے ہيں انكى تاريخى اكهاڑ پچهاڑ كركے ايك كتابچہ مرتب كرو۔۔۔ اس طرح كا كام مجهے عربى اردو الفاظ كے حوالے سے كرنے كا شوق كافى عرصہ سے پنپ رہا ہے۔۔ ميرے استاذ نے ايك كتاب ميرے ذمہ لگائى ہے جس ميں وه اس قسم كا كام انجام دے رہے ہيں۔۔۔
     
    • معلوماتی معلوماتی × 1
  9. عزیزامین

    عزیزامین محفلین

    مراسلے:
    8,027
    جھنڈا:
    Canada
    موڈ:
    Happy
    میر تو تجویز ہے یہ میرے بس کا روگ نہیں شاید
     
  10. اشتیاق علی

    اشتیاق علی لائبریرین

    مراسلے:
    10,994
    جھنڈا:
    Pakistan
    موڈ:
    Breezy
    حسان خان کیا ترکی سیکھنے کے اسباق بھی کہیں شروع کر رکھے ہیں؟
     
  11. حسان خان

    حسان خان لائبریرین

    مراسلے:
    17,928
    جھنڈا:
    Pakistan
    موڈ:
    Bookworm
    ابھی تک تو نہیں۔ اصل میں ترکی دستور کی اساس اردو، فارسی یا انگریزی سے بالکل مختلف ہے۔ اس لیے اسے اس فورم پر سکھانا کم سے کم میرے لیے تو ناممکن ہے۔ البتہ انٹرنیٹ پر ترکی زبان سکھانے والی بہت سی بے مثال کتب انگریزی میں دستیاب ہیں۔ اگر آپ دلچسپی رکھتے ہوں تو میں آپ کو ذاتی پیغام میں ان کے ربط بھیج سکتا ہوں۔
     
    • پسندیدہ پسندیدہ × 2
  12. عزیزامین

    عزیزامین محفلین

    مراسلے:
    8,027
    جھنڈا:
    Canada
    موڈ:
    Happy
    آپکی ترکی میں دلچسپی کیوں اور کیسے بنی حسان صاحب
     
  13. حسان خان

    حسان خان لائبریرین

    مراسلے:
    17,928
    جھنڈا:
    Pakistan
    موڈ:
    Bookworm
    لمبی کہانی ہے جناب۔۔ مختصرا یہ کہ تین چار سال قبل جب معلوم ہوا کہ ترکی زبان، اردو اور فارسی میں بہت گہرے اور صدیوں پر محیط لسانی اور ادبی روابط ہیں، تو ترکی زبان سیکھنے کا شدید اشتیاق پیدا ہوا۔ کچھ اس وجہ سے کہ ترکی ملک سے قلبی تعلق پہلے سے ہی تھا، اور کچھ اس وجہ سے کہ جب ترکی پہلی بار سنی تو اس سے سریلی زبان کوئی دوسری لگی ہی نہیں۔ بس فورا ٹھان لی کہ ہو نہ ہو مجھے ترکی زبان ضرور سیکھنی ہے۔ اللہ کا کرم ہے، اس مدت میں تھوڑی بہت سیکھ گیا ہوں، لیکن سیکھنے کا مرحلہ جاری ہے۔
     
    آخری تدوین: ‏فروری 25, 2017
    • پسندیدہ پسندیدہ × 1
  14. اشتیاق علی

    اشتیاق علی لائبریرین

    مراسلے:
    10,994
    جھنڈا:
    Pakistan
    موڈ:
    Breezy
    آپ ما شا اللہ سے ترکی زبان کے بارے میں کافی معلومات رکھتے ہیں اور اس معلومات کو شامل محفل بھی کر رہے ہیں۔ میں تو یہ چاہتا تھا کہ اردو زبان سے بھی واقف ہیں اور ترکی بھی بخوبی جانتے ہیں کیوں ناں آپ ہی سے ترکی سیکھ لی جائے مگر لگتا ہے کہ آپ اس موڈ میں نہیں ہیں :):):):)۔ لیکن میں پھر بھی کہوں گا کہ ایک آدھ سلسلہ شروع کر کے دیکھیں کافی احباب دلچسپی ليں گے۔ انشاء اللہ۔ اگر آپ سلسلہ شروع کریں گے تو میرا نام شاگردوں کی لسٹ میں سر فہرست رکھیے گا۔ :):):):)
    اگر کوئی مفید لنکس موجود ہوں تو آپ مجھے ذاتی پیغام میں بھیج دیں۔
     
    • پسندیدہ پسندیدہ × 1
  15. حسان خان

    حسان خان لائبریرین

    مراسلے:
    17,928
    جھنڈا:
    Pakistan
    موڈ:
    Bookworm
    میں آپ کو آج رات ہی چند کتابوں کے ربط بھیجتا ہوں۔
     
    • پسندیدہ پسندیدہ × 1
  16. عزیزامین

    عزیزامین محفلین

    مراسلے:
    8,027
    جھنڈا:
    Canada
    موڈ:
    Happy
    کیا یہ زبان آسان ہے؟
     
  17. عزیزامین

    عزیزامین محفلین

    مراسلے:
    8,027
    جھنڈا:
    Canada
    موڈ:
    Happy
    حسان آپ کو ترکی کی تہذیب و ثقافت میں دلچسپی نہیں؟
     
  18. حسان خان

    حسان خان لائبریرین

    مراسلے:
    17,928
    جھنڈا:
    Pakistan
    موڈ:
    Bookworm
    دستوری لحاظ سے آپ اسے چند آسان ترین زبانوں میں سے ایک کہہ سکتے ہیں۔ جملوں کی ساخت بھی کافی حد تک اردو سے مشابہ ہے۔ الفاظ کا تلفظ بھی کوئی مسئلہ نہیں۔ ہاں، ایک مسئلہ ہے۔ موجودہ ترکی میں جدید ترکی استعمال کی جاتی ہے جس میں عربی فارسی الفاظ کی تعداد کم ہے۔ اس لیے شاید جدید ترکی میں صرف دس فیصد الفاظ ایسے ہونگے جو اردو اور ترکی میں یکساں ہے۔ باقی الفاظ نئے سرے سے یاد کرنے پڑیں گے۔
     
    آخری تدوین: ‏فروری 25, 2017
  19. عزیزامین

    عزیزامین محفلین

    مراسلے:
    8,027
    جھنڈا:
    Canada
    موڈ:
    Happy
    مجھے یہ زبان کا لہجہ فارسی اور پشتو جیسا لگا مجھے ایک بار ہی اسکو سننے کا اتفاق ہواہے چند گھنٹے
     
  20. حسان خان

    حسان خان لائبریرین

    مراسلے:
    17,928
    جھنڈا:
    Pakistan
    موڈ:
    Bookworm
    کیوں نہیں بھائی۔ ترکوں کی تمدن و ثقافت میں تو بہت دلچسپی ہے۔ پچھلے دو تین سالوں میں میرے مطالعے کا اکثر حصہ ترکوں پر ہی رہا ہے۔ ایک زمانے میں تو حُبَ ترک کا مرض اتنا غالب ہو گیا تھا کہ مجھے لگنے لگا تھا کہ شاید میں گذشتہ زندگی میں ایک ترک ہی تھا۔ :D:biggrin: :lol:
    ویسے، مجھے آذربائجان اور آذربائجانی ترکوں میں بھی اُسی قدر دلچسپی ہے۔
     
    آخری تدوین: ‏فروری 25, 2017
    • پسندیدہ پسندیدہ × 1
    • پر مزاح پر مزاح × 1

اس صفحے کی تشہیر