سمیتا پاٹل (غلام محمد قاصر)

نیرنگ خیال

لائبریرین
سمیتا پاٹل

دل کے مندر میں خوشبو ہے لوبان کی، گھنٹیاں بج اٹھیں، دیو داسی تھی وہ
کتنے سرکش اندھیروں میں جلتی رہی دیکھنے میں تو مشعل ذرا سی تھی وہ
نور و نغمہ کی رم جھم پھواروں تلے مسکراتی ہوئی اک اداسی تھی وہ
پانیوں کی فراوانیوں میں رواں اس کی حیرانیاں کتنی پیاسی تھی وہ
حسن انساں سے فطرت کی سرگوشیاں گھل گئیں تیرے لہجے کی جھنکار میں
فن کی تکمیل سچا سراپا ترا، بے زبانی کو لایا جو اظہار میں
مدتوں تک نمائش کی خواہش رہی زندگی تب ڈھلی تیرے کردار میں
جو تھی زندہ محبت کی بنیاد پر وقت نے چن دیا اس کو دیوار میں
دھوپ ہر روپ میں، ریت ہر کھیت میں، فصل جذبات پر خشک سالی رہے
دو گھڑی دل کسی کے خیالوں میں گم اور پھر عمر بھر بے خیالی رہے
آئنہ اب ترستا رہے عکس کو اور نظر روشنی کی سوالی رہے
میرے حصے کا یہ آنکھ بھر آسماں جگمگاتے ستارے سے خالی رہے

غلام محمد قاصر​
 

محمداحمد

لائبریرین
واہ!

بہت خوبصورت! رواں دواں نغمگی سے بھرپور کلام ہے۔

خوبصورت تخلیق مزید خوبصورت تخلیقات کا باعث بنتی ہے۔ :)
 

سیما علی

لائبریرین
دل کے مندر میں خوشبو ہے لوبان کی، گھنٹیاں بج اٹھیں، دیو داسی تھی وہ
کتنے سرکش اندھیروں میں جلتی رہی دیکھنے میں تو مشعل ذرا سی تھی وہ
بالکل ایسی ہی تھیں ہماری بہت پسندیدہ
بہت اعلیٰ
جو تھی زندہ محبت کی بنیاد پر وقت نے چن دیا اس کو دیوار میں
دھوپ ہر روپ میں، ریت ہر کھیت میں، فصل جذبات پر خشک سالی رہے
۔۔۔
ایک ایک لفظ خوبصورت ۔۔۔۔۔۔
 

نیرنگ خیال

لائبریرین
واہ!

بہت خوبصورت! رواں دواں نغمگی سے بھرپور کلام ہے۔

خوبصورت تخلیق مزید خوبصورت تخلیقات کا باعث بنتی ہے۔ :)
کبھی آپ نے خوبصورت تخلیقات کے سبب کچھ تخلیقات نہیں کیں؟ دیپیکا۔۔۔ کاجول۔۔ ایشوریا۔۔ یا پھر اگر جوانی میں ہی مرنے والی چاہیے تو دیویا بھارتی۔۔۔ لیکن کچھ تو آپ بھی لائیں۔
 

محمداحمد

لائبریرین
کبھی آپ نے خوبصورت تخلیقات کے سبب کچھ تخلیقات نہیں کیں؟ دیپیکا۔۔۔ کاجول۔۔ ایشوریا۔۔ یا پھر اگر جوانی میں ہی مرنے والی چاہیے تو دیویا بھارتی۔۔۔ لیکن کچھ تو آپ بھی لائیں۔

وہ قاصر تھے، لیکن میں واقعی "قاصر" ہوں۔ :D:p
 

نیرنگ خیال

لائبریرین
اچھا۔ مجھے کچھ کچھ تو اندازہ تھا ۔وہ یقینا ان کے بہت بڑے مداح رہے ہوں گے۔
مداح ہونا ضروری بھی ہو سکتا ہے لیکن جب کوئی معروف شخصیت یوں بھری جوانی میں انتقال کر جائے تو اس کا اثر یقینی طور پر کئی لوگوں تک پہنچتا ہے۔ اور ہر کوئی اپنے انداز میں ان کو یاد کرتا ہے۔ جیسے پال واکر پر ان لوگوں نے بھی اظہار افسوس کیا جو فاسٹ اینڈ فیوریس کے قطعا پرستار نہیں تھے۔
 
Top