1. احباب کو اردو ویب کے سالانہ اخراجات کی مد میں تعاون کی دعوت دی جاتی ہے۔ مزید تفصیلات ملاحظہ فرمائیں!

    ہدف: $500
    $413.00
    اعلان ختم کریں

آپ کی آنکھیں ۔ برائے اصلاح

ذیشان لاشاری نے 'اِصلاحِ سخن' کی ذیل میں اس موضوع کا آغاز کیا، ‏جون 28, 2019

  1. ذیشان لاشاری

    ذیشان لاشاری محفلین

    مراسلے:
    89
    جھنڈا:
    Pakistan
    موڈ:
    Festive
    مرے شب کے اندھیرے میں دیا ہیں آپ کی آنکھیں
    مرے ظلمت کدے کا آسرا ہیں آپ کی آنکھیں

    ہیں کلیاں٬ چاند٬ تارے٬ جھیل یا پھر رات کی رانی
    اگر یہ سب نہیں تو اور کیا ہیں آپ کی آنکھیں

    اگر محفل میں ہیں تو پھر تو ہیں یہ رونق محفل
    ہیں تنہا گر کہیں تو پھر دعا ہیں آپ کی آنکھیں

    یہ فن پارے کسی قابل مصور کے بھی لگتے ہیں
    یا ماہر شیشہ گر کی ساختہ ہیں آپ کی آنکھیں

    اگر زاہد ہوں میں تو پھر یہ آنکھیں میری مسجد ہیں
    اگر ہوں بادہ کش تو میکدہ ہیں آپ کی آنکھیں

    اگر یہ بند ہیں تو پھر ہیں گویا سیپ میں موتی
    اگر وا ہیں تو پھر ہیرا نما ہیں آپ کی آنکھیں

    کبھی لگتا ہے یہ آنکھیں کسی بلبل کا نغمہ ہیں
    کبھی لگتا ہے خود نغمہ سرا ہیں آپ کی آنکھیں

    وفاداری، دل آزاری، نگہ داری، کماں داری
    غرض کہ ہر ادا سے آشنا ہیں آپ کی آنکھیں

    کبھی لگتا ہیں یہ آنکھیں ہیں قصہ مختصر کوئی
    کبھی لگتا ہے لمبی داستاں ہیں آپ کی آنکھیں

    ملیں نظریں جو نظروں سے تو پوری ہر تمنا ہو
    مری آنکھوں کی واحد مدعا ہیں آپ کی آنکھیں

    اگر کہہ دوں فقط یہ مے ہیں تو یہ انصاف نہ ہوگا
    حقیقت میں مئے دو آتشہ ہیں آپ کی آنکھیں

    سبو، ساقی ،سراحی، شیشہ و مے سے تعلق ہے
    جو سچ پوچھو کوئی خالص نشہ ہیں آ پ کی آنکھیں

    یہ تشبیہیں بجا ہیں لیک قصہ مختصر یہ ہے
    مرے سارے غموں کی اک دوا ہیں آپ کی آنکھیں

    اگر اس بات سے نہ ہو تسلی تو میں کہتا ہوں
    مری خاموش الفت کا صلہ ہیں آپ کی آنکھیں

    اگر یہ بات بھی چھوٹی لگے تو شان کہتا ہے
    خدا کی خاص رحمت کی عطا ہیں آپ کی آنکھیں
     
  2. الف عین

    الف عین لائبریرین

    مراسلے:
    33,464
    جھنڈا:
    India
    موڈ:
    Psychedelic
    مرے شب کے اندھیرے میں دیا ہیں آپ کی آنکھیں
    مرے ظلمت کدے کا آسرا ہیں آپ کی آنکھیں
    ... درست

    ہیں کلیاں٬ چاند٬ تارے٬ جھیل یا پھر رات کی رانی
    اگر یہ سب نہیں تو اور کیا ہیں آپ کی آنکھیں
    ... آنکھوں کے لیے یہ تشبیہات عجیب سی ہیں، بطور خاص رات کی رانی؟ دوسرا مصرع درست ہے

    اگر محفل میں ہیں تو پھر تو ہیں یہ رونق محفل
    ہیں تنہا گر کہیں تو پھر دعا ہیں آپ کی آنکھیں
    ... تنہا یعنی ایک ہی آنکھ؟
    پہلا مصرع بھی یوں بہتر لگتا ہے
    اگر محفل میں ہوں تو رونق محفل سی لگتی ہیں

    یہ فن پارے کسی قابل مصور کے بھی لگتے ہیں
    یا ماہر شیشہ گر کی ساختہ ہیں آپ کی آنکھیں
    ... بھی' با معنی نہیں پہلے مصرع میں
    کہ جیسے ہوں یہ فن پارے کسی قابل مصور کے
    کہ ماہر......
    کر دو

    اگر زاہد ہوں میں تو پھر یہ آنکھیں میری مسجد ہیں
    اگر ہوں بادہ کش تو میکدہ ہیں آپ کی آنکھیں
    ... تو پھر اور اس میں بھی تو کا طویل کھنچنا اچھا نہیں لگتا
    اگر زاہد ہوں میں، یہ آنکھیں جیسے میری مسجد ہیں
    بہتر ہو گا

    اگر یہ بند ہیں تو پھر ہیں گویا سیپ میں موتی
    اگر وا ہیں تو پھر ہیرا نما ہیں آپ کی آنکھیں
    ... تو پھر یہاں بھی، ایک جگہ تو طویل کھنچنا قبول کر کے پھر کو یوں سے بدل دیں
    دوسرے مصرع میں ہیرا نما کی ترکیب غلط ہے. ہیرا ہندی ہے، نما کے ساتھ فارسی لفظ چاہیے

    کبھی لگتا ہے یہ آنکھیں کسی بلبل کا نغمہ ہیں
    کبھی لگتا ہے خود نغمہ سرا ہیں آپ کی آنکھیں
    . تکنیکی طور پر درست ہے، لیکن بلبل کا نغمہ کس طرح ہو سکتی ہیں آنکھیں؟

    وفاداری، دل آزاری، نگہ داری، کماں داری
    غرض کہ ہر ادا سے آشنا ہیں آپ کی آنکھیں
    کماں داری؟ کچھ اور استعمال کریں
    غرض ہر ہر/ ہر اک ادا..... بہتر رہے گا


    کبھی لگتا ہیں یہ آنکھیں ہیں قصہ مختصر کوئی
    کبھی لگتا ہے لمبی داستاں ہیں آپ کی آنکھیں
    .. یہ تو قافیہ ہی مختلف ہو گیا!

    ملیں نظریں جو نظروں سے تو پوری ہر تمنا ہو
    مری آنکھوں کی واحد مدعا ہیں آپ کی آنکھیں
    واحد کی جگہ شاید/ جیسے استعمال کریں تو بہتر ہو


    اگر کہہ دوں فقط یہ مے ہیں تو یہ انصاف نہ ہوگا
    حقیقت میں مئے دو آتشہ ہیں آپ کی آنکھیں
    ... نہ ہوگا میں نہ 'نا' کے بطور آ رہا ہے
    اگر کہہ دوں فقط مے ہیں تو نا انصافی ہو گی یہ
    بہتر ہے


    سبو، ساقی ،سراحی، شیشہ و مے سے تعلق ہے
    جو سچ پوچھو کوئی خالص نشہ ہیں آ پ کی آنکھیں
    ... مفہوم سے عاری، یہ شعر نکال دیا جائے

    یہ تشبیہیں بجا ہیں لیک قصہ مختصر یہ ہے
    مرے سارے غموں کی اک دوا ہیں آپ کی آنکھیں
    ... درست

    اگر اس بات سے نہ ہو تسلی تو میں کہتا ہوں
    مری خاموش الفت کا صلہ ہیں آپ کی آنکھیں
    وہی نہ طویل دو حرفی جسے پسند نہیں کیا جاتا
    تسلی گر نہ ہو ان ساری باتوں سے، تو کہتا ہوں
    کر دیں

    اگر یہ بات بھی چھوٹی لگے تو شان کہتا ہے
    خدا کی خاص رحمت کی عطا ہیں آپ کی آنکھیں
    .. درست
     
    • دوستانہ دوستانہ × 1
  3. عدیل عبد الباسط

    عدیل عبد الباسط محفلین

    مراسلے:
    109
    جھنڈا:
    Pakistan
    موڈ:
    Happy
    اشعار بنائیں ضرور، لیکن خود سے الجھئے نہیں۔ سازگار ماحول اور موافق مزاج کے ساتھ اس وقت کا انتظار کیجئے، جب معانی کے نازک وجود، الفاظ کی مخملیں چادریں اوڑھے، عروض کی کشتیوں میں سوار، بحور کے دریاؤں سے گزرتے ہوئے، دل کی جھیل میں آپہنچیں۔ اس وقت قلم کے پتوار سنبھالئے اور بستیٔ جذبات کے ان مہمانوں کو بڑی احتیاط سے قرطاس کے ساحل پر اتار دیجئے۔ اس سے آگے کی مہمان نوازی درد مندانِ سخن پر چھوڑ دیجئے۔
     
    آخری تدوین: ‏جون 29, 2019
    • معلوماتی معلوماتی × 1
  4. ذیشان لاشاری

    ذیشان لاشاری محفلین

    مراسلے:
    89
    جھنڈا:
    Pakistan
    موڈ:
    Festive
    بہت شکریہ استاد محترم
    دوبارہ کوشش کرتا ہوں
     
  5. ذیشان لاشاری

    ذیشان لاشاری محفلین

    مراسلے:
    89
    جھنڈا:
    Pakistan
    موڈ:
    Festive
    ،ک

    شکریہ برادرم
     

اس صفحے کی تشہیر