کچھ واہموں کی شوخیِ پرواز دیکھنا

کچھ واہموں کی شوخیِ پرواز دیکھنا
پھر ہو گی عام بات ہر اک راز دیکھنا

جانے فتورِ گوش ہے یا معجزِ نظر
صد موجۂ سکوت بر آواز دیکھنا

کرنا نگہ کا از سرِ نو شرحِ خوش دلی
ہر ذی نفس کو شاد و سرافراز دیکھنا

سو نکتے سوچ لائیں ہیں تجلیلِ عشق میں
ان عاشقوں کے عشق کا اعجاز دیکھنا

بھاتی ہے آرزو کے چراغوں کی کشتگی
زورِ طلسمِ دودِ نفس تاز دیکھنا

زنگار میں ہے تابِ الم دل میں پر نہیں
کیا یار سوئے آئنہ پرداز دیکھنا
 
آخری تدوین:

فلسفی

محفلین
کچھ واہموں کی شوخیِ پرواز دیکھنا
پھر ہو گی عام بات ہر اک راز دیکھنا

سو نکتے سوچ لائیں ہیں تجلیلِ عشق میں
ان عاشقوں کے عشق کا اعجاز دیکھنا
بہت خوب
باقی اشعار کو لغت کی مدد سے سمجھ کر داد دینا پڑے گی :)
 
عمدہ غزل
اور مشکل بھی :)

کیا کہنے
بہت نوازش۔
ماشاءاللہ ،
اچھی لگی غزل اور یہ شعر تو لاجواب ہے
آپ کی ذرہ نوازی ہے۔
محمد ریحان قریشی بھائی غزل آپ کی بہت پسند آئی۔۔داد قبول کیجے۔
نفس تاز کا کیا مطلب ہوتا ہے؟
بہت شکریہ۔
نفس تاز : سانس دوڑانے والا۔
اچھی غزل ہے(جتنی سمجھ آگئی) بقیہ اور بھی اچھی ہوگی! :)
شکریہ۔
محض مشق ہے زیادہ محنت نہیں کی اس غزل پر۔

پیچیدہ بیانی کچھ حد تک بے معنویت پر پردہ ڈال دیتی ہے اس لیے یہ روش اختیار کیے ہوئے ہوں۔
 
آخری تدوین:

سید عاطف علی

لائبریرین
اس شعر کی بابت بالخصوص احباب کی رائے کا خواستگار ہوں، کیا اس کے ذریعے کسی طرح کے بھی معنیٰ کی ترسیل ہو پا رہی ہے؟
قاری اگر شعر کو گھسیٹ کر چھیل دے تب بھی معنی مشکل ہی سے تشکیل پارہے ہیں ایسے میں شعر کا کیاکمال ہو مؤے قاری پر شاعر واہ واہ کرے ۔۔۔ اس شعر میں جو بات ہے وہ پوری غزل میں ہی حاوی ہے جیسا کہ آپ نے خود اشارہ دیا۔
شاعرآرزوؤں کے چراغوں کے پھونک دیئے جانے پر آمادہ ہے اور اس بجھنے کے قابل دید ہونے پر گویا نازاں ہے ۔
پیچیدہ بیانی کچھ حد تک بے معنویت پر پردہ ڈال دیتی ہے اس لیے یہ روش اختیار کیے ہوئے ہوں۔
اسی لیے غزل میں سب کچھ ہے (بلکہ اچھا ہے) پر شاعری نہیں ۔
 

فلسفی

محفلین
قاری اگر شعر کو گھسیٹ کر چھیل دے تب بھی معنی مشکل ہی سے تشکیل پارہے ہیں ایسے میں شعر کا کیاکمال ہو مؤے قاری پر شاعر واہ واہ کرے ۔۔۔ اس شعر میں جو بات ہے وہ پوری غزل میں ہی حاوی ہے جیسا کہ آپ نے خود اشارہ دیا۔
شاعرآرزوؤں کے چراغوں کے پھونک دیئے جانے پر آمادہ ہے اور اس بجھنے کے قابل دید ہونے پر گویا نازاں ہے ۔

اسی لیے غزل میں سب کچھ ہے (بلکہ اچھا ہے) پر شاعری نہیں ۔

عاطف بھائی آپ نے تو ہماری واہ پر بھی آہ کا پانی پھیر دیا۔

ویسے دو اشعار کے حساب سے ریحان بھائی کی دو "واہیں" تو ہمارے لیے بنتی ہیں کہ موئے قاری کی حیثیت سے اپنے تئیں فقط دو اشعار ہی کچھ کچھ سمجھ پائے ہیں (ممکن ہے جو سمجھیں ہیں، اس کا تعلق شاعر کے تخیل سے بالکل بھی نہ ہو :))

اب تو دل کر رہا ہے کہ شاعر اگر مناسب سمجھے تو خود ہر شعر کی مختصر سلیس کر کے ہم جیسے مبتدیوں کے علم میں اضافہ ضرور فرمائے۔
 
آخری تدوین:
بھاتی ہے آرزو کے چراغوں کی کشتگی
زورِ طلسمِ دودِ نفس تاز دیکھنا
بجھنا ہے آرزو کے چراغوں کا دیدنی
پیہم اٹھے ہے دودِ نفس تاز، دیکھنا
زنگار میں ہے تابِ الم دل میں پر نہیں
کیا یار سوئے آئنہ پرداز دیکھنا
زنگار سے ہے دل کو ملی تابِ حزن و غم
کیا اب کے سوئے آئنہ پرداز دیکھنا
 
اب ملاحظہ فرمائیں اس خوبصورت غزل کی پیروڈی۔

اور اب پیشِ خدمت ہے محمد ریحان قریشی بھائی کی خوبصورت غزل کی پیروڈی



کچھ اینکروں کی شوخیِ پرواز دیکھنا
پھر ہو گا فاش آج ہر اک راز دیکھنا

اعجازِ فیسبک ہے یا ٹوئیٹر کی ہے خبر
سیٹھی کی شوخ چڑیا کا انداز دیکھنا

سو راز ڈھونڈ لائے دھبڑ دًھس کے واسطے
شاہد مسعود کو بھی سرافراز دیکھنا

شاہ زیب خانزادہ عجب ڈھنگ سے ملیں
ہو دیکھنا جو ان کی تگ و تاز دیکھنا

اک دن جیو سہیل وڑائچ کے ساتھ تھا
ان کا کھلا تضاد بہ انداز دیکھنا

نکتے یہ سوچ لاتے ہیں تخریب کے لیے
خبروں کا چینلوں کے یہ اعجاز دیکھنا

ہر کس بریک کرتا ہے خبروں کو آج کل
ہر جرنلسٹ آج سرافراز دیکھنا​
 
Top