حاتم راجپوت

لائبریرین
600472_597735120242013_24410860_n.jpg

یہ میرے چھت سے شمال مغرب کا منظر۔۔۔سامنے پیلے گنبد والی مسجد ہے اور اس سے آگے سبز گنبد قبرستان حجرہ شاہ مقیم ہے۔







307341_597735416908650_1255023847_n.jpg

گھر سے کچھ آگے کھیتوں میں۔۔۔ دور نظر آنے والی سرخ عمارت لڑکیوں کا ہائی سکول ہے۔







379616_597736566908535_1260157839_n.jpg

ہمارے گاؤں کی مشترکہ عید گاہ۔۔۔ بادلوں سے نکلتی شعاعیں طلسماتی سا منظر پیش کر رہی ہیں۔۔







545927_447023595313167_2103629843_n.jpg

نور گڑھا۔۔۔ بہت پہلے ہمارے گاؤں میں دو تالاب تھے، نور گڑھا اور ماتا رانی،، نور گڑھا مسلمانوں کے استعمال کے لئے مخصوص تھا اور ماتا رانی ہندوؤں کے۔۔۔ پارٹیشن کے بعد بہت کم ہندو یہاں رکے، زیادہ تر چلے گئے لہذاٰ ماتا رانی بھی گھٹنے لگا اور اب کچھ سال پہلے مکمل طور پر نابود ہو چکا ہے۔۔







215098_565834743432051_2097436119_n.jpg

میرے چھت سے گاؤں کا جنوب مغربی حصہ۔۔ سردیوں کی ایک طلوع ہوتی صبح۔۔







560229_599254056756786_157493235_n.jpg

شہر خموشاں سے ایک اداس شام۔۔۔







614849_580478605300998_201062866_o.jpg

مغربی سمت سے گاؤں کی لی گئی ایک تصویر۔۔ اور سہ پہر کے ڈھلتے سائے۔۔







999525_666171226731735_127593146_n.jpg

جنوب مغربی سمت میں واقع ایک چھوٹا سا تالاب (نور گڑھا) اور پس منظر میں ڈوبتا سورج۔۔۔ دھیمی سی شعاعیں پانی کی سطح سے منعکس ہوتے ہوئے۔۔







1001856_680608098621381_649815338_n.jpg

ہلکی سی بوندا باندی کے بعد نکھری ہوئی رہگزر۔۔۔







32369_543432805672245_1157880337_n.jpg

یہ ہندوؤں کا شمشان گھاٹ۔۔۔ ”مڑھیاں“ کہلاتا ہے، ہمارے گاؤں کے جنوب میں واقع ہے،نالہ پلکھو کے کنارے۔۔۔







1111_543434122338780_462234796_n.jpg

گزری خزاں اور بہارِ رواں۔۔ خزاں رسیدہ کچھ پتے اور تازہ پھول کچھ کیکر کے۔۔۔







419573_405895789425948_1646226122_n.jpg

ہمارے گاؤں کا دوسرا تالاب۔۔۔ یہ ”بورے والی چھپڑی“ کہلاتا ہے۔۔۔







424944_405899722758888_2144898730_n.jpg

گاؤں کی شمالی سمت۔۔۔ اور سبز لہلاتی کھیتیاں۔۔۔







418192_405900842758776_1519573774_n.jpg

گاؤں کے مشرقی اُفق پر بکھری قوس و قزح۔۔۔







430378_405901276092066_36938512_n.jpg

پانی کی سطح کی ایک تصویر۔۔۔ کیمرہ اور پانی میں بس ایک دو سینٹی میٹر جتنا ہی فاصلہ رہ گیا تھا۔۔







167899_196191230396406_8007187_n.jpg

ہمارے گاؤں کے انتہائی شمال میں واقع ایک نالہ۔۔۔ کسی وقت میں یہ بپھر کر سیلابی تباہی مچاتا تھا۔۔ لیکن اب امتدادِ زمانہ سے متاثر ہو کہ صرف ایک تالاب کی شکل اختیار کر گیا ہے۔۔







166349_196191587063037_7362161_n.jpg

گاؤں کے انتہائی مغرب میں کھیتوں میں لگا ایک کھمبا۔۔۔ ڈھلتی زرد شام کے تناظر میں اُداس کھڑا ہے۔







164182_196192617062934_1380661_n.jpg

سرسوں کے زرد کھیت۔۔۔ اکیلا کیکر۔۔۔ اور ڈھلتی شام۔۔۔







198020_213303835351812_528343_n.jpg

میرے گھر کی دوسری منزل کے صحن سے مشرقی سمت۔۔۔ لڑکیوں کے پرائمری اسکول میں واقع پیپل کا درخت،کم و بیش تین سو سال پرانا ہے،اس کے بارے مشہور تھا کہ آسیبی ہے، ہم نے ایک دفعہ پتا چلانے کی کوشش کی۔۔ پتا تو چل گیا لیکن وہ دن اور آج کا دن۔۔۔اب ہم کبھی اِس کے پاس پھٹکتے بھی نہیں۔۔







579985_458745090807684_413795161_n.jpg

شام کے وقت سیاہ بادلوں سے گھرے آسمان سے سورج کی آخری جھلک۔۔۔
 
آخری تدوین:

حاتم راجپوت

لائبریرین
زبردست جناب محفل میں ایک اور باکمال فوٹوگرافر کا اضافہ - لاجواب پینورامک تصاویر
ارے۔۔۔ باکمال کہاں اور ہم کہاں،،، ذرہ نوازی ہے زبیر صاحب آپ کی۔۔۔ ہم تو یونہی اوندھی سیدھی تصاویر اتار کر اپنا جی خوش کر لیتے ہیں۔۔۔
بہر کیف تصاویر پسند کرنے کے لئے جناب کا بہت بہت شکریہ۔۔۔
 
واؤ،
لاجواب،
انتہائی دلکش پینورامک سینز۔
آپ کی فوٹو گرافی اور مناظر بہت زبردست ہیں۔ بہت خوشی ہوئی آپ کو یہاں دیکھ کر، اپنی مزید تصاویر شئیر کرتے رہیے۔
 

تلمیذ

لائبریرین
فوٹو گرافی کے اعلیٰ مرقعے۔
تکنیکی رائے تو کوئی ماہر فوٹو گرافر (جیسے@امجد میانداد ) ہی دے سکتے ہیں۔ ہم جیسے عام ناظرین کے لئے تو یہ دیہات کے لینڈ اسکیپ اور بادلوں، نیز غروب ہوتے ہوئے سورج کی دل موہ لینے والی انتہائی شاندار تصاویر ہیں۔
شراکت کے لئے شکریہ راجپوت صاحب، جزاک اللہ!
 
فوٹو گرافی کے اعلیٰ مرقعے۔
تکنیکی رائے تو کوئی ماہر فوٹو گرافر (جیسے@امجد میانداد ) ہی دے سکتے ہیں۔ ہم جیسے عام ناظرین کے لئے تو یہ دیہات کے لینڈ اسکیپ اور بادلوں، نیز غروب ہوتے ہوئے سورج کی دل موہ لینے والی انتہائی شاندار تصاویر ہیں۔
شراکت کے لئے شکریہ راجپوت صاحب، جزاک اللہ!
تلمیذ بھائی کیوں شرمندہ کر رہے ہیں، پہلے چل جاتا ہو گا لیکن اب سچ مچ کا ایک اچھا فوٹو گرافر محفل کی رونق میں اضافہ کرنے آ گیا ہے،
میں تو ابھی یہی سیکھ رہا ہوں کہ سیکھنا کیسے شروع کروں :)
 

فارقلیط رحمانی

لائبریرین
تلمیذ بھائی کیوں شرمندہ کر رہے ہیں، پہلے چل جاتا ہو گا لیکن اب سچ مچ کا ایک اچھا فوٹو گرافر محفل کی رونق میں اضافہ کرنے آ گیا ہے،
میں تو ابھی یہی سیکھ رہا ہوں کہ سیکھنا کیسے شروع کروں :)
اس قدر انکساری بھی اچھی نہیں۔ بے شک خود ستائی بری چیز ہے۔
لیکن آپ کی فوٹو گرافی وہ خواہ سپر میکرو گرافی ہو یا سپر مائکرو گرافی واقعی لاجواب ہے۔
اور اُس کی تعریف آنجناب نے خود کب اور کہاں کی ہے؟
دوسرے احباب تعریف کریں تو یہ ان کا حق ہے، کسی کا حق مت چھینیے اور
انکساری کا اظہار کر کے اپنے مداحوں کا دِل مت دکھایا کیجیے، بری بات ہے۔
 

تلمیذ

لائبریرین
تلمیذ بھائی کیوں شرمندہ کر رہے ہیں، پہلے چل جاتا ہو گا لیکن اب سچ مچ کا ایک اچھا فوٹو گرافر محفل کی رونق میں اضافہ کرنے آ گیا ہے،
میں تو ابھی یہی سیکھ رہا ہوں کہ سیکھنا کیسے شروع کروں :)
نہیں بھئی، یہ سرا سر کسر نفسی ہے آپ کی۔
چلئے، آپ کی اس بات کی تائید کرتے ہوئے میں یہ کہوں گا کہ ہم جیسے ناظرین کی موج ہو گئی ہے کہ اب آپ دونوں کی مہارت کا ایک سے بڑھ کر ایک شاہکار دیکھنے کو ملے گا۔
 

فارقلیط رحمانی

لائبریرین

حاتم راجپوت

لائبریرین
میں امجد بھائی کی کچھ تصاویر دیکھ چکا ہوں اور فوٹو گرافی میں جو مہارت انہیں حاصل ہے اس سے میں تو ابھی بہت بہت دور ہوں، امید بنی ہوئی ہے کہ امجد بھائی کی قیمتی آراء اور آپ سبھی کے تعاون سے مجھ جیسا نو آموز بھی کچھ سیکھ ہی جائے گا۔۔:)
 
Top