جوش ؐملیح آبادی:::::بہار آئی ہے کُچھ بے د،لی کا چارہ کریں:::::Josh Malihabadi

طارق شاہ

محفلین

josh_small.jpg

غزل
بہار آئی ہے کُچھ بے دِلی کا چارہ کریں
چمن میں آؤ حریفو ! کہ اِستخارہ کریں

شرابِ ناب کے قُلزُم میں غُسل فرمائیں
کہ آبِ مُردۂ تسنِیم سے غرارہ کریں

جُمود گاہِ یخ و زمہرِیر ہی میں رہیں
کہ سیرِ دائرۂ شُعلہ و شرارہ کریں

حِصارِ صومِعہ کے گِرد ، سعی فرمائیں
کہ طوفِ کعبہ رِندِ شراب خوارہ کریں

مُدبّرانِ خُمِستاں کی پیروی فرمائیں
کہ اِتّباعِ فقِیہانِ بد قِوارہ کریں

عباؤ جُبّۂ و کُفش و کُلہ کی خیر منائیں
کہ رخت و جیب و گریباں کو پارہ پارہ کریں

دُرونِ دجلۂ مستی، شناوری فرمائیں
کہ ذکرِ کوثر و زمزم پہ ہی گُزارہ کریں

جہاں کو نوشِ خراباتِیاں کی دعوت دیں
کہ سُوئے نِیشِ مُناجاتِیاں اِشارہ کریں

شُمارِ دانۂ تسبِیح میں رہیں سر گرم
کہ عزمِ خُسرویِ ذرّہ و سِتارہ کریں

گلے میں ڈال دیں، اے جوشؔ ! دوڑ کر بانہیں
کہ دُور ہی سے، رُخ و زُلف کا نظارہ کریں

جوشؔ ملیح آبادی
 
Top