طبع زاد اشعار کی بیت بازی

[مقبول]

بھلی بات پر روٹھتے ہو بھلا کیوں
بھلائی کا کیا اب زمانہ نہیں ہے؟؟؟

یہ سچ ہے، نہیں ہے
نہیں ہے، نہیں ہے 😜

 

[محمداحمد]

یہ سچ ہے، نہیں ہے
نہیں ہے، نہیں ہے 😜

یہ جو انکار کی شدت ہے، بتاتی ہے ہمیں
اب یہ انکار بہت جلد بنے گا اقرار

 

[محمد عبدالرؤوف]

یہ جو انکار کی شدت ہے، بتاتی ہے ہمیں
اب یہ انکار بہت جلد بنے گا اقرار

اب عالمی منظرنامے پر ایک تک بندی۔ لیکن اللہ محفوظ رکھے۔

روزنِ دیوارِ وقت سے میں نے دیکھا
آ گیا ہے وقت کشت و خون کا پھر سے

 

[عظیم]

یہ دعا ہے کہ سلامت رہیں انسان سبھی
کسی بھی گھر میں نہ خوشیوں کی جگہ غم آئیں

 

[الف عین]

نام ان کا بہت خوب ہے، سیرت بھی ہے اچھی
اک شکل ہی ایسی ہے کہ شرمانے لگیں بھوت

 

[محمد شکیل خورشید]

تو اب یہ فرض ہوا ان سے عمر بھر کے لئے
خیال ہی میں ملاقات ہو گی جب بھی ہوئی

 

[فیصل عظیم فیصل]

تو اب یہ فرض ہوا ان سے عمر بھر کے لئے
خیال ہی میں ملاقات ہو گی جب بھی ہوئی

یہ سعادت ہے ہماری زیارت ہو گئی ان کی
مرے استاد ہیں محسن وہی اعجاز محفل ہیں

 

[محمد عبدالرؤوف]

ناز، نخرے، تکبر، تعلی
جچتا ہے اس ستم گر پہ کیا کیا

 

[فیصل عظیم فیصل]

ناز، نخرے، تکبر، تعلی
جچتا ہے اس ستم گر پہ کیا کیا

اس طرح لٹائی ہے میری قوم کی دولت
جیسے کسی عیاش نے والد کی وراثت
پھر قوم مری خواب میں اس طرح مگن ہے
جیسے کسی "سرکار" کے دربار میں بھنگی

 

[اکمل زیدی]

یہ قطعہ گذر گیا میرے سر کے سے اوپر
شاید یہ بات ہو میری سمجھ سے باہر کی

 

[محمد شکیل خورشید]

اس طرح سے لوٹی ہے میری قوم کی دولت
جیسے کسی عیاش نے والد کی وراثت
پھر قوم مری خواب میں اس طرح مگن ہے
جیسے کسی "سرکار" کے دربار میں بھنگی

یہاں یہ ہو گئی ہے کنفیوژن
کہ لوٹی یا لٹائی ہے وراثت

 

[اکمل زیدی]

یہاں یہ ہو گئی ہے کنفیوژن
کہ لوٹی یا لٹائی ہے وراثت

تو ی آخر میں ہمارا بھی تو تھا یہ
کیوں اسےبے اعتنا سمجھا گیا ہے

 

[محمد شکیل خورشید]

تو ی آخر میں ہمارا بھی تو تھا یہ
کیوں اسےبے اعتنا سمجھا گیا ہے

یہ خطا ہم سے ہوگئی سرزد
سرِ تسلیم کرتے ہیں اجی خم

 

[اکمل زیدی]

مجھے لگتے ہیں اچھے یہ اجالے کیوں میں چاہونگا
کہ سر خورشید خم ہو اور یکا یک شام ہو جائے

سرگوشی

بھائی لوگو کچھ یہ بھی بتا دیں کہ کچھ بہتری کی طرف سفر ہے یا ایویں ٹامک ٹوئیاں ہیں ہماری جانب سے ۔ ۔

 

[زبیر صدیقی]

مجھے لگتے ہیں اچھے یہ اجالے کیوں میں چاہونگا
کہ سر خورشید خم ہو اور یکا یک شام ہو جائے

یک رنگی ہوئی ہر چیز یہاں
اب چلو زخم ہرے کرتے ہیں

 

[زبیر صدیقی]

یہ جو انکار کی شدت ہے، بتاتی ہے ہمیں
اب یہ انکار بہت جلد بنے گا اقرار

خوب خیال ہے، اگر آپ برا نہ مانیں

ان کے انکار کی شدت یہ بتاتی ہے ہمیں
یہی انکار بہت جلد بنے گا اقرار

 

[اکمل زیدی]

یک رنگی ہوئی ہر چیز یہاں
اب چلو زخم ہرے کرتے ہیں

نئے زاویے یہاں اور نئے خیال کے لوگ
جہتِ مزید دیتے ہیں جو یہ کمال کے لوگ

 

[زبیر صدیقی]

نئے زاویے یہاں اور نئے خیال کے لوگ

جہتِ مزید دیتے ہیں جو یہ کمال کے لوگ

گزر رہے ہیں وہاں سے جہاں ٹہرنا تھا
سفر عجیب سا کرتے رہے کمال کے لوگ

 

[محمد عبدالرؤوف]

گزر رہے ہیں وہاں سے جہاں ٹہرنا تھا
سفر عجیب سا کرتے رہے کمال کے لوگ

گئے وہ دن کہ تھیں محفل کی رونقیں ہم سے
کہ خواب ہو گئے ہیں اب مرے خیال کے لوگ

 

[محمد عبدالرؤوف]

نئے زاویے یہاں اور نئے خیال کے لوگ
جہتِ مزید دیتے ہیں جو یہ کمال کے لوگ

ماشاءاللہ، اکمل بھائی
بہتری آ رہی ہے