میم الف
محفلین
میں تو اِس کربِ نظارا سے تڑپ اُٹھا ہوں
کتنے ایسے ہیں جنھیں حسرتِ بینائی ہے
جن کی قسمت میں کبھی دولتِ دیدار نہیں
جن کی قسمت میں تماشا‘ نہ تماشائی ہے
جو ترستے ہیں کہ کرنوں کو برستا دیکھیں
جو یہ کہتے ہیں کہ منزل نہیں‘ رستا دیکھیں
اُن سے کہہ دو کہ وہ آئیں‘ مری آنکھیں لے لیں
اِس سے پہلے کہ مرا جسم فنا ہو جائے
اِس سے پہلے کہ یہ خاکسترِ جاں بھی نہ رہے
اِس سے پہلے کہ کوئی حشر بپا ہو جائے
خواب ہونے سے بچا لے کوئی میری آنکھیں
اپنے چہرے پہ لگا لے کوئی میری آنکھیں
کون سہہ پائے گا لیکن مری آنکھوں کے عذاب
کس کو یہ حوصلہ ہو گا کہ ہمیشہ دیکھے
اپنی پلکوں کی صلیبوں سے اترتے ہوئے خواب
جن کی کرچوں کی چبھن روح میں بس جاتی ہے
زندگی‘ زندگی بھر کے لیے کرلاتی ہے
کتنے ایسے ہیں جنھیں حسرتِ بینائی ہے
جن کی قسمت میں کبھی دولتِ دیدار نہیں
جن کی قسمت میں تماشا‘ نہ تماشائی ہے
جو ترستے ہیں کہ کرنوں کو برستا دیکھیں
جو یہ کہتے ہیں کہ منزل نہیں‘ رستا دیکھیں
اُن سے کہہ دو کہ وہ آئیں‘ مری آنکھیں لے لیں
اِس سے پہلے کہ مرا جسم فنا ہو جائے
اِس سے پہلے کہ یہ خاکسترِ جاں بھی نہ رہے
اِس سے پہلے کہ کوئی حشر بپا ہو جائے
خواب ہونے سے بچا لے کوئی میری آنکھیں
اپنے چہرے پہ لگا لے کوئی میری آنکھیں
کون سہہ پائے گا لیکن مری آنکھوں کے عذاب
کس کو یہ حوصلہ ہو گا کہ ہمیشہ دیکھے
اپنی پلکوں کی صلیبوں سے اترتے ہوئے خواب
جن کی کرچوں کی چبھن روح میں بس جاتی ہے
زندگی‘ زندگی بھر کے لیے کرلاتی ہے