الوداعی تقریب آخری رات

[یاز]

اور کب تک زندگی کی ناز برداری کریں
دوستو آؤ چلو مرنے کی تیاری کریں

 

[یاز]

میں اپنے آپ سے اک کھیل کرنے والا ہوں
سبھی یہ سوچ رہے ہیں کہ مرنے والا ہوں

کسی کی یاد کا مہتاب ڈوبنے کو ہے
میں پھر سے شب کی تہوں میں اترنے والا ہوں

سمیٹ لو مجھے اپنی صدا کے حلقوں میں
میں خامشی کی ہوا سے بکھرنے والا ہوں

مجھے ڈبونے کا منظر حسین تھا لیکن
حسین تر ہے یہ منظر ابھرنے والا ہوں

حیات فرض تھی یا قرض کٹنے والی ہے
میں جسم و جاں کی حدوں سے گزرنے والا ہوں

میں ساتھ لے کے چلوں گا تمہیں اے ہم سفرو
میں تم سے آگے ہوں لیکن ٹھہرنے والا ہوں

صدائے دشت سہی میری زندگی آزادؔ
خلائے دشت کو اپنے سے بھرنے والا ہوں

 

[گُلِ یاسمیں]

آنکھوں میں چبھ گئیں تری یادوں کی کرچیاں
کاندھوں پہ غم کی شال ہے اور چاند رات ہے
دل توڑ کے خموش نظاروں کا کیا ملا
شبنم کا یہ سوال ہے اور چاند رات ہے
کیمپس کی نہر پر ہے ترا ہاتھ ہاتھ میں
موسم بھی لا زوال ہے اور چاند رات ہے
ہر اک کلی نے اوڑھ لیا ماتمی لباس
ہر پھول پر ملال ہے اور چاند رات ہے
چھلکا سا پڑ رہا ہے وصیؔ وحشتوں کا رنگ
ہر چیز پہ زوال ہے اور چاند رات ہے
وصی شاہ

 

[گُلِ یاسمیں]

اس رات کی سحر ہی نہیں ہم سے پوچھ لو
مارے ہوئے ہیں ہم بھی شبِ انتظار کے

 

[یاز]

آسماں! کچھ بھی نہیں اب تیرے کرنے کے لیے
میں نے سب تیاریاں کر لی ہیں مرنے کے لیے

 

[گُلِ یاسمیں]

شبِ سیاہ سے اہل سفر نہ گھبرائیں
شب تاریک کی آغوش میں اندھیرا ہے