شہرِ دل کے ساحروں کا کیا ہوا

La Alma نے کہا:

وہ تو شہ رگ سے زیادہ ہے قریب
لامکاں کے فاصلوں کا کیا ہوا

مزید نمائش کے لیے کلک کریں۔۔۔

سلمان دانش جی نے کہا:

واہ صاحبہ۔پیشین گوئی کرتا ہوں، آپ بہت جلد ایک اچھی شاعرہ بننے جا رہیں ہیں۔ کچھ زیادہ اصلاح کی ضرورت نہیں ہے۔ البتہ چند ایک اشعار میں دونوں مصرعوں کا ربط کچھ واضع نہیں ہو رہا
"شکر"کا وزن درست نہیں ہے ۔ یہ فعل کے وزن پر ہے۔ متبادل "شکر ہے کہ عکس قائم رہ گیا" ہو سکتا ہے۔
اس مصرع میں۔آج پھر وہ اجنبی سا ہے لگا ۔ میں ہے کی نشست اور موجود گی بھاری سی ہے ، اس کی بجائے "کیوں" زیادہ مظبوط ہو گا۔
آنسو دونوں آنکھوں سے چھلکتے ہیں تو دونوں گالوں پر گرتے ہیں۔پس "گال"کی بجائے "گالوں"بہتر ہے۔ مقطع پر تھوڑی اور محنت کریں

مزید نمائش کے لیے کلک کریں۔۔۔

محمداحمد نے کہا:

اس شعر میں قریب کی جگہ قریں بھی لایا جا سکتا ہے۔ ویسے قریب بھی غلط نہیں ہے۔

مزید نمائش کے لیے کلک کریں۔۔۔

الف عین نے کہا:

سلمان کی آراء اور مشورے درست ہیں۔ مطلع بھی واضح نہیں۔ اگر شاعروں سے تخاطب ہے تو شاعرو‘ ہونا چاہئے۔ اور اگر عاقلوں کے ساتھ ہی ان کا بھی ذکر ہے تو ’شاعروں اور عاقلوں‘ بہتر ہے۔
’کہ عکس قائم رہ گیا‘ میں ’کہُ بطور ’کے‘ کا استعمال کم از کم مجھے پسند نہیں۔ اس کی جگہ ’جوُ بہتر ہو گا۔
شکر ہے جو عکس قائم رہ گیا

مزید نمائش کے لیے کلک کریں۔۔۔

محمد ریحان قریشی نے کہا:

مجهے تو تمام قوافی درست نہیں لگ رہے.
عاقلوں اور ساحروں میں وں مشترک ہے اور ساحر اور عاقل با معنی ہیں اور حرف روی کا اختلاف ہے. اسی طرح عاشقوں وغیرہ البتہ واسطہ سے واسطوں اور شائبہ سے شائبوں درست ہو سکتے ہیں.

مزید نمائش کے لیے کلک کریں۔۔۔

فاتح نے کہا:

عمدہ کوشش ہے۔ وزن کے اعتبار سے صرف ایک مصرع جس کا اوپر ذکر ہوا کے علاوہ باقی ٹھیک ہے، ہاں قوافی درست نہیں اور دو ایک مقامات پر مصرعوں کا باہمی ربط نہیں بن رہا۔

مزید نمائش کے لیے کلک کریں۔۔۔

La Alma نے کہا:

شکریہ . میرا آپ سے بھی یہی سوال ہے کے مطلع بدلنے کی صورت میں کیا دیگر قوافی درست قرار پا سکتے ہیں؟
جیسے اگر مطلع میں قوافی "دائروں" اور "زاویوں" وغیرہ رکھے جائیں . رہنمائی فرمائیے گا .

مزید نمائش کے لیے کلک کریں۔۔۔

ابن رضا نے کہا:

عمدہ کاوش کے لیے داد.

جو بھی لفظ آپ قافیہ کرنا چاہتی ہیں اس کی سادہ مفرد حالت دیکھیں. اگر وہ بھی ہم قافیہ ہی ہیں تو وہ درست شمار ہونگے. جیسے دائروں اور زاویوں کی سادہ حالت دائرہ اور زاویہ ہے ان میں حرفِ روی ہ ہے یہ ہم قافیہ ہی ہیں اسی طرح ان کی جمع یعنی دائروں اور زاویوں بھی ہم قافیہ ہی ہیں. تاہم ساحروں اور عاقلوں میں اصل لفظ ساحر اور عاقل ہے جن میں حرفِ روی ر اور لام ایک دوسرے سے مختلف ہیں اس لیے ان کی جمع کی حالت بھی درست قافیہ نہ ہوگی

مزید نمائش کے لیے کلک کریں۔۔۔

La Alma نے کہا:

شکریہ سر .
آدھی بات سمجھ آ گئی ہے ...باقی سمجھنے کی کوشش کر رہی ہوں .
یعنی مطلع بدل بھی دیا جائے پھر بھی ساحروں ،آنسوؤں قوافی نہیں آ سکتے ...؟
اس رو سے" چلتے " اور " سکتے" بھی قوافی نہیں ہو سکتے ؟

مزید نمائش کے لیے کلک کریں۔۔۔

ابن رضا نے کہا:

ساحر اور آنسو بھی ہم قافیہ نہیں
جی بالکل چل اور سک ہم قافیہ نہیں تاہم اسی فعل کی مشتق حالت چلا اور سکا ہم قافیہ ہی شمار ہونگے

مزید نمائش کے لیے کلک کریں۔۔۔