آج کی آیت

سیما علی

لائبریرین
اور ہم نے انسان کو اپنے والدین کے بارے میں یہ تأکید کی ہے ۔۔۔۔۔(کیونکہ) اُس کی ماں نے اُسے کمزوری پر کمزوری برداشت کرکے پیٹ میں رکھا، اور دو سال میں اُس کا دُودھ چھوٹتا ہے کہ تم میرا شکر اَدا کرو، اور اپنے ماں باپ کا۔ میرے پاس ہی (تمہیں) لوٹ کر آنا ہے۔

‏﴿سورۃ لقمان، ۱۴﴾
 

سیما علی

لائبریرین
یا رَبّ! مجھے بھی نماز قائم کرنے والا بنا دیجئے، اور میری اولاد میں سے بھی (ایسے لوگ پیدا فرمائیے جو نماز قائم کریں۔) اے ہمارے پروردگار! اور میری دُعا قبول فرما لیجئے۔

‏﴿سورۃ ابراھیم، ۴۰﴾
 

سیما علی

لائبریرین
'

قرآن کریم (سورت المائدہ 5) میں دو بالکل متضاد خصلتوں والے انسانوں کا بیان۔۔۔۔۔۔۔۔۔

بگڑے انسان: ( جنھیں اللہ تعالیٰ نے توبہ کا موقع فراہم کیا تو وہ بجائے سلجھنے کے مزید بگڑ گئے اور اللہ کے عذاب کے مستحق ٹھہرے )
"اور انھوں نے سمجھا کہ کوئی آزمائش واقع نہ ہوگی تو وہ اندھے ہوگئے اور بہرے ہوگئے، پھر اللہ ان پر مہربان ہوگیا، پھر ان میں بہت سے اندھے ہو گئے اور بہرے ہوگئے اور اللہ خوب دیکھنے والا ہے جو وہ کرتے ہیں۔" [71]

سلجھے انسان: ( جنھیں اللہ تعالیٰ کی طرف سے توبہ کا موقع ملا تو انھوں نے اسکا بھرپور فائدہ اٹھایا اور اللہ تعالیٰ کے پسندیدہ بندوں میں شامل ہو گئے )
"ان لوگوں پر جو ایمان لائے اور انھوں نے نیک اعمال کیے اس چیز میں کوئی گناہ نہیں جو وہ کھا چکے، جب کہ وہ متقی بنے اور ایمان لائے اور انھوں نے نیک اعمال کیے، پھر وہ متقی بنے اور ایمان لائے، پھر وہ متقی بنے اور انھوں نے نیکی کی اور اللہ نیکی کرنے والوں سے محبت کرتا ہے۔" [93]

یا اللہ! تُو ہمیں بھٹکنے سے بچا لے اور موت اور عذاب سے پہلے سچی توبہ کی توفیق عطا فرما دے اور اپنے فضل وکرم سے اپنے پسندیدہ بندوں میں شامل فرما لے آمین یا الرحم الرٰحمین
 

سیما علی

لائبریرین
اللہ ہی کے پاس تمہیں لوٹ کر جانا ہے، اور وہ ہر چیز کی پوری قدرت رکھتا ہے۔

‏﴿سورۃ ھود، ۴﴾
 

سیما علی

لائبریرین
قیامت کے دن ہم درمیان میں ﻻ رکھیں گے ٹھیک ٹھیک تولنے والی ترازو کو۔ پھر کسی پر کچھ بھی ﻇلم نہ کیا جائے گا۔ اور اگر ایک رائی کے دانے کے برابر بھی عمل ہوگا ہم اسے ﻻ حاضر کریں گے، اور ہم کافی ہیں حساب کرنے والے۝

‏سورۃ الانبیاء ۔ آیت نمبر 47
 

سیما علی

لائبریرین
زمین میں جتنے درخت ہیں اگر وہ سب قلمیں بن جائیں اور سمندر سیاھی بن جائے پھر اس کے بعد سات مزید سمندر بھی سیاھی مہیا کریں تو بھی اللہ کی باتیں ختم نہ ہوں گی۔ بلاشبہ اللہ غالب اور حکمت والا ہے ۞

‏سورہ لقمان ۔ آیت نمبر 27
 

سیما علی

لائبریرین
وه اللہ ہے جس نے تمہارے لئے کان اور آنکھیں اور دل پیدا کئے، مگر تم بہت (ہی) کم شکر کرتے ہو۝

‏سورۃ المومنون ۔ آیت نمبر 78
 

سیما علی

لائبریرین
وَ قَالَ الَّذِیْنَ لَا یَعْلَمُوْنَ لَوْ لَا یُكَلِّمُنَا اللّٰهُ اَوْ تَاْتِیْنَاۤ اٰیَةٌؕ- كَذٰلِكَ قَالَ الَّذِیْنَ مِنْ قَبْلِهِمْ مِّثْلَ قَوْلِهِمْؕ- تَشَابَهَتْ قُلُوْبُهُمْؕ- قَدْ بَیَّنَّا الْاٰیٰتِ لِقَوْمٍ یُّوْقِنُوْنَ (بقرۃ، 11
ترجمہ: اور جاہل بولے اللہ ہم سے کیوں نہیں کلام کرتا یا ہمیں کوئی نشانی ملے ان سے اگلوں نے بھی ایسی ہی کہی ان کی سی بات اِن کے اُن کے دل ایک سے ہیں بیشک ہم نے نشانیاں کھول دیں یقین والوں کے لئے.
 
آخری تدوین:

سیما علی

لائبریرین
اے ایمان والو! جو پاکیزہ چیزیں ہم نے تمہیں رزق کے طور پر عطا کی ہیں، ان میں سے (جو چاہو) کھاؤ، اور اللہ کا شکر ادا کرو، اگر واقعی تم صرف اسی کی بندگی کرتے ہو۔

‏﴿سورۃ البقرۃ، ۱۷۲﴾
 

سیما علی

لائبریرین
وہی ہے جس کے حکم سے صبح کو پوپھٹتی ہے، اور اُسی نے رات کو سکون کا وقت بنایا ہے، اور سورج اور چاند کو ایک حساب کا پابند! یہ سب کچھ اُس ذات کی منصوبہ بندی ہے جس کا اقتدار بھی کامل ہے، علم بھی کامل۔

‏﴿سورۃ الانعام، ۹۶﴾
 

سیما علی

لائبریرین
جو کوئی شخص اسلام کے سوا کوئی اور دِین اختیار کرنا چاہے گا، تو اس سے وہ دِین قبول نہیں کیا جائے گا، اور آخرت میں وہ ان لوگوں میں شامل ہوگا جو سخت نقصان اُٹھانے والے ہیں۔

‏﴿سورۃ آل عمران، ۸۵﴾
 

سیما علی

لائبریرین
اور یہ بھی حقیقت ہے کہ جو شخص توبہ کرے، ایمان لائے، اور نیک عمل کرے، پھر سیدھے راستے پر قائم رہے تو میں اُس کے لئے بہت بخشنے والا ہوں۔

‏﴿سورۃ طٰہ ،۸۲﴾
 

سیما علی

لائبریرین
اُن کا نور اُن کے آگے اور اُن کی دائیں طرف دوڑ رہا ہوگا۔وہ کہہ رہے ہوں گے کہ: ’’اے ہمارے پروردگار! ہمارے لئے اس نور کو مکمل کردیجئے، اور ہماری مغفرت فرمادیجئے۔ یقینا آپ ہر چیز پر پوری قدرت رکھنے والے ہیں۔”

‏﴿سورۃ التحریم، ۸﴾
 

سیما علی

لائبریرین
بھلا وہ کون ہے کہ جب کوئی بے قرار اُسے پکارتا ہے تو وہ اُس کی دُعا قبول کرتا ہے، اور تکلیف دُور کردیتا ہے، اور جو تمہیں زمین کا خلیفہ بناتا ہے؟ کیا (پھر بھی تم کہتے ہو کہ) اللہ کے ساتھ کوئی اور خدا ہے؟ نہیں! بلکہ تم بہت کم نصیحت قبول کرتے ہو۔

‏﴿سورۃ النمل، ۶۲﴾
 

یاسر شاہ

محفلین
بھلا وہ کون ہے کہ جب کوئی بے قرار اُسے پکارتا ہے تو وہ اُس کی دُعا قبول کرتا ہے، اور تکلیف دُور کردیتا ہے، اور جو تمہیں زمین کا خلیفہ بناتا ہے؟ کیا (پھر بھی تم کہتے ہو کہ) اللہ کے ساتھ کوئی اور خدا ہے؟ نہیں! بلکہ تم بہت کم نصیحت قبول کرتے ہو۔

‏﴿سورۃ النمل، ۶۲﴾
"أَمَّنْ يُجيبُ الْمُضْطَرَّ إِذا دَعاهُ وَ يَكْشِفُ السُّوء" : "بھلا وہ کون ہے جو مضطر کی فریاد کو سنتا ہے جب وہ اس کو آواز دیتا ہے اور اس کی مصیبت کو دور کرتا ہے"

کیا ہی دلکش پیرایہ ہے۔مومن نے اسی آیت سے متاثر ہو کے کہا ہوگا ؛

کیوں سنے عرض_مضطر اے مومن !
صنم آخر خدا نہیں ہوتا
 

سیما علی

لائبریرین
💠 اللہ نگاہوں کی خیانت اور جو کچھ سینوں میں پوشیدہ ہے سے واقف ہے
📗 قرآن کریم | سورہ غافر | آیت 19
 

سیما علی

لائبریرین
اے ایمان والو! اگر کوئی فاسق تمہارے پاس کوئی خبر لے کر آئے، تو اچھی طرح تحقیق کرلیا کرو، کہیں ایسا نہ ہو کہ تم نادانی سے کچھ لوگوں کو نقصان پہنچا بیٹھو، اور پھر اپنے کئے پر پچھتاؤ۔

‏﴿سورۃ الحجرات،۶﴾
 

سیما علی

لائبریرین

’’ بھلا بتاؤ تو کہ آسمانوں کو اور زمین کو کس نے پیدا کیا ؟ کس نے آسمان سے بارش برسائی ؟ پھر اس سے ہرے بھرے بارونق باغات اُگادیئے، ان باغوں کے درختوں کو تم ہرگز نہ اُگاسکتے ، کیا اﷲ کے ساتھ اور کوئی معبود بھی ہے ؟ بلکہ ( حقیقت یہ ہے کہ ) یہ لوگ ( سیدھی راہ سے ) ہٹ جاتے ہیں۔ ‘‘ (النمل60)۔​

 

سیما علی

لائبریرین
393mqHQ.jpg
(اے پیغمبرﷺ!) یقین جانو ہم نے تمہیں کوثر عطا کردی ہے،
‏لہٰذا تم اپنے پروردگار (کی خوشنودی) کے لئے نماز پڑھو، اور قربانی کرو،
‏یقین جانو تمہارا دُشمن ہی وہ ہے جس کی جڑ کٹی ہوئی ہے۔

‏﴿سورۃ الکوثر﴾
 
Top