تھوڑا سا گلہ بھی سن لے * ادب دوست

تمہید:
یہ تحریر کراچی میں ہونے والی عربی پکوان "مندی" کی ایک دعوت پر لکھی گئی ہے. جس میں اردو محفل سے ادب دوست بھائی اور حسیب احمد حسیب بھائی شریک تھے.
مندی کی حوالے سے ادب دوست بھائی نے یہ تحریر لکھی ہے، جو بلاشبہ ایک شاہکار ہے. تحریر ادب دوست کی اجازت کے بغیر احبابِ محفل کی خدمت میں:
------
تھوڑا سا گلہ بھی سن لے
اللہ تعالیٰ نے بعض کو بعض پر فضیلت دی ہے۔ قوموں کو قوموں پر، زبانوں کو زبانوں پر ، ادوار کو ادوار پر، کردارد کو کردار پر، انسان کو انسان پر اور پکوان کو پکوان پر ۔ اس میں حتی الامکان غیر منطقی تقابل سے گریز کرنا چاہیئے۔ یعنی انسان کا موازنہ قوم سے نہیں ہوسکتا اور کردار کا موازنہ ادوار سے ممکن نہیں ۔ اب اگر کسی دور کو فضیلت دی گئی ہے تو یہ مطلب نہیں کہ اس دور کی ہر قوم کو فضیلت ہے۔ یہ ضروری نہیں کہ جس قوم کی زبان کو فضیلت دی گئی ہے اس کے پکوان بھی لذیز ہوں ۔ کھانوں کے بارے میں ہمارا عقیدہ تو یہ ہے کہ اللہ تعالیٰ نے برِصغیر کے کھانوں کو باقی دنیا پر فضلیت بخشی ہے ۔ بس اتنی سی بات ہمارے دوستوں کی سمجھ میں نہ آسکی۔ عرب شیوخ سے اپنی بے لوث محبت اور لگاؤ کے اظہار کیلئے ان کے پکوان دوستوں کو کھلانے پر تُلے ہوئے ہیں ۔ کل رات بھی انہیں مقاصد کی تکمیل میں "مندی" کی دعوت دی گئی۔

اب قابلِ احترام دوستوں کو یہ کیسے سمجھائیں کہ قبلہ ، یہ مردہ بکرا اور پھیکے چاول ، زیتون کے تیل میں بھگو کر کھانے کے تصور ہی سے جھرجھری طاری ہو جاتی ہے ۔ اوپر سے اس میں خاص اہتمام کیساتھ متضاد ذائقوں والی اشیاء شامل کردی جاتی ہیں ، یعنی تلے ہوئے بادام کیساتھ کچے کھیرے اور ابلے ہوئے انڈوں کے ساتھ ثابت کشمش ۔ تصورکیجئے آپ ایک داڑھ سے کھیرا چبا رہے ہیں۔۔۔۔ اسی لمحے دوسری داڑھ میں کچ سے کشمش پھوٹے اور زیتون کا تیل مَلے تالو پر زبان سے بکرے کی چربی مسلی جائے ۔ اف میرے خدا ۔۔ بجائے نگلنے کے اگلنے کا جی چاہئے ۔۔ ایسی بے ہنگم ترتیب تو چھوٹی لڑکیوں کی ہنڈکلیا میں بھی نہیں ہوتی ۔ کھانے پینے کی چیزوں میں ایک حسن ترتیب رکھی جاتی ہے اسی لئے بھنڈی بیگن کیساتھ، آلو ککڑی کیساتھ ، قیمہ مولی کیساتھ ، اور لوکی پالک کیساتھ کسی سلیم الفطرت گھرانے میں نہیں پکایا جاتا ۔

اللہ اس کیفیت سے بچائے جس میں انسان آنتوں کی محبت میں زبان پر ظلم کرنے پر آمادہ ہوجاتا ہے ۔ یہ "مندی" آنتوں سے زیادہ زبان اور اس سے بھی زیادہ طبعیت پر بوجھ محسوس ہوتی ہے ۔ ہمیں یہ تو معلوم ہے کہ عربی زبان میں اردو کی طرح کے حفظِ مراتب نہیں ہوتے ، اب معلوم ہوا کہ عربوں کے کھانوں میں بھی نہیں ہوتے ۔ مولائی ( مولانہ صہیب نسیم) اور قبلہ عالم (علامہ منیب احمد) جس طرح اس بے ہنگم پکوان کی تعریف میں رطب السان تھے ، کچھ لمحوں کیلئے ہمیں ان دو حضرات سے اپنی عقیدت و مودت پر تشویش ہونے لگی ۔ مگر پھر "خطائے بزرگاں گرفتن خطا است" کے مطابق یہ تصور کرلیا کے یا تو ان دونوں بزرگانِ دین کے حواس پر "مندی" کے اثراتِ بد مرتب ہوئے ہیں یا یہ فقط اس لئے تعریف کررہے ہیں کہ یہ ایک عربی کھانا ہے ۔ مگر ہمارا دل کہتا ہے کہ اگر تحقیق کی جائے تو یقیناََ یہ کھانا بعثتِ نبویﷺ سے پہلے کا ہوگا اور عربوں نے دورِ جہالت میں اس کھانے کا آغاز کیا ہوگا ۔ یہ بھی بعید نہیں کہ "عمر بن لُحی" کہ جس نے عربوں میں بت پرستی کا آغاز کیا تھا ، یہ کھانا بھی اسی کے دور میں ایجاد کیا گیا ہو۔

ہر چند اللہ تعالیٰ نے ہم پر بکرے حلال کئے ہیں تاہم محض "مندی" کیلئے ایک زندہ بکرے کا قتل کردینا سمجھ میں نہ آنے والی بات ہے ۔ پھر اس بکرے کی لاش کا مثلہ کرکے اس میں اناج بھرنا اس بات کی طرف اشارہ کرتا ہے کہ عرب دورِ جہالت میں اس طرح بکرے کی "بَلی" چڑھا کر دیوی دیوتاؤں کے آگے رکھتے ہونگے ۔

بہرحال مولائی و قبلہ کی کل رات کی تعریف نے ہمیں مجبور کی کہ یاتو معصوم بکرے کے بے مصرف قتل پر صدائے احتجاج بلند کریں یا قبلتین سے اپنی مودت پر نظر ثانی کریں ۔ کیونکہ آپ تو عرب شیوخ کی محبت میں کھانا کھا کِھلا رہے ہیں مگر ہمارے ساتھ معاملہ یہ ہے کہ ۔ع

تمہیں چاہوں ، تمہارے چاہنے والوں کو بھی چاہوں!
مرا دل پھیر دو مجھ سے یہ جھگڑا ہو نہیں سکتا

ہم نے فیصلہ کیا کہ قتلِ ناحق اور بربادیِ اجناس کے خلاف آواز اُٹھائیں گے اور علماء حق سے درخواست کرینگے کہ آپ علماء عرب کی محبت میں ہمیں عربی سکھا دیں ، قران پڑھا دیں یعنی جن چیزوں میں عرب کو ہم پر فضیلت ہے ۔ مگر خدارا "مندی" کی خاطر بکروں کا قتل عام اور دوستوں پر غذائی تشدد سے اجتناب کیجئے۔ اپنے دل سے فیصلہ کیجئے کہ نفاست سے بنی بریانی اسلام کی پاکیزہ تعلیمات سے زیادہ نزدیک ہے یا چاولوں میں گھری بکرے کی لاش ؟؟

FB_IMG_1494830129839_zpsydlstzxy.jpg
 
آخری تدوین:

ربیع م

محفلین
ادب دوست بھائی کو دکھانا پڑے گا کہ ہمارے پختون بھائی دنبے سے ذبح ہونے کے بعد کیا سلوک کرتے ہیں!
عربوں کا ستم اس کے سامنے ماند پڑ جائے گا
 
اسے کھانے کا ایک بہترین حل ہے ۔ وہ یہ کہ
کشمش چُن چُن کے ایک ساتھ کھائی جائے ۔
چاول الگ سے کھائے جائیں ۔
بکرے کی بوٹیاں کیچپ کے ساتھ تناول کی جائیں تاکہ کیچپ کے ذائقے میں زیتون کے تیل کا اثر کم سے کم محسوس ہو ۔
اور بوٹی کے ہر لُقمے کے بعد سیون اپ یا سپرائٹ کا ایک گھونٹ لازمی لیں ۔
اور اگر یہ سب کچھ کرنا مُمکن نہ ہو تو ۔۔۔
ایک طرف بیٹھ کے پیٹ خراب کا بہانہ کر لیں اور دہی کھاتے رہیں :D
 

با ادب

محفلین
نفاست سے بنی بریانی؟ ؟؟
کیا ڈھنگ ہیں اپنے عیب چھپانے کے. . . . . بریانی کی تاریخ ہمارے ذہن کے مطابق. بارہ مسالوں میں گھیر کر چاولوں کے اصل ذائقے کو فراموش کر دینا اہل ہندوستان کی ایک سنگین سازش تھی. . . دو قومی نظریے کا اس سے گہرا تعلق ہے. . ( خبردار کسی نے اس کے حق یا مخالفت میں کوئی دلیل دی)
ایسی قاتلانہ بریانی کو صاحب تحریر نے نام دیا نفاست والی بریانی کا. . .
اور انتہائی پاکیزہ اور مصفا چاولوں کو مردہ بکرے کی لاش میں گھر چاول کہا گیا. . . . تم.ہی کہو کہ یہ انداز تعصبی کیا ہے؟ ؟
عربوں نے ہمیشہ مقدس چیزوں کو پامال کرنے سے گریز کیا ان کے کھانوں میں بھی یہی رنگ جھلکتا ہے. بکرے اور چاول کے تقدس کو رنگ و روغن اور مستعار ذائقوں سے کیوں پامال کیا جائے؟ ؟
مسلمان نے خوئے غیر اپنا لی حرم.کے کھانوں پہ بھی اعتراض. . . لا حول ولا. . . .
مفتیان کرام سے درخواست ہے ادب دوست اور عرب دشمن کے لئیے فتویٰ جاری کیا جایا.
بشکریہ. . .
عربوں کے عشق میں چاند کو نہ دیکھنے والی خاتون.
 

با ادب

محفلین
ایسی پرات میں تناول کے دوران اگر ساتھ والے کی انگلیاں بھی ہاتھ لگ جائیں تو بلا چوں چرا چبا ڈالیئے.
 
تمہید:
یہ تحریر کراچی میں ہونے والی عربی پکوان "مندی" کی ایک دعوت پر لکھی گئی ہے. جس میں اردو محفل سے ادب دوست بھائی اور حسیب احمد حسیب بھائی شریک تھے.
مندی کی حوالے سے ادب دوست بھائی نے یہ تحریر لکھی ہے، جو بلاشبہ ایک شاہکار ہے. تحریر ادب دوست کی اجازت کے بغیر احبابِ محفل کی خدمت میں:
------
تھوڑا سا گلہ بھی سن لے
اللہ تعالیٰ نے بعض کو بعض پر فضیلت دی ہے۔ قوموں کو قوموں پر، زبانوں کو زبانوں پر ، ادوار کو ادوار پر، کردارد کو کردار پر، انسان کو انسان پر اور پکوان کو پکوان پر ۔ اس میں حتی الامکان غیر منطقی تقابل سے گریز کرنا چاہیئے۔ یعنی انسان کا موازنہ قوم سے نہیں ہوسکتا اور کردار کا موازنہ ادوار سے ممکن نہیں ۔ اب اگر کسی دور کو فضیلت دی گئی ہے تو یہ مطلب نہیں کہ اس دور کی ہر قوم کو فضیلت ہے۔ یہ ضروری نہیں کہ جس قوم کی زبان کو فضیلت دی گئی ہے اس کے پکوان بھی لذیز ہوں ۔ کھانوں کے بارے میں ہمارا عقیدہ تو یہ ہے کہ اللہ تعالیٰ نے برِصغیر کے کھانوں کو باقی دنیا پر فضلیت بخشی ہے ۔ بس اتنی سی بات ہمارے دوستوں کی سمجھ میں نہ آسکی۔ عرب شیوخ سے اپنی بے لوث محبت اور لگاؤ کے اظہار کیلئے ان کے پکوان دوستوں کو کھلانے پر تُلے ہوئے ہیں ۔ کل رات بھی انہیں مقاصد کی تکمیل میں "مندی" کی دعوت دی گئی۔

اب قابلِ احترام دوستوں کو یہ کیسے سمجھائیں کہ قبلہ ، یہ مردہ بکرا اور پھیکے چاول ، زیتون کے تیل میں بھگو کر کھانے کے تصور ہی سے جھرجھری طاری ہو جاتی ہے ۔ اوپر سے اس میں خاص اہتمام کیساتھ متضاد ذائقوں والی اشیاء شامل کردی جاتی ہیں ، یعنی تلے ہوئے بادام کیساتھ کچے کھیرے اور ابلے ہوئے انڈوں کے ساتھ ثابت کشمش ۔ تصورکیجئے آپ ایک داڑھ سے کھیرا چبا رہے ہیں۔۔۔۔ اسی لمحے دوسری داڑھ میں کچ سے کشمش پھوٹے اور زیتون کا تیل مَلے تالو پر زبان سے بکرے کی چربی مسلی جائے ۔ اف میرے خدا ۔۔ بجائے نگلنے کے اگلنے کا جی چاہئے ۔۔ ایسی بے ہنگم ترتیب تو چھوٹی لڑکیوں کی ہنڈکلیا میں بھی نہیں ہوتی ۔ کھانے پینے کی چیزوں میں ایک حسن ترتیب رکھی جاتی ہے اسی لئے بھنڈی بیگن کیساتھ، آلو ککڑی کیساتھ ، قیمہ مولی کیساتھ ، اور لوکی پالک کیساتھ کسی سلیم الفطرت گھرانے میں نہیں پکایا جاتا ۔

اللہ اس کیفیت سے بچائے جس میں انسان آنتوں کی محبت میں زبان پر ظلم کرنے پر آمادہ ہوجاتا ہے ۔ یہ "مندی" آنتوں سے زیادہ زبان اور اس سے بھی زیادہ طبعیت پر بوجھ محسوس ہوتی ہے ۔ ہمیں یہ تو معلوم ہے کہ عربی زبان میں اردو کی طرح کے حفظِ مراتب نہیں ہوتے ، اب معلوم ہوا کہ عربوں کے کھانوں میں بھی نہیں ہوتے ۔ مولائی ( مولانہ صہیب نسیم) اور قبلہ عالم (علامہ منیب احمد) جس طرح اس بے ہنگم پکوان کی تعریف میں رطب السان تھے ، کچھ لمحوں کیلئے ہمیں ان دو حضرات سے اپنی عقیدت و مودت پر تشویش ہونے لگی ۔ مگر پھر "خطائے بزرگاں گرفتن خطا است" کے مطابق یہ تصور کرلیا کے یا تو ان دونوں بزرگانِ دین کے حواس پر "مندی" کے اثراتِ بد مرتب ہوئے ہیں یا یہ فقط اس لئے تعریف کررہے ہیں کہ یہ ایک عربی کھانا ہے ۔ مگر ہمارا دل کہتا ہے کہ اگر تحقیق کی جائے تو یقیناََ یہ کھانا بعثتِ نبویﷺ سے پہلے کا ہوگا اور عربوں نے دورِ جہالت میں اس کھانے کا آغاز کیا ہوگا ۔ یہ بھی بعید نہیں کہ "عمر بن لُحی" کہ جس نے عربوں میں بت پرستی کا آغاز کیا تھا ، یہ کھانا بھی اسی کے دور میں ایجاد کیا گیا ہو۔

ہر چند اللہ تعالیٰ نے ہم پر بکرے حلال کئے ہیں تاہم محض "مندی" کیلئے ایک زندہ بکرے کا قتل کردینا سمجھ میں نہ آنے والی بات ہے ۔ پھر اس بکرے کی لاش کا مثلہ کرکے اس میں اناج بھرنا اس بات کی طرف اشارہ کرتا ہے کہ عرب دورِ جہالت میں اس طرح بکرے کی "بَلی" چڑھا کر دیوی دیوتاؤں کے آگے رکھتے ہونگے ۔

بہرحال مولائی و قبلہ کی کل رات کی تعریف نے ہمیں مجبور کی کہ یاتو معصوم بکرے کے بے مصرف قتل پر صدائے احتجاج بلند کریں یا قبلتین سے اپنی مودت پر نظر ثانی کریں ۔ کیونکہ آپ تو عرب شیوخ کی محبت میں کھانا کھا کِھلا رہے ہیں مگر ہمارے ساتھ معاملہ یہ ہے کہ ۔ع

تمہیں چاہوں ، تمہارے چاہنے والوں کو بھی چاہوں!
مرا دل پھیر دو مجھ سے یہ جھگڑا ہو نہیں سکتا

ہم نے فیصلہ کیا کہ قتلِ ناحق اور بربادیِ اجناس کے خلاف آواز اُٹھائیں گے اور علماء حق سے درخواست کرینگے کہ آپ علماء عرب کی محبت میں ہمیں عربی سکھا دیں ، قران پڑھا دیں یعنی جن چیزوں میں عرب کو ہم پر فضیلت ہے ۔ مگر خدارا "مندی" کی خاطر بکروں کا قتل عام اور دوستوں پر غذائی تشدد سے اجتناب کیجئے۔ اپنے دل سے فیصلہ کیجئے کہ نفاست سے بنی بریانی اسلام کی پاکیزہ تعلیمات سے زیادہ نزدیک ہے یا چاولوں میں گھری بکرے کی لاش ؟؟

FB_IMG_1494830129839_zpsydlstzxy.jpg

محمد تابش صدیقی ، آپ کی محبت اور حسنِ نظر ہے.
مزے کی بات یہ ہے کہ ایک اور محفلین کی رسائی بھی اس تحریر تک ہوئی تھی . انہوں نے مجھ سے ذاتی پیغام میں اسے محفل پر لگانے کی اجازت چاہی تو میں نے یہ کہا کہ اس تحریر کا محفل سے کوئی تعلق ہی نہیں ہے وہ خاموش ہورہے ..
چند لمحوں میں آپ کا پیغام آگیا. (اب دیکھیں ان کی جانب سے کیا ہوتا ہے :p:D:p
 
Top