آج کی دلچسپ خبر!

محمد عدنان اکبری نقیبی نے 'آج کی خبر' کی ذیل میں اس موضوع کا آغاز کیا، ‏دسمبر 22, 2017

  1. جاسم محمد

    جاسم محمد محفلین

    مراسلے:
    8,900
    چور چوری سے تو نا جائے لیکن ہیرا پھیری سے جائے
    [​IMG]
    میں بے انتہا غریب اور ضرورت مند ہوں، میں نے آپ کا فون اور بٹوا چھوڑ دیا تھا، چور کی مالک کو ای میل۔ فائل فوٹو

    قیمتی شے کی چوری کسی کے لیے بھی پریشانی کا سبب بن سکتی ہے لیکن اس وقت تو سونے پر سہاگہ ہو جاتا ہے جب اس قیمتی شے کے ساتھ کوئی اور قیمتی چیز بھی منسلک ہو جیسے کہ لیپ ٹاپ وغیرہ۔

    لیپ ٹاپ خود تو قیمتی ہوتا ہی ہے لیکن اس میں موجود اہم ڈیٹا کبھی کبھی اس سے بھی زیادہ قیمتی ثابت ہوتے ہیں۔

    ایسا ہی معاملہ ہوا برطانیہ کے شہر برمنگھم کے ایک طالب علم کے ساتھ جب لیپ ٹاپ چوری ہونے کے بعد چور نے اسے ای میل میں اس کے یونی ورسٹی کے دستاویزات واپس کرنے کی پیشکش کی۔

    اپنے پیغام میں چور نے کہا کہ میں' آپ کو ایک غیر معمولی پیشکش کرنے سے پہلے آپ کے لیپ ٹاپ کے لیے معذرت کرتا ہوں۔'

    اس نے مزید لکھا کہ میں بے انتہا غریب اور ضرورت مند ہوں، میں نے آپ کا فون اور بٹوا چھوڑ دیا تھا تاکہ آپ کا زیادہ نقصان نہ ہو، میں اندازہ لگا سکتا ہوں کہ آپ ایک یونی ورسٹی کے طالب علم ہیں۔

    چور نے ای میل میں مزید لکھا کہ اگر اس لیپ ٹاپ میں فائلیں موجود ہیں، جیسے کہ یونی ورسٹی کا کام وغیرہ جس کی آپ کو ضرورت ہو تو مجھے بتا دیجیے گا میں آپ کو ای میل کر دوں گا، ایک بار پھر معذرت خواہ ہوں۔

    لیپ ٹاپ کے مالک کے فلیٹ میں ساتھ رہنے والے دوست اسٹیو ویلنٹائن نے اپنے ایک ٹوئٹ میں چور کی طرف سے کی جانے والی ای میل کی تصویر شئیر کی، یہ ٹوئٹر پوسٹ منظر عام پر آنے کے بعد سے اب تک 28 ہزار مرتبہ شیئر ہو چکی ہے اور اس پر 400 سے زائد تبصرے بھی دیے جا چکے ہیں۔
     
    • پسندیدہ پسندیدہ × 2
  2. جاسمن

    جاسمن مدیر

    مراسلے:
    11,319
    جھنڈا:
    Pakistan
    موڈ:
    Fine
    میں نے یہی بات نوٹ کی تھی۔
    اللہ اسے شفائے کامل عطا فرمائے۔آمین!
     
    • پسندیدہ پسندیدہ × 1
  3. جاسم محمد

    جاسم محمد محفلین

    مراسلے:
    8,900
    میری شادی کراؤ؛ کراچی میں شہری ہائی ٹیشن لائن کے کھمبے پر چڑھ گیا

    [​IMG]
    پول پر چڑھے شخص کو دیکھنے کے لئے شہریوں کی بڑی تعداد پہنچ گئی۔ فوٹو: ایکسپریس نیوز / اسکرین شارٹ

    کراچی: شاکر نامی شہری شادی کا مطالبہ پورا کرانے کے لئے کے الیکٹرک کی ہائی ٹینشن لائن کے کھمبے پر چڑھ گیا۔

    ایکسپریس نیوز کے مطابق کراچی کے علاقے کورنگی میں سنگر چورنگی کے قریب ایک شخص کے الیکٹرک کی ہائی ٹینشن لائن پر چڑھ گیا جس کا مطالبہ تھا کہ میری شادی کراؤ ورنہ اوپر سے کود کر جان دے دوں گا۔

    شہری کے پول پر چڑھنے کی اطلاع ملتے ہی کے الیکٹرک نے بجلی کی سپلائی بند کردی اور اس کی حفاظت کے لئے پول کے اطراف ائیر بیگز رکھ دیئے گئے، شہری پول پر چڑھنے کے بعد مسلسل موبائل فون پر کسی سے بات کرتا رہا اور بعد میں اس نے اپنا پرس اور موبائل فون نیچے پھینک دیا۔

    پول پر چڑھے شادی کے شوقین کو دیکھنے کے لئے شہریوں کی بڑی تعداد جائے وقوعہ پر پہنچ گئی جس کے باعث ٹریفک کی روانی بھی متاثر ہوگئی۔ شہری کی بہن کو بھی اسنارکل کی مدد سے اوپر بھیجا گیا لیکن اس نے کسی سے بھی بات کرنے سے انکار کردیا۔ تاہم بعد میں اس کا مطالبہ پورا کرنے کی یقین دہانی پر اسے اسنارکل کی مدد سے نیچے اتار لیا گیا۔

    شہری کی شناخت محمد شاکر کے نام سے ہوئی جو گارمنٹس فیکٹری کا ملازم ہے، مبینہ طور پر اس کی موٹرسائیکل سے نشے کا مواد بھی ملا ہے۔

    دوسری جانب ہائی ٹینشن لائن پر چڑھنے والے نوجوان شاکر کے خلاف مقدمہ درج کرلیا گیا ہے. پولیس کے مطابق مقدمہ عوامی کالونی تھانے میں درج کیا گیا جس میں اقدام خودکشی کی دفعات شامل کی گئی ہیں۔
    اے خان :sneaky:
     
    • پر مزاح پر مزاح × 4
    • معلوماتی معلوماتی × 1
  4. اے خان

    اے خان محفلین

    مراسلے:
    4,166
    جھنڈا:
    Pakistan
    موڈ:
    Innocent
    :whistle: اس کی نوبت نہیں آئی گی:D
     
    • پر مزاح پر مزاح × 3
  5. محمد عدنان اکبری نقیبی

    محمد عدنان اکبری نقیبی محفلین

    مراسلے:
    16,375
    جھنڈا:
    Pakistan
    موڈ:
    Cheerful
    انسان کی لئے چھٹی حس ایجاد، شمال کی سمت بتانے کی صلاحیت حاصل ہو سکے گی

    [​IMG]

    انسان کے جسم میں پانچ مختلف نوعیت کی حس پائی جاتی ہیں جن میں نظر، سماعت، چھونا، ذائقہ اور سونگھنے کی حس شامل ہے۔
    لیکن اب ایک نئی چھٹی حس ایجاد کرنے کا دعویٰ کیا گیا ہے جسے استعمال کرتے ہوئے کوئی بھی انسان یہ بتا سکتا ہے کہ وہ شمال کی طرف منہ کرکے کھڑا ہے یا نہیں۔
    برطانیہ سے تعلق رکھنے والے ایک کمپیوٹر ایکسپرٹ اور بایو ہیکر نے دعویٰ کیا ہے کہ بلوٹوتھ قطب نما اپنے سینے پر امپلانٹ کرنے سے یہ نئی چھٹی حس حاصل کی جا سکتی ہے۔
    38؍ برس کے بایو ہیکر لیویو بابٹز سائبورگ نیسٹ نامی کمپنی کے سربراہ ہیں جس نے یہ ’’نارتھ سینس‘‘ نامی امپلا نٹ ایجاد کیا ہے۔صرف ڈھائی سینٹی میٹر کے اس امپلانٹ پر پانی کا اثر نہیں ہوتا اور اسے سینے کی جلد میں ٹائٹینیم کے تار کے ذریعے جوڑا جاتا ہے۔جیسے ہی انسان اپنا رخ شمال کی جانب کرے گا تو اس میں ہلکی سی سرسراہٹ پیدا ہوگی جسے پتہ لگایا جا سکے گا کہ طرفین میں انسان کا رخ کس جانب ہے۔
     
    • پسندیدہ پسندیدہ × 1
    • معلوماتی معلوماتی × 1
  6. عبدالقیوم چوہدری

    عبدالقیوم چوہدری محفلین

    مراسلے:
    16,648
    جھنڈا:
    Pakistan
    موڈ:
    Relaxed
    [​IMG]
     
    • پر مزاح پر مزاح × 9
    • متفق متفق × 1
    • غمناک غمناک × 1
  7. سید عمران

    سید عمران محفلین

    مراسلے:
    9,646
    جھنڈا:
    Pakistan
    دیکھیں اب محمد وارث بھائی یہاں قدم رنجہ کب فرماتے ہیں!!!
    :):):)
     
    • پر مزاح پر مزاح × 4
  8. محمد وارث

    محمد وارث لائبریرین

    مراسلے:
    24,766
    جھنڈا:
    Pakistan
    موڈ:
    Depressed
    اللہ آپ کی زبان مبارک کرے جناب!
    کہ میری عمر بھی 70 برس ہو۔ :)
     
    • پر مزاح پر مزاح × 6
  9. محمد تابش صدیقی

    محمد تابش صدیقی منتظم

    مراسلے:
    22,891
    جھنڈا:
    Pakistan
    موڈ:
    Breezy
    قدم رنجہ کم فرماتے ہیں، البتہ ان سے قدم رنجہ کروائے ضرور جاتے ہیں۔ :)
     
    • پر مزاح پر مزاح × 4
    • متفق متفق × 1
  10. سید عمران

    سید عمران محفلین

    مراسلے:
    9,646
    جھنڈا:
    Pakistan
    آمین!!!
    مگر جائے وقوع ایسا نہ ہو!!!
    :):):)
     
    • پسندیدہ پسندیدہ × 3
  11. سید عمران

    سید عمران محفلین

    مراسلے:
    9,646
    جھنڈا:
    Pakistan
    زبردستی کرکے!!!
    :ROFLMAO::ROFLMAO::ROFLMAO:
     
    • پر مزاح پر مزاح × 5
  12. عبدالقیوم چوہدری

    عبدالقیوم چوہدری محفلین

    مراسلے:
    16,648
    جھنڈا:
    Pakistan
    موڈ:
    Relaxed
    اک ہم ہی نہیں تنہا الفت میں تیری رسوا
    اس شہر میں ہم جیسے دیوانے ہزاروں ہیں۔

    اینج دی ای گل اے نا جی !
     
    • پر مزاح پر مزاح × 5
  13. جاسم محمد

    جاسم محمد محفلین

    مراسلے:
    8,900
    ہائے بیچارے مردوں کی بھی کیا زندگی ہے۔ کہیں شادی کیلئے بجلی کے کھمبوں سےلٹک رہے ہیں تو کہیں شادی سے بھاگ کر جیل جارہے ہیں۔ حقوق مرداں والے کدھر ہیں؟
     
    • پر مزاح پر مزاح × 1
  14. محمد عدنان اکبری نقیبی

    محمد عدنان اکبری نقیبی محفلین

    مراسلے:
    16,375
    جھنڈا:
    Pakistan
    موڈ:
    Cheerful
    نیند میں بڑبڑانے کے بعد اب میسج کرنا بھی عام ہوگیا

    [​IMG]

    ایک تحقیق سے یہ بات سامنے آئی ہے کہ نیند میں بڑبڑانا یا باتیں کرنا تو پہلے ہی عام تھا لیکن اب نیند میں ٹیکسٹ میسج کرنا بھی عام ہوگیا ہے۔
    غیر ملکی میڈیا کے مطابق ماہرین کا کہنا ہے کہ اکثر افراد اس بات کی شکایت کرتے دکھائی دیتے ہیں کہ انہیں دوست کی جانب سے عجیب و غریب زبان میں لکھا میسج موصول ہوا ہے، تو اس میں پریشان ہونے والی بات نہیں ہے کیونکہ وہ میسج اُس نے آپ کو نیند میں بھیجا ہے۔
    نیند میں میسج کرنے کی اس کیفیت میں لکھنے والا اپنی آنکھیں نہیں کھولتا اسے ’سلیپ ٹیکسٹ‘ کا نام دیا جارہا ہے جس میں لکھا جانے والا پیغام بے معنی اورعجیب و غریب ہوتا ہے۔ یہ ایک نہایت حیران کن بات ہے کہ کوئی نیند میں کیسے میسج کرسکتا ہےجبکہ کچھ لوگوں کو یہ سن کر حیرت بھی ہوئی ہوگی لیکن ماہرین اس بات کی تصدیق کرچکے ہیں کہ ایسا ہونا اب عام ہوگیا ہے۔
    میڈیا رپورٹس کے مطابق نیند میں میسج کرنے والےکو یہ یاد بھی نہیں رہتا کہ اُس نے کب،کس کو اور کیا میسج بھیجا ہے۔ اس کیفیت کو ’پیرا سومنیا‘ کی ایک قسم قرار دیا گیا ہے جس کا مطلب ہے کہ لوگ سوتے میں عجیب و غریب کام کرنے کے عادی ہوں تاہم یہ کیفیت مغربی ممالک میں توقع سے زیادہ عام ہوتی جارہی ہے۔
    امریکی ریاست پینسلوانیا کی ’وِلانووا یونیورسٹی‘ کے ماہرین نے ایک سروے کیا جس میں انہوں نے اپنے کالج کے 372 طلبا و طالبات سے نیند اور فون کے استعمال کے بارے میں سوالات کیے تو اُن میں سے 26 فیصد افراد نے کہا کہ وہ کسی موقع پر نیند میں بھی میسج بھیجتے ہیں اور ان میں سے اکثریت رات کو فون اپنے پاس رکھ کر سوتی ہےجبکہ کچھ اس سے بچنے کے لیے فون کو دور رکھ کر سوتے ہیں۔
    اس کے علاوہ ماہرین کا یہ بھی کہنا ہے کہ وہ اس کیفیت پر مزید تحقیق کرنے کا ارادہ رکھتے ہیں اور انہوں نے لوگوں کو یہ مشورہ بھی دیا ہے کہ وہ رات کے وقت فون کو خود سے دور رکھ کر یا آف کرکے سوئیں۔
     
    آخری تدوین: ‏دسمبر 12, 2018
    • معلوماتی معلوماتی × 2
  15. محمد عدنان اکبری نقیبی

    محمد عدنان اکبری نقیبی محفلین

    مراسلے:
    16,375
    جھنڈا:
    Pakistan
    موڈ:
    Cheerful
    امریکا: ہائی وے پر ہوئی نوٹوں کی بارش

    [​IMG]

    امریکی ریاست نیوجرسی کی ہائی وے پر دلچسپ صورتحال اُس وقت دیکھی گئی جب سڑک پر ہر طرف پانچ ، دس، اور بیس ڈالر کے سیکڑوں نوٹ بکھر گئے ۔کچھ لوگ جہاں اُن نوٹوں کو حسرت سے دیکھتے رہے وہیں کچھ نے موقع سے فائدہ اُٹھایا اور اپنی گاڑیوں سے اتر کر نوٹ پکڑنے کی کوشش میں ادھر ادھر بھاگتے دوڑنے نظر آئے۔
    رپورٹ کے مطابق ایک سیکیورٹی کمپنی کی گاڑی کا دروازہ ہوا کے باعث کھل گیا اور یوں کئی نوٹ اُڑ کر سڑک پر گر گئے ۔

    [​IMG]
    دوسری جانب لوگوں کی نوٹ پکڑنے کی کوشش کی وجہ سے نہ صرف ٹریفک کی روانی متاثر ہوئی بلکہ کئی گاڑیاں آپس میں ٹکرا گئی ۔پولیس کی جانب سے واقعے کی تفتیش کی جا رہی ہے۔
    لنک
     
    • معلوماتی معلوماتی × 1
  16. محمد عدنان اکبری نقیبی

    محمد عدنان اکبری نقیبی محفلین

    مراسلے:
    16,375
    جھنڈا:
    Pakistan
    موڈ:
    Cheerful
    مصر چارہزارچارسو سال قدیم مقبرہ دریافت

    [​IMG]
    مصر میں ہزاروں سال قدیم مقبرہ دریافت کر لیا گیا ہے جو مکمل طور پردرست حالت میں ہے۔بین الاقوامی خبر رساں ادارے کے مطابق مصر میں کھدائی کے دوران ماہرین آثار قدیمہ کو چار ہزار چار سو سال مقبروں سے قدیم مجسمے ملے ہیں ۔

    [​IMG]
    یہ مقبرہ 10میٹر لمبا اور3میٹر چوڑا ہے جہاں رنگین دیوہیکل مجسمے ملے ہیں جن میں کچھ چار انچ تک گہرائی میں دفن تھے تو کچھ 50انچ تک گہرائی میں دفنائے گئے تھے۔

    [​IMG]
    [​IMG]
    ماہرین آثار قدیمہ کا کہنا ہے کہ اس علاقے میں تحقیق جاری ہے اور کئی علاقوں کی کھدائی کی جارہی ہیں جس سے انسانی تاریخ کے کئی نئے سربستہ رازوں سے پردہ اْٹھنے کی امید ہے۔
    لنک
     
    • پسندیدہ پسندیدہ × 1
    • معلوماتی معلوماتی × 1
  17. محمد وارث

    محمد وارث لائبریرین

    مراسلے:
    24,766
    جھنڈا:
    Pakistan
    موڈ:
    Depressed
    ہے تو یہ ایک مقدمے کے لیے درخواست، لیکن اسے "دلچسپ خبر" بھی سمجھا جا سکتا ہے۔

    "نا معلوم آوارہ بلی" کی مدد سے ورغلا کر قیمتی بلے کا اغوا:
    [​IMG]
     
    آخری تدوین: ‏دسمبر 18, 2018
    • پر مزاح پر مزاح × 6
    • معلوماتی معلوماتی × 2
  18. محمد عدنان اکبری نقیبی

    محمد عدنان اکبری نقیبی محفلین

    مراسلے:
    16,375
    جھنڈا:
    Pakistan
    موڈ:
    Cheerful
    ایپل کے بانی کی پر تعیش بوٹ تیار

    [​IMG]
    ایپل کمپنی کے آنجہانی بانی اسٹیوجابز کی جدید آسائشوں پر مشتمل خصوصی بوٹ مکمل کرلی گئی ہے۔
    دنیا بھر میں ٹیکنالوجی کی نئی جہت متعارف کروانے والے ایپل ٹیکنالوجی فرم کے آنجہانی بانی اسٹیو جابز کی خصوصی ہائی ٹیک تفریحی کشتی انکے انتقال کے ایک سال بعد بلا آخر مکمل ہوگئی۔
    The slick A105نامی اطالوی کمپنی کی تیار کردہ یہ عالیشان بوٹ نہ صرف بہترین انٹیریر کی مالک ہے بلکہ پوری بوٹ پر دو منزلوں کے برابر دیوہیکل کھڑکیاں بوٹ میں موجود افراد کو سمندر کا نظارہ نہا یت صاف دیکھنے میں مددگار ثابت ہونگی ۔

    [​IMG]
    دلکش فرنیچر ، دیوہیکل شیشے کی کھڑکیاں ، شاندار بیڈ رومز، کچن ،باتھ روم اور بیرونی حصہ اپنی مثال آپ ہیں جو آپ کے سفر کو کئی گنا دلکش بنا دیگی۔
     
    • غمناک غمناک × 1
  19. عباس اعوان

    عباس اعوان محفلین

    مراسلے:
    2,148
    جھنڈا:
    Germany
    موڈ:
    Daring
    انکی موت 2011 میں ہوئی تھی۔
     
    • پسندیدہ پسندیدہ × 1
    • متفق متفق × 1
  20. ابن توقیر

    ابن توقیر محفلین

    مراسلے:
    3,566
    جی جی وہی تو۔
    بوٹ تو شاید 2012 میں ہی لانچ کردی گئی تھی مگر جنگ والوں کے "مترجم" کی نظر سے خبر نہیں گزری۔
     
    • پسندیدہ پسندیدہ × 1
    • پر مزاح پر مزاح × 1

اس صفحے کی تشہیر