اردو محفل کا طرحی مشاعرہ (قارئین و احباب کے تبصرہ جات کے لیے مختص )

مغزل

محفلین
ہر خاص و عام کواطلاع دی جاتی ہے کہ اردو محفل کے طرحی مشاعرہ کی تاریخ میں ناگزیر تبدیلی کرکے اسے 31 جنوری پر موخر کیا جارہا ہے۔
اس التوا کی بنیادی وجہ محفل کے بزرگ شعراء کی تاحال عدم شمولیت ہے ۔ہمیں امید ہے کہ بزرگان محفل کی رونق میں اپنے کلام سے اضافہ فرما کر مشکور ہوں گے ۔۔​
بصورتِ دیگر 31 جنوری تک کے حاضر شعراء سے ہی مشاعرہ کی کاروائی مکمل کی جائے گی۔۔​
 
دیکھ ریگ ِ رواں سے اُٹھتا ہے؟
یہ دھواں سا کہاں سے اُٹھتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
احتجاجا َ ۔۔۔۔۔۔۔۔ حضور ِ مہ و گُل
یہ خرد آستاں سے ۔۔۔۔۔۔۔۔ اُٹھتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کرمَک و شمع کو میں جب دیکھوں
تو یقیں مہوشاں سے۔۔۔۔۔۔۔۔ اُٹھتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قوت ِ بازو ۔۔۔۔۔۔۔۔۔ کچھ نہیں صاحب
بار تو بس۔۔۔۔۔۔۔۔۔ زیاں سے اُٹھتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
صبح ہو گی تو دیکھ لیں گے ہم
کہ دھواں کس مکاں سے اُٹھتا ہے
دانش نذیر دانی
 

ایم اے راجا

محفلین
سب سے پہلے تو بہت معذرت کہ کچھ مصروفیات کے باعث اس موضوع کو باقائدہ وقت نہیں دے سکا۔ اور پھر اس کے بعد ان تمام دوستوں کا شکریہ جنہوں نے اس سلسلے میں اپنا کلام بھیجا اور اُن کا بھی جو اپنا کلام بھیجنا چاہتے ہیں۔

تمام دوستوں کا کلام ہمیں پسند آیا سوچا سب کو ایک ساتھ ہی نذرانہ ء تحسین پیش کر دیا جائے۔ :flower:

سو اس حقیر پر تقصیر کی جانب سے اب تک کے تمام شرکائے مشاعرہ کو دلی داد پیش ہے۔ اللہ کرے زورِ قلم، مشقِ سخن تیز

اب تک کی پیش کی جانے والی غزلوں سے کچھ اشعار جو مجھے زیادہ پسند آئے وہ بھی یہاں انتخاب کر رہا ہوں۔
چھوڑ جاتا ہے حسرتیں ، ناکام
آدمی جب جہاں سے اٹھتا ہے
لاشے بکھرے ہیں شہر میں ہر سُو
نالہ ہر اک مکاں سے اٹھتا ہے
تُو نے سوچا بھی ہے کبھی راجا !
کیوں غضب آسماں سے اٹھتا ہے ؟
ایم اے راجا
آتش عشق سرد ہے کب سے
یہ دھواں سا کہاں سے اُٹھتا ہے
بزم ہے چل چلاؤ کی جاری
جس کو دیکھو، یہاں سے اٹھتا ہے
کون سا زہر مل گیا جگ میں
جی تو جیسے یہاں سے اُٹھتا ہے
محمد اظہر نذیر
جس کے دم سے تھی انجمن آباد
اب وہی درمیاں سے اُٹھتا ہے
اِک ستم ہے ستم پہ چُپ رہنا
حشر کچھ تو فغاں سے اُٹھتا ہے
یونہی پڑتی ہے قافلے کی بناء
میں یہاں تُو وہاں سے اُٹھتا ہے
نویدظفرکیانی
جو ترے آستاں سے اٹھتا ہے
رنگ و بو کے جہاں سے اٹھتاہے
لوحِ محفوظ میں ہے سب مرقوم
کون، کس دن، کہاں سے اٹھتا ہے
منتظر ہوں حفیظ کب پردہ
رازِ کون و مکاں سے اٹھتا ہے
محمد حفیظ الرحمٰن
اس پہ نظرِ کرم نہیں ہوتی
جو ترے آستاں سے اٹھتا ہے
"امن کی فاحتہ ہے اڑ نے کو"
تیرکوئی کماں سے اٹھتا ہے
عقل والے بھی اب نہیں ملتے
عشق بھی داستاں سے اٹھتا ہے
کون جانے کہ کیا ہوا خرم
کون آتش فشاں سے اٹھتا ہے
خرم شہزاد خرم
درد سا اک ،جو یاں سے اٹھتا ہے
کون جانے ؟کہاں سے اٹھتا ہے ؟
چوٹ پڑتی ہے جب، نئی دل پر
’’زلزلہ، جسم وجاں سے اٹھتا ہے ‘‘
توڑ جائیں نہ دل کہیں ، ذیشاںؔ
اعتبار ان بُتاں سے اٹھتا ہے
(متلاشی) ویسے ذیشان صاحب آپ کا اصل نام کیا ہے؟​
دل سے اٹھتا ہے جاں سے اٹھتا ہے
یہ دھواں سا کہاں سے اٹھتا ہے
اٹھ کر آئے ہیں یوں ترے در سے
جیسے کوئی جہاں سے اٹھتا ہے
خلیل الرحمن
غم کا بادل ، غبار عالم کا
دل کے دردِ نہاں سے اٹھتا ہے
اے جگر پیار کا گھنا بادل
کیا کبھی آسماں سے اٹھتا ہے
جگر صحرائی
دل کی اب راکھ بھی نہیں باقی
"یہ دھواں سا کہاں سے اُٹھتاہے"
جس کی خاموشیاں قیامت ہوں
حشر اس کے بیاں سے اُٹھتا ہے
دل پہ لے کر گلاب زخم فصیحؔ
محفلِ دوستاں سے اُٹھتا ہے
شاہین فصیحؔ ربانی
آخر میں ایک بار پھر سب دوستوں کو بہت بہت مبارکباد۔​
اللہ اس خوبصورت محفل کو آباد رکھے (آمین)​
بہت بہت شکریہ محمد احمد بھائی
 
دانش نذیر دانی صاحب یہ اشعار اصل لڑی میں شامل کردیے جائیں ؟
یا مکمل کیجے گا تو ہم آپ کی مکمل غزل کو شامل کرلیں گے ۔۔ منتظر ہوں
آپ اسے اصل لڑی میں منتقل کر دیجئے مجھے کچھ سمجھ نہیں آ رہی اس ویب کی ابھی میں نیا ہوں۔ اسے کہاں پوسٹ کرنا ہے ۔ میں جلد دوسری غزل کہنے کی کوشش کروں گا۔ مگر اسے بھی وہاں پوسٹ کر دیا جائے۔ آداب
 

مغزل

محفلین
آپ اسے اصل لڑی میں منتقل کر دیجئے مجھے کچھ سمجھ نہیں آ رہی اس ویب کی ابھی میں نیا ہوں۔
اسے کہاں پوسٹ کرنا ہے ۔ میں جلد دوسری غزل کہنے کی کوشش کروں گا۔ مگر اسے بھی وہاں پوسٹ کر دیا جائے۔ آداب
سلامت رہیں دانش صاحب۔
زہے شوق ضرور۔ ہم منتظر رہیں گے ۔۔۔
آپ کا کلام اس ربط پر شامل کردیا ہے گیا۔ایک گزارش یہ اس کلام پر نظرِ ثانی کر لیجے ۔
ممکن ہے اغلاط نظر آجائیں ۔ درستگی کی صورت میں حکم کیجے گا تو میں مدون کردوں گا۔
 
سیدہ سارا غزل بہنا آپ کی غزل کہاں ہے بھئی ۔۔۔

اگربزرگان کی طرف سے شمولیت میں تاخیر رہی تو آپ احباب کی رائے سے مشاعرے کا وقت آگے بڑھانے پر غور کیا جاسکتا ہے ۔۔



محمود بھیا جانی۔ بس تھوڑا انتظار ۔غزل اصلاح کے لئے سر فاروق درویش صاحب کو بھیجی ہوئی ہے ، جونہی واپس آتی ہے چھڑی اور بید سے پٹائی کروانے کو اوہ سوری استادانہ تنقید کے لئے آپ کی خدمت میں پیش کروں گی
 

مغزل

محفلین
محمود بھیا جانی۔ بس تھوڑا انتظار ۔غزل اصلاح کے لئے سر فاروق درویش صاحب کو بھیجی ہوئی ہے ،
جونہی واپس آتی ہے چھڑی اور بید سے پٹائی کروانے کو اوہ سوری استادانہ تنقید کے لئے آپ کی خدمت میں پیش کروں گی
جی پیاری بہنا، مجھے پرسوں طویل گفتگو کا شرف حاصل ہوا ہے فاروق درویش صاحب سے ۔
آپ کی غزل کا ذکرِ خیر بھی ہوا اور ان کی غزل بھی انشا اللہ دستیاب رہے گی ۔سلامت رہیں ۔
 

منصور آفاق

محفلین
غزل
فکرِ سود و ذیاں سے اُٹھتا ہے
دل ترے خاکداں سے اُٹھتا ہے
جس کے دم سے تھی انجمن آباد
اب وہی درمیاں سے اُٹھتا ہے
اِک ستارہ جو تیرے نام کا تھا
حجرۂ کہکشاں سے اُٹھتا ہے
کوئی کُوئے نگار سے یُوں اُٹھا
جیسے خوابِ گراں سے اُٹھتا ہے
سُرخیٔ داستان بن کے کوئی
کیوں مری داستاں سے اُٹھتا ہے
کس کی یادوں کی آہٹیں جاگیں
زلزلہ جسم و جاں سے اُٹھتا ہے
اِک ستم ہے ستم پہ چُپ رہنا
حشر کچھ تو فغاں سے اُٹھتا ہے
جانے کس کو جلا کے راکھ کرے
ایک شعلہ زباں سے اُٹھتا ہے
بجلیاں ہوں نہ ہوں سحابوں میں
اعتبار آسماں سے اُٹھتا ہے
یونہی پڑتی ہے قافلے کی بناء
میں یہاں تُو وہاں سے اُٹھتا ہے
پُوچھتا ہے لگا کے آگ ظفر
“یہ دہواں سا کہاں سے اُٹھتا ہے“
پُوچھتا ہے لگا کے آگ ظفر
“یہ دہواں سا کہاں سے اُٹھتا ہے۔۔ بہت خوبصورت
 

فاتح

لائبریرین
برادرم فاتح الدین کے نام​
کوئی دہلیز ِ جاں سے اٹھتا ہے​
چاند جب آسماں سے اٹھتا ہے​
ہے ابھی کوئی خالی بستی میں​
وہ دھواں سا مکاں سے اٹھتا ہے​
چھوڑ آتا ہے نقشِ پا کا چراغ​
پاؤں تیرا جہاں سے اٹھتا ہے​
جس بلندی کو عرش کہتے ہیں​
ذکر تیرا (ص) وہاں سے اٹھتا ہے​
اک ستارہ صفت سرِ آفاق​
دیکھتے ہیں کہاں سے اٹھتا ہے​
ہم ہی ہوتے ہیں اس طرف منصور​
پردہ جب درمیاں سے اٹھتا ہے​
منصور آفاق​
جناب منصور آفاق بھائی، آپ کی اس کرم نوازی پر حد درجہ ممنون ہوں کہ آپ نے اس ناچیز کی درخواست کو شرفَ قبولیت بخشا اور اس قدر خوبصورت غزل محفل کے طرحی مشاعرے کے لیے کہی اور شامل کی۔ ہمارے لیے بلا شبہ اعزاز ہے۔
 

مغزل

محفلین
برادرم فاتح الدین کے نام​
کوئی دہلیز ِ جاں سے اٹھتا ہے​
چاند جب آسماں سے اٹھتا ہے​
ہے ابھی کوئی خالی بستی میں​
وہ دھواں سا مکاں سے اٹھتا ہے​
چھوڑ آتا ہے نقشِ پا کا چراغ​
پاؤں تیرا جہاں سے اٹھتا ہے​
جس بلندی کو عرش کہتے ہیں​
ذکر تیرا (ص) وہاں سے اٹھتا ہے​
اک ستارہ صفت سرِ آفاق​
دیکھتے ہیں کہاں سے اٹھتا ہے​
ہم ہی ہوتے ہیں اس طرف منصور​
پردہ جب درمیاں سے اٹھتا ہے​
منصور آفاق​
کیا کہنے منصور آفاق صاحب ایک ایک شعر نگینہ ہے ۔۔ اردو محفل کے مشاعرے میں صمیمِ قلب سے خوش آمدید آپ کی آمد نے مشاعرے کا حسن دو آتشہ کردیا ہے ۔۔​
امیدہے آپ سے مراسلت کا شرف بھی حاصل رہے گا۔ انشا اللہ​
 

ایم اے راجا

محفلین
بھیا جانی محمود مغل صاحب کے نام، خدائے سخن میر تقی میرکی اس زمین میں غزل کہنا ہم جیسی طالبہ کے لئے بیحد کٹھن آزمائش اور اک متحان تھا لیکن بھیا جانی محمود مغل صاحب کا حکم بجا لانا بھی فرض ٹھہرا تو ہم نے بھی الٹی سیدھی تک بندی کر کے غزل لکھ دی، بھیا جانی محمود مغل صاحب اور بابا جانی سر عبید صاحب سے بالخصوص اور تمام سخنور بھائیوں اور بزرگوں سے بالعموم ، اصلاحِ سخن اور بھرپور تنقید کی گزارش ہے


میر سا کب جہاں سے اٹھتا ہے
زندہ سخن ِ رواں سے اٹھتا ہے

کی محمد ﷺ سے گر وفا ہم نے
شور کوئے سگاں سے اٹھتا ہے

خاتم الانبیا ء ﷺ نبی ہیں مرے
غل یہ کون و مکاں سے اٹھتا ہے

کیا کریں ذکر شاہِ کربل کا
حشر آہ و فغاں سے اٹھتا ہے

پیر میرے ہیں گولڑہ کے ولی
نور اس آستاں سے اٹھتا ہے

دشت ویراں پڑا ہے جب دل کا
شور ِ ماتم کہاں سے اٹھتا ہے

جب میں بن کر چراغ جلتی ہوں
چاند پھر آسماں سے اٹھتا ہے

دیکھتا ہے جو بے حجاب ہمیں
بن کے دیوانہ یاں سے اٹھتا ہے

سہل سمجھو نہ مسکرانے کو
شعلہ آتش فشاں سے اٹھتا ہے

سایہ ء گل میں بھی لرزتی ہوں
خار جب درمیاں سے اٹھتا ہے

دل میں بجلی چمک چمک اٹھے
مان جب مہرباں سے اٹھتا ہے

لہر اٹھے کچھ اس طرح دل سے
نور جوں کہکشاں سے اٹھتا ہے

شہر صحراؤں میں بساتے ہیں
درد سا قلب و جاں سے اٹھتا ہے

آتش ِ عشق پوچھتی ہے ہمیں
”یہ دھواں سا کہاں سے اٹھتا ہے”

فکر ِ درویش رہنما ہے غزل
حشر میرے بیاں سے اٹھتا ہے
واہ، بہت خوب غزل کہی آپ نے، غزل صاحبہ داد قبول ہو
 
Top