مئے خانہ کے اندر ہیں سبھی مست و خراب
مٹی کی صُراحی بھی ہے غرقِ مئے ناب
مئے خوارَوں کے کیا دماغ ہیں مت پوچھو
جام سرِ جمشید میں پیتے ہیں شراب قلندر بابا اولیا
باغوں میں جو قمریاں ہیں سب مٹی ہیں
پانی میں جو مچھلیاں ہیں سب مٹی ہیں
آنکھوں کا فریب ہے یہ ساری دُنیا
پھولوں میں جو تتلیاں ہیں سب مٹی ہیں قلندر بابا اولیا
یاران نبی کا وصف کس سے ہو ادا
ایک ایک ہے ان میں ناظم نظم ہدٰی
پائے کوئی کیونکر اس رباعی کا جواب
اے اہل سخن جس کا مصنف ہو خدا از حسن رضا بریلوی رحمۃ اللہ علیہ
