امن ایمان ، اللہ تعالی آپ کے جذبے میں برکت عطا فرمائے۔ میں تو جب بھی کعبہ مشرفہ کے سامنے کھڑا ہو کر دعا مانگتا ہوں تو اللہ پاک کے حضور ان تمام مسلمانوں کے لئیے فریاد کرتا ہوں جو حاضری کی تڑپ رکھتے ہیں۔
ایک بات اور کہ خانہ کعبہ کے اندر داخل ہونا واقعی شرف کی بات ہے لیکن جو مسلمان خانہ کعبہ میں داخل نہیں ہو سکے ان کو ملول ہونے کی کوئی ضرورت نہیں کہ حطیم بھی کعبہ مشرفہ ہی کا حصہ ہے بس اس پر چھت نہیں ڈالی گئی اور ہر مسلمان وہاں جا کر نفل ضرور پڑھتا ہے۔ یعنی اللہ تعالی کی مہربانی دیکھئیے کہ کوئی بھی یہ نہیں کہہ سکتا کہ وہ خانہ کعبہ میں داخل نہیں ہوا۔
اگر آپ خانہ کعبہ کے دروازے کی طرف منہ کر کے کھڑے ہوں تو آپ کے دائیں ہاتھ کی طرف خانہ کعبہ کا بایاں کونہ حطیم میں ہی واقع ہے اور اس سے آگے ایک کم بلند دیوار کھڑی کر کے حطیم کے مقام کی نشان دہی کی گئی ہے۔
اللہ تعالی سب مسلمانوں کو اپنے گھر کی زیارت سے سرفراز فرمائے (آمین)
