انٹرویو انٹرویو وِد Atheist

[ام نور العين]

​

جس چیز کو عقل ہی تسلیم نہیں کر رہی۔ اسکو سوائے قصے کہانیوں کے کچھ نہیں کہا جا سکتا۔ ایسے تو کوئی مذاہب، فلاسفیاں، نظریات ہیں جو عقل و دلیل کی بجائے "ایمان" کا سہارا لیتے ہیں۔ ایسے میں اسلام کی برتری صرف اسی صورت ثابت ہو سکتی ہے اگر انسانی عقل و فہم اسکی تعلیم کو قبول کرے۔

ايك سچے اور ايمان دار شخص كى شہادت عقل قبول كرتى ہے يا نہيں؟ اب جب وہ گواہی دے كہ اللہ ہے اور اس نے مجھے پيغام ديا ہے تو ؟
آپ سے اللہ كے وجود پر ايمان بالغيب كا مطالبہ ضرور كيا گيا ہے ، رسول پر نہيں۔ رسول اور رسالت دليل ہے وجود الہی كى ۔
عقل اور عاقلين رسول كريم صلى اللہ عليہ وسلم كى صداقت اور امانت كو تسليم كرتے تھے اس ليے ان كى اس خبر كو سچ مانا كہ وہ نبى اور رسول ہيں۔ حتى كہ بدترين دشمن ابو جہل نے كہا : اے محمد ہم تمہيں جھوٹا نہيں كہتے ليكن تم جو لائے ہو اس پر ايمان نہيں لا سكتے !
عقل اور عاقلين كے سامنے تھا اور آج تك ہے كہ وہ امى ہو كر ايك محير العقول اور حكيمانہ كلام سناتے ہيں ، عقل كو تسليم كرنا پڑا اور آج تك بار بار تسليم كيا جاتا ہے كہ يہ كلام الہی ہے خدائى كلام ہے۔
تمام تر معجزات عقل كو قائل كرنے اور مومنوں كے ايمان ميں اضافے کے ليے ہيں۔
دين اسلام ہر طرح كے ذہن كى ضرورت پورا كرتا ہے۔

 

[یوسف-2]

ايك سچے اور ايمان دار شخص كى شہادت عقل قبول كرتى ہے يا نہيں؟ اب جب وہ گواہی دے كہ اللہ ہے اور اس نے مجھے پيغام ديا ہے تو ؟
آپ سے اللہ كے وجود پر ايمان بالغيب كا مطالبہ ضرور كيا گيا ہے ، رسول پر نہيں۔ رسول اور رسالت دليل ہے وجود الہی كى ۔
عقل اور عاقلين رسول كريم صلى اللہ عليہ وسلم كى صداقت اور امانت كو تسليم كرتے تھے اس ليے ان كى اس خبر كو سچ مانا كہ وہ نبى اور رسول ہيں۔ حتى كہ بدترين دشمن ابو جہل نے كہا : اے محمد ہم تمہيں جھوٹا نہيں كہتے ليكن تم جو لائے ہو اس پر ايمان نہيں لا سكتے !
عقل اور عاقلين كے سامنے تھا اور آج تك ہے كہ وہ امى ہو كر ايك محير العقول اور حكيمانہ كلام سناتے ہيں ، عقل كو تسليم كرنا پڑا اور آج تك بار بار تسليم كيا جاتا ہے كہ يہ كلام الہی ہے خدائى كلام ہے۔
تمام تر معجزات عقل كو قائل كرنے اور مومنوں كے ايمان ميں اضافے کے ليے ہيں۔
دين اسلام ہر طرح كے ذہن كى ضرورت پورا كرتا ہے۔

ماشاء اللہ ۔ بہت خوب!
اسلامی تعلیمات کا کوئ حصہ بھی عقلِ انسانی کے خلاف نہیں ہے۔ اگر قلوب پر مہر نہ لگی ہو،تو کسی ذی شعور کے لئے ممکن ہی نہیں کہ وہ اسلام کی حقانیت کو عقل و دانش کے پیمانے سے فروتر قرار دے سکے، الا یہ کہ وہ خود ہی عقل و دانش سے عاری ہو۔

 

[ام نور العين]

قلوب كى مہر كا علم خالق كائنات كے علاوہ كس كو ہے؟ نيت كا علم صرف عليم بذات الصدور كو ہے۔ ہر كوئى ہٹ دھرم نہيں ہوتا، بعض اوقات علم نہيں ہوتا ، وسيع مطالعہ نہيں ہوتا يا كسى نام پر ديا گيا دھوكہ انسان كو دور لے جاتا ہے اور پھر دودھ كا جلا چھاچھ كو بھی پھونك پھونک كر پينے لگتا ہے۔
اگر كسى كو ايسا دھوكا ديا گيا ہے تو وہ يہ ياد ركھے كہ اسلام ايك الگ شے ہے اور بعض مسلمانوں كا كردار ايك الگ شے۔ كوئى مسلمان ظلم كرتا ہے تو وہ اسلام كا ظلم نہيں ۔ كسى مسلم شخصيت ،تحريك يا مكتب فكر سے زخم كھا كر اسلام ہی سے فرار كا كوئى معقول جواز نہيں ۔ آپ خود اچھے مسلمان بنيے اور اپنے طرز عمل سے ثابت كيجيے كہ آپ دوسروں كے ظالمانہ عمل كے جواب ميں جارحانہ (اور خود كش ) رد عمل ميں زندگی گزارنے والے انسان نہيں بلكہ مثبت عملى زندگی گزار سكتے ہيں۔
قرآن مجيد ميں مذكور انبياء و رسل كے واقعات واضح نشان دہی كرتے ہيں كہ يہ مقدس ہستياں ظلم اور جہالت كے خلاف انقلابى شخصيات تھيں ليكن كس قسم كى ؟ محض جارحانہ رد عمل يا ٹھوس مثبت انقلاب؟ حضرت يوسف عليه السلام بےگناہ ہو كر مجرم ٹھہرے ، قيد سے باہر آئے تو اسى قوم كو قحط سے بچانے كى پلاننگ كى۔
حضرت محمد صلى اللہ عليہ وسلم كا سماجى مقاطعہ اور شعب ابي طالب ميں ظالمانہ محصورى ، پھر ہجرت ، ليكن فتح مكہ پر اسى ظالم قوم كو عام معافى كا اعلان ؟
كيا ہم پر اس سے زيادہ آفت آگئی ہے؟ انسان بدترين حالات ميں بہت كچھ كرسكتا ہے۔ رد عمل كى زندگی كو خيرباد كہہ كر مثبت زندگی شروع كرنا بہت مشكل بھی نہيں ہے۔ اسلام يا كسى مذہب كا مطالعہ كرنا ، سوالات كرنا ، اعتراضات كا جواب تلاش كرنا كوئى برى بات نہيں ہر انسان كا حق ہے۔(بدترين اعتراض شائستگی سے اٹھايا اور ڈسكس كيا جا سكتا ہے )۔ ليكن تلاش من مرضى كے نتائج كے ليے نہيں واقعتا غير جانب دارانہ ہونى چاہیے۔ قرآن مجيد كہتا ہے:
كَانَ النَّاسُ أُمَّةً وَاحِدَةً فَبَعَثَ اللَّ۔هُ النَّبِيِّينَ مُبَشِّرِ‌ينَ وَمُنذِرِ‌ينَ وَأَنزَلَ مَعَهُمُ الْكِتَابَ بِالْحَقِّ لِيَحْكُمَ بَيْنَ النَّاسِ فِيمَا اخْتَلَفُوا فِيهِ ۚ وَمَا اخْتَلَفَ فِيهِ إِلَّا الَّذِينَ أُوتُوهُ مِن بَعْدِ مَا جَاءَتْهُمُ الْبَيِّنَاتُ بَغْيًا بَيْنَهُمْ ۖ فَهَدَى اللَّ۔هُ الَّذِينَ آمَنُوا لِمَا اخْتَلَفُوا فِيهِ مِنَ الْحَقِّ بِإِذْنِهِ ۗ وَاللَّ۔هُ يَهْدِي مَن يَشَاءُ إِلَىٰ صِرَ‌اطٍ مُّسْتَقِيمٍ
ابتدا میں سب لوگ ایک ہی طریقہ پر تھے (پھر یہ حالت باقی نہ رہی اور اختلافات رونما ہوئے) تب اللہ نے نبی بھیجے جو راست روی پر بشارت دینے والے اور کج روی کے نتائج سے ڈرانے والے تھے، اور اُن کے ساتھ کتاب بر حق نازل کی تاکہ حق کے بارے میں لوگوں کے درمیان جو اختلافات رونما ہوگئے تھے، ان کا فیصلہ کرے (اور ان اختلافات کے رونما ہونے کی وجہ یہ نہ تھی کہ ابتدا میں لوگوں کو حق بتایا نہیں گیا تھا نہیں،) اختلاف اُن لوگوں نے کیا، جنہیں حق کا عمل دیا چکا تھا اُنہوں نے روشن ہدایات پا لینے کے بعد محض اس کے لیے حق کو چھوڑ کر مختلف طریقے نکالے کہ وہ آپس میں زیادتی کرنا چاہتے تھے پس جو لوگ انبیا پر ایمان لے آئے، انہیں اللہ نے اپنے اذن سے اُس حق کا راستہ دکھا دیا، جس میں لوگوں نے اختلاف کیا تھا اللہ جسے چاہتا ہے، راہ راست دکھا دیتا ہے ۔ (سورة البقرة 2: 213آيت )
اسى ليے نبى كريم حضرت محمد صلى اللہ عليہ وسلم مناجاتِ سحر ميں دعا فرماتے تھے:
وكان النبي - صلي الله عليه وسلم- إذا قام من الليل يصلي يقول: "اللهم رب جبريل وميكائيل وإسرافيل. فاطر السماوات والأرض. عالم الغيب والشهادة. أنت تحكم بين عبادك فيما كانوا فيه يختلفون. اهدني لما اختلفت فيه من الحق بإذنك إنك تهدي من تشاء إلى صراط مستقيم ( صحيح مسلم )
اے اللہ ، اے جبريل ، ميكائيل اور اسرافيل كے رب، اے زمين و آسمان كے خالق ، اے غيب و حاضر كا علم ركھنے والے، تو اپنے بندوں کے اختلافات كا فيصلہ كرنے والا ہے۔ تو مجھے اپنے اذن سے ان ميں سے درست راستہ سُجھا ، بےشك تو جس كو چاہتا ہے صراط مستقيم كى طرف ہدايت ديتا ہے۔
مجھے عصر حاضر ميں اسلام قبول كرنے والى كئى نومسلم شخصيات کے ہاں يہ دعا بار بار ملى ہے : "اے اللہ اگر تُو ہے تَو مجھے درست راستے كى ہدايت دے !" جب حق كى طلب ہو تو زمانے ، جغرافيے اور زبان كے فرق كے باوجود دعائيں ايك سی ہونے لگتی ہيں؟
اور جس كى يہ دعا قبول ہو اس كى خوش نصيبى ميں كسى كو شك ہو سكتا ہے۔

 

[عسکری]

اس سب میں انٹرویو تو کہیں نہیں ہے ہاں یہ کہ سکتے ہیں ایک ملحد کو تبلیغ ھھھھھھھھھھھھھھھ

 

[یوسف-2]

ماشاء اللہ ۔ بہت خوب!
اگر قلوب پر مہر نہ لگی ہو،تو کسی ذی شعور کے لئے ممکن ہی نہیں کہ وہ اسلام کی حقانیت کو عقل و دانش کے پیمانے سے فروتر قرار دے سکے، الا یہ کہ وہ خود ہی عقل و دانش سے عاری ہو۔

یہ ایک عام سی بات بیان کی گئی ہے۔ کہ اگر کوئی پڑھا لکھا، سمجھدار، ذی شعور اور اسلامی تعلیمات سے بخوبی آگاہ فرد اسلام کی حقانیت سے انکار کرے تو عین ممکن ہے کہ اس کے قلب پر ہی مہر لگ گئی ہو (اگر دیگر وجوہات نہ ہو تو)۔ ورنہ کسی انسان کی قلبی کیفیت ، نیت کا احوال تو صرف اللہ ہی جانتا ہے کہ کون اس کی بارگاہ میں مردود ہے اور کون مقبول۔ انبیاء بھی گروہ منافقین سے اسی وقت واقف ہوئے، جب اللہ نے انہیں بتلایا۔ اس کے باوجود ہم کسی انسان کی ظاہری کیفیت کو دیکھ کر، شرعی قوانین کو اس پر اپلائی کرکے، ایساکہہ بھی سکتے ہیں اور کہتے بھی رہتے ہیں کہ فلاں تو بڑا ہی متقی و پرہیزگار بندہ ہے اور فلاں بد کردار و گمراہ۔ حالانکہ روز حشر اس کے برعکس بھی صورتحال دیکھنے کو ملے گا کہ وہاں بہت سے معروف عالم و زاہد جہنم رسید ہوں گے اور بہت سے ’’دنیا دار‘‘ جنت کے حقدار۔

 

[یوسف-2]

اس سب میں انٹرویو تو کہیں نہیں ہے ہاں یہ کہ سکتے ہیں ایک ملحد کو تبلیغ ھھھھھھھھھھھھھھھ

حضت! انٹرویو سے تو آپ ہی راہ فرار اختیار کرگئے۔ انٹرویو تو نام ہی ہے، سوال و جواب کا۔ سَوالات تو جاری تھے مگر جواب دینے والا ہی خاموش ہوگیا تھا۔ اب شکایت کیسی؟ تبلیغ تو خیر سے ہر مسلمان کا فریضہ ہے، جسے وہ دیر سویر ادا کرتے ہی رہیں گے

 

[عسکری]

ہاں پر ایک لمٹ ہوتی ہے بھائی جی اب کیا دن رات سارا سال مذہب پر ہی لکھتے پڑھتے رہیں یا بحث برائے بحث میں سر کھپاتے رہیں یہ مجھ سے نہیں ہوتا ۔اسلئے میں نے جان چھڑائی ۔ میں کوئی مذہبی ٹھیکے دار تو ہوں نہیں کہ اوڑھنا بچونا بنا لوں ۔ سوالات 99٪ صرف ایک ہی بات پر گھومتے رہے بس ۔اور ہاں یہ فریضہ کسی اور پر آزمائیں نا ھھھھھھھھھھھھ

 

[زیک]

میں یہ سمجھنے سے قاصر ہوں کہ یہ تھریڈ انٹرویو کے زمرے میں کیوں ہے۔ کیا خیال ہے اسے مذاہب کے زمرے میں منتقل کر دیا جائے تاکہ احباب اپنا شوق پورا کر لیں؟

 

[عسکری]

میں یہ سمجھنے سے قاصر ہوں کہ یہ تھریڈ انٹرویو کے زمرے میں کیوں ہے۔ کیا خیال ہے اسے مذاہب کے زمرے میں منتقل کر دیا جائے تاکہ احباب اپنا شوق پورا کر لیں؟

نہیں نا بھائی میں نے کئی بار کہا تھا اسے بند کر دیں یا ختم کر دیں پر شمشاد بھائی سنتے نہیں کسی غریب کی اور اس میں اب کوئی شوق نہیں مجھے اپنے زاتی معاملات پر اب بحث کرانی ہے نا ہی کسی کو جواب دہ ہوں میں آپ نے اگر کرنا ہی ہے تو تالہ لگا دیں ھھھھھھھھھھھھ بڑی مہربانی ہو گی

 

[عسکری]

سسٹر ام نور العين کے لیے سپیشل آفر ہے یہ آپ لوگ پلیز نصیحتیں کر کے مزید بور نا کریں ۔ چلیں سسٹر آپ بتائیں

 

[ام نور العين]

نصيحت كرنے والوں كا ميسر ہونا خوش نصيبى ہوتى ہے ليكن ۔۔۔۔ افسوس ہم نعمتوں كى قدر تب كرتے ہيں جب وہ نہ رہيں
برہ حال تسلسل
http://www.urduweb.org/mehfil/threa...تحریروں-کے-آئینے-میں.48838/page-3#post-813671
ہاں تو سوال يہ تھا كہ
1- ملا بھی انسان ہی ہوتا ہے ؟ مذہبى آدمى سے بھی غلطى ہو سكتى ہے ؟ چند مذہبى آدميوں كى غلطى كو بنياد بنا كر سب خدا پرستوں حتى كہ خدا سے منہ موڑ لينا درست ہے ؟
اور دوسرا سوال يہ كہ

اب آپ چوٹ کر رہی ہیں نا؟ ایسا نہیں ہے کہ ملائیت یا دہشت گردی کی وجہ سے میں نے ایسا کیا پر سچ میں 3-4 سال میں یہ خود بخود ہوتا گیا ۔ میں کسی کو الزام نہیں دیتا نا ہی میں کسی کے خلاف ایسا کر رہا ہوں ۔ میرے وہ سائن جن کی طرف آپکا اشارہ ہے وہ 2007 سے 2010 میں دل دہلا دینے والی دہشت گردی کا رد عمل تھے نا کہ ایجنڈا ۔

2-خود بخود كوئى چيز كيسے ہوتى ہے ؟ يا ہو گئی ؟اس كے علاوہ بھی كيا بعض كام خود بخود ہوئے ہيں؟

3- آپ كى سب سے قيمتى چيز كيا ہے؟

 

[فرخ منظور]

نصیحت کرنے والے کم نہ ہوں گے
تری محفل میں لیکن ہم نہ ہوں گے

 

[عسکری]

نصيحت كرنے والوں كا ميسر ہونا خوش نصيبى ہوتى ہے ليكن ۔۔۔ ۔ افسوس ہم نعمتوں كى قدر تب كرتے ہيں جب وہ نہ رہيں
برہ حال تسلسل
http://www.urduweb.org/mehfil/threads/قادیانیت-،-مرزا-غلام-احمد-قادیانی-کی-تحریروں-کے-آئینے-میں.48838/page-3#post-813671
ہاں تو سوال يہ تھا كہ
1- ملا بھی انسان ہی ہوتا ہے ؟ مذہبى آدمى سے بھی غلطى ہو سكتى ہے ؟ چند مذہبى آدميوں كى غلطى كو بنياد بنا كر سب خدا پرستوں حتى كہ خدا سے منہ موڑ لينا درست ہے ؟
اور دوسرا سوال يہ كہ


2-خود بخود كوئى چيز كيسے ہوتى ہے ؟ يا ہو گئی ؟اس كے علاوہ بھی كيا بعض كام خود بخود ہوئے ہيں؟

3- آپ كى سب سے قيمتى چيز كيا ہے؟

ہاں جی خود بخود بہت کچھ ہوتا ہے کیوں نہیں ہوتا جیسے کسی انسان سے آہستہ آہستہ دوری یا بیزاری ۔ اسی طرح کئی یادیں جو مٹ جاتی ہیں ۔

میرا سب سے قیمتی؟ کیوں ٹیکس لگانا ہے ھھھھھھھھھھھ؟ میرا سب سے قیمتی شاید میری سیونگز بنک میں اور میرا گولڈ

 

[Ukashah]

ہاں جی خود بخود بہت کچھ ہوتا ہے کیوں نہیں ہوتا جیسے کسی انسان سے آہستہ آہستہ دوری یا بیزاری ۔ اسی طرح کئی یادیں جو مٹ جاتی ہیں ۔
میرا سب سے قیمتی؟ کیوں ٹیکس لگانا ہے ھھھ ھھھ ھھھ ھھ؟ میرا سب سے قیمتی شاید میری سیونگز بنک میں اور میرا گولڈ

بھائی ، ناراضگی معاف ۔ جب سیزیز ٹاپک پر ھھھ لکھنا ہے تو لطیفوں پر ایک تھریڈ شروع کر لو۔ عقیدے کے حوالے سے اتنے اہم ٹاپک کو مذاق کی نذر نہیں کرنا چاہے ۔

 

[ام نور العين]

پہلے سوال كا جواب گول كر ديا ...

ہاں جی خود بخود بہت کچھ ہوتا ہے کیوں نہیں ہوتا جیسے کسی انسان سے آہستہ آہستہ دوری یا بیزاری ۔ اسی طرح کئی یادیں جو مٹ جاتی ہیں ۔

میرا سب سے قیمتی؟ کیوں ٹیکس لگانا ہے ھھھ ھھھ ھھھ ھھ؟ میرا سب سے قیمتی شاید میری سیونگز بنک میں اور میرا گولڈ

بچت كے ليے پلاننگ كرتے ہيں يا بے قاعدہ بچت كرتے ہيں؟
بنك كون سا ہے؟ يا صرف وہی بنك كيوں؟
سونا ہی كيوں آپ کے نزديك قيمتى ہے؟ کچھ اسباب ؟

 

[ام نور العين]

ہاں جی خود بخود بہت کچھ ہوتا ہے کیوں نہیں ہوتا جیسے کسی انسان سے آہستہ آہستہ دوری یا بیزاری ۔ اسی طرح کئی یادیں جو مٹ جاتی ہیں ۔

اگر انسان سے دورى اور يادوں کے مٹنے كے متعلق يہ كہا جائے كه خود بخود نہيں ہوتى اس كے شعورى يا لا شعورى اسباب ہوتے ہيں ۔ تو تب آپ اپنى اس تبديلى كى ابتدائى اسباب تلاشنا پسند كريں گے؟

 

[نیلم]

نور سس آپ جو بھی لکھتی ہو بہت اچھا لکھتی ہو۔اپنی کوشش جاری رکھے شائد
ہمارے اس بھائی کو اپنی پہچان مل جائے۔

 

[عسکری]

پہلے سوال كا جواب گول كر ديا ...


بچت كے ليے پلاننگ كرتے ہيں يا بے قاعدہ بچت كرتے ہيں؟
بنك كون سا ہے؟ يا صرف وہی بنك كيوں؟
سونا ہی كيوں آپ کے نزديك قيمتى ہے؟ کچھ اسباب ؟

بچت کیسی میرا کوئی خرچہ نہیں ہے کھانا پینا رہنے کا اپارٹمنٹ گاڑی ہیلتھ انشورنس سب کمپنی دیتی ہے میں بس کچھ ایکسٹرا کھا پی لیتا ہوں بس ۔ باقی سب بنک میں ڈال دیتا ہوں ۔ میری انکم کا 90 فیصد ہر ماہ بچ جاتا ہے ۔ پاکستان میں حبیب بنک اور سعودی میں بنک الریاض ہے میرا ۔ کمپنی نے ایک اکاؤنٹ بنک الاھلی میں کھلایا تھا جو میں استمال نہیں کرتا ۔ سونا مجھے ویسے ہی اچھا لگتا ہے گولڈ بار لے لیتا ہون کبھی کبھی ایسے ہی ۔

 

[عسکری]

اگر انسان سے دورى اور يادوں کے مٹنے كے متعلق يہ كہا جائے كه خود بخود نہيں ہوتى اس كے شعورى يا لا شعورى اسباب ہوتے ہيں ۔ تو تب آپ اپنى اس تبديلى كى ابتدائى اسباب تلاشنا پسند كريں گے؟

میں نے اب سب چھوڑ دیا ہے نا ہی اس بارے میں سوچنے کی ضرورت محسوس کرتا ہوں ۔ جیسا ہے ویسا چھوڑ دیا ہے بس ۔

 

[محب علوی]

پیٹریاٹ ، آپ تو تباہ کن قسم کی بچت کر رہے ہیں

گولڈ کے بارے میں آپ نے کچھ تحقیق کی ہے یا عمومی رائے دیکھتے ہوئے سونا خرید رہے ہیں۔ آپ کے خیال میں سونے کی قیمتیں مزید کتنا عرصہ بڑھتی رہیں گی۔

آپ کا تعلق کس شعبہ سے ہے؟
پسندیدہ مضامین کون سے ہیں ؟