سالانہ عالمی اردو مشاعرہ 2016 تبصرے

[محمدابوعبداللہ]

امجد علی راجا صاحب بہت خوب

 

[محمدابوعبداللہ]

دل تو میرا اداس ہے لیکن
آنکھ میں میری نم نہیں ہوتا

واہ واہ
ویسے ایسے بھی ہوتا ہے یا مجھے آشوب چشم ہے؟

روٹھنے والے بتا لوٹ کے. کب آوگے
تجھ سے ملنے کا ہے ارمان خدا خیر کرے

بہت خوب۔

حسن محمود جماعتی صاحب اسی کے متعلق لگتا ہے۔

 

[حسن محمود جماعتی]

واہ واہ
ویسے ایسے بھی ہوتا ہے یا مجھے آشوب چشم ہے؟



بہت خوب۔

حسن محمود جماعتی صاحب اسی کے متعلق لگتا ہے۔

قسمے... میری نظرسے شعر کیسے رہ گیا

 

[محمد وارث]

منتظمین اور دیگر افراد کے شکریے کے ساتھ ایک غزل۔

اور کیا ساماں بہم بہرِ تباہی چاہیے
حسنِ لب بستہ سے ذوقِ کم نگاہی چاہیے
جانثاری مشغلہ ہی سمجھیے عشاق کا
روزِ محشر آپ کی لیکن گواہی چاہیے
آبلوں کی جستجو میں دشت گردی خوب، پر
علم کچھ منزل کا بھی نادان راہی چاہیے
ہم لیے پھرتے ہیں کاندھوں پر جہاں داری کا بوجھ
اور ضد یہ ہے، غرورِ کج کلاہی چاہیے
بسکہ طالب اپنے دل پر اختیارِ کل کے ہیں
کب سکندر کی سی ہم کو بادشاہی چاہیے
آرزو یاں کچھ نہیں جز ایک اقرارِ گنہ
اور واں اصرار، تیری بے گناہی چاہیے
شعر گوئی کارِ لاحاصل سہی، پر سچ یہ ہے
مشغلہ آخر کوئی خواہی نخواہی چاہیے​

اور مصرع طرح پر میری طبع آزمائی:

قیس کو دشت جنوں میں بڑھ کے ہے زنجیر سے
اک کسک کہ جستجوئے عشق لاحاصل میں ہے
عشق کا ہر مرحلہ پہلے سے ہے دشوار تر
دل خدا جانے کہاں ہے، کون سی منزل میں ہے
چین سے رہنے نہیں دیتی کہیں اک پل مجھے
ایک سیمابی سی کیفیت کہ آب و گل میں ہے
مار ڈالے گی ہمیں پتھر دلی کے باوجود
کچھ ستاروں سی چمک جو دیدۂ سائل میںہے
بحر کی موجوں کو گر بھاتا ہے ساحل کاسکون
بے کراں ہونے کی حسرت موجۂ ساحل میں ہے
بے نیازی کا وہ عالم ہے، تسلی یہ نہیں
ذکر میرا مجھ سے بہتر ہے کہ اس محفل میں ہے​

خوبصورت غزلیں ہیں، لاجواب۔

 

[محمد وارث]

السلام علیکم منتظمین و قارئین کرام ۔۔۔۔
حکم کی تعمیل میں ایک ادنی سی کوشش پیش خدمت ہے ۔۔۔۔

غزل
مجھے زمان و مکاں کی حدود میں نا رکھ
صدا و صوت کی اندھی قیود میں نا رکھ

میں تیرے حرف ِ دعا سے بھی ماورا ہوں میاں
مجھے تُو اپنے سلام و درود میں نا رکھ

کلیم ِ وقت کے در کو جبیں ترستی ہے
امیر ِ شہر کے بیکل سجود میں نا رکھ

نظام ِ قیصر و کسری کی میں روانی ہوں
وجوب ِ عین ہوں صاحب شہود میں نا رکھ

بچھا یقیں کا مصلی درون ِ ہستی میں
نیاز و راز کے قصے نمود میں نا رکھ

پس ِ وجود ِ جہاں میری خاک ہی تو ہے
رموز ِ ہستی ِ دوراں وُرود میں نا رکھ

ذوالفقار نقوی ۔۔ انڈیا

بہت خوب نقوی صاحب، کیا کہنے۔

 

[لاریب مرزا]

خوب خوب خوب!! طرحی غزل سب سے زیادہ لطف دے رہی ہے۔ ہر شاعر نے اپنے انداز و الفاظ میں طرحی غزل پر طبع آزمائی کی ہے اور خوب کی ہے۔ بہت سی داد سب کے لیے

 

[ذوالفقار نقوی]

بہت خوب نقوی صاحب، کیا کہنے۔

بہت بہت شکریہ برادر ِ گرامی القدر محمد وارث صاحب۔۔۔۔ حوصلہ افزائی کے لئے ممنون ہوں ۔۔۔۔جزاک اللہ

 

[ذوالفقار نقوی]

میں منتظمین سے گذارش کرنا چاہوں گا کہ وہ اس طرف دھیان دیں ۔۔۔۔بعض پیغامات خود بخود دو یا دو سے بھی زیادہ بار پوسٹ ہوئے جا رہے ہیں ۔۔۔شاید کوئی تکنیکی مسئلہ ہے!!!

 

[ذوالفقار نقوی]

میں ان تمام احباب کا فردا فردا شکریہ ادا کرنا چاہتا ہوں جنہوں نے میری حوصلہ افدزائی فرمائی ۔۔۔آپ سب پر سلامتی ہو۔۔۔ جزاک اللہ

 

[لاریب مرزا]

کفِ قاتل کی شکن بھی تو الگ ہے سب سے
اور مقتول کی ٹوٹی ہوئی تلوار جدا

میری دستار پہ چھینٹے ہیں لہو کے میرے
اے فلک ناز مرے، ہے مری دستار جدا

واہ!! کیا خوب فرمایا۔۔ عمدہ کلام!!

عشق تیرا وه حقیقت ہے جو میرے دل میں ہے
آب دریا کا اثر کچھ پرده ساحل میں ہے

مجھ سے مت نالان ہونا تجھ سے جب مانگوں ہنسی
پیار کی خواہش ہمیشہ لہجہء سائل میں هے

آہا آہا!! کیا کہنے!! بہت سی داد

دلِ درد آشنا رکھے ہوئے ہیں
بدن میں کربلا رکھے ہوئے ہیں

کسی کے رنگ میں ڈھلتے نہیں ہیں
ہم اپنی کیمیا رکھے ہوئے ہیں

ہمیں تفہیمِ دنیا کے معمے
خلا اندر خلا رکھے ہوئے ہیں

کوئی منزل نہیں منزل ہماری
اِک آتش زیرِ پا رکھے ہوئے ہیں

لڑائی ظلمتِ شب سے ہے جاری
سرِ بام اک دیا رکھے ہوئے ہیں

زبردست غزل ارشاد فرمائی۔۔ بہت سی داد!!

 

[لاریب مرزا]

اِک شور تھا جو اندر , وہ آج مچ گیا ہے
اُتنا ہی اب عیاں ہُوں, جِتنا کبھی نہاں تھا

آئے ہائے ہائے!! کیا بات ہے مریم بہنا!! اتنی لاجواب کاوش پہ بہت سی داد!!

انتساب: سب محفلین کے نام

بہت شکریہ!!

حُسن کی وہ اِک جھلک جو پردۂ محمل میں ہے
حُسن ایسا نہ کبھی دیکھا مہِ کامل میں ہے

زلف بکھرا کر نہ تُم آیا کرو یُوں سامنے
حوصلہ کب اِتنا تیرے عاشقِ عادل میں ہے؟

عمر ساری چلتا جاؤں,حُسنِ جاناں کی قسم!
ہم سفر تجھ سا ہو تَو پھر رکھا کیا منزل میں ہے؟

تخلیہ! اے ناصحا! مجھ کو اکیلا چھوڑ دے
یاد اُس کی جلوہ فرما آج میرے دل میں ہے

جو صنم کل تھا تراشا وہ خُدا بن بیٹھا آج
زندگی آزر کی اب تَو , ہاں! بہت مشکل میں ہے

مجھ سے آشفتہ مزاجوں کا نہ ہے واں کوئی کام
"ذکر میرا مُجھ سے بہتر ہے کہ اُس محفل میں ہے"

تُو ہی تُو ہے ہر طرف اور بس تِرا ہی ہے خیال
بس یہی ہے سب سے اُولٰی, جو مِرے حاصل میں ہے

ایک ایک شعر لاجواب!! کیا بات ہے!! بہت عمدہ!!

 

[لاریب مرزا]

میری فظرت ہے سرِ تسلیم خم کرنے کی خو
ناز پرور تم بتا ئو کیا تمھارے دل میں ہے

جان لی تیغِ تبسم سے کئی عشاق کی
قتل کرنے کا سلیقہ خوب تر قاتل میں ہے

کیا ہے لازم ہاتھ پھیلے بندہ پرور کے حضور
تم سخی ہو دیکھ لو خود کیا طلب سائل میں ہے

بہت خوب صفی بھائی!!

محبت ہوئی جن کو المٰی
وہ سود و زیاں سے گئے ہیں

اگر تو ہے بشر مٹی
پِھراُس کا ہر سفر مٹی

ڈھلی ہے جب سے قالب میں
ہوئی ہے در بدر مٹی

سراپا خاک کر ڈالا
یہ دِل مٹی جگر مٹی

اٹے ہیں گرد سے منظر
دِکھے شام و سحر مٹی

کوئی تخلیق رہ میں ہے
جدھر دیکھو اُدھر مٹی

صدائےکُن سے پہلے تھے
یہ برگ و گُل ,شجر مٹی

جو اُترے قبر میں الٰمی
ہوئے سارے ہُنر مٹی

بہت خوب غزل ارشاد فرمائی لا المیٰ بہنا!! بہت سی داد!

 

[نایاب]

خوب صورت موسموں میں بارشیں نفاق کی
محو حیرت ہوں کہ پانی کس قدر بادل میں ہے

سوچتا ہے ہر کوئی محفل میں بیٹھا ہے عبث
میں ہوں بہتر مجھ سے بہتر کون اس منزل میں ہے

محفلیں چاہت سے پر ہوں اور باتیں پیار کی
کون جانے کس قدر نفرت تمہارے دل میں ہے

یہ تو ممکن ہی نہیں ہے غیب ہم بھی جان لیں
آج دعوے علم کے، سب قبضہ جاہل میں ہے

گفتگو ہے گفتگو ہے خامشی ہر دل میں ہے
ذکر میرا مجھ سے بہتر ہے کہ اس محفل میں ہے

بدظنی سے بچ کے رہنا رحمتوں کی آس پر
راہ چلنا ان(ص) کی جن ہر ادا کامل میں ہے
​

واہہہہہہہہہہہ
بہت خوب
بہت سی دعاؤں بھری داد
ڈھیروں دعائیں

 

[لاریب مرزا]

اب ایسا ظلم تو اے حضرتِ صیّاد مت کیجے
قفس سے عشق ہے ہم کو ہمیں آزاد مت کیجے

اجی قبلہ! زمانہ منکرِ توحید سمجھے گا
خدا کا گھر ہے دل ...دل میں صنم آباد مت کیجے

واہ!! بہت خوب!!

دم بہ دم اک جستجو، دریا بہ دریا جُو بہ جُو
ہے مزا جو اس تگ و دو میں، کہاں حاصل میں ہے!

پھر نئے طوفاں سے ہونگے برسرِ پیکار ہم
اس توقع کی وجہہ کچھ دوریءِ ساحل میں ہے

بہت خوب!!

نگاہِ ناز نے بھٹکا دیا تھا تقریباََ
تُو ریگزارِ محبّت سے بال بال بچا !

ذرا سا بیٹھ کے پھر سوچ لے محبّت پر
یہ چند لمحے خرچ کر کے ماہ و سال بچا !

شکار گھات لگائے تھا خود شکاری پر
وہی ہوا کہ شکاری بچا ، نہ جال بچا !

صفِ عدو سے نکل کر تو دوستوں میں ہے اب
جو وار پشت سے ہو، اس کو اب سنبھال ، بچا !

بہت خوب غزل کہی۔۔ بہت سی داد قبولیے۔

 

[نایاب]

کتابوں میں بہت نقصان اٹھا کر
دکاں پر رکھ لئے جوتے جرابیں

چراغ علم یوں روشن کیا پھر
سر فٹ پاتھ رکھ دیں سب کتابیں

میں تو سمجھا تھا کہ جاں لیوا ہے بیماری مری
موت کا سامان لیکن ڈاکٹر کے بل میں ہے

دیکھئے، رشوت نہیں لایا، سفارش بھی نہیں
ایک بھی خوبی بھلا اس کی پروفائل میں ہے؟

ہے غلط فہمی کہ خوش فہمی مگر لگتا ہے یہ
ذکرِ امجد اب تو اردو کی ہر اک محفل میں ہے

واہہہہہہہہہہہہہ
محترم راجہ بھائی کمال شاعری ہے
ہنستی مسکراتی آگہی پھیلاتی ۔۔۔۔۔۔۔
بہت سی دعاؤں بھری داد
ڈھیروں دعائیں

 

[نایاب]

آبلوں کی جستجو میں دشت گردی خوب، پر
علم کچھ منزل کا بھی نادان راہی چاہیے

آرزو یاں کچھ نہیں جز ایک اقرارِ گنہ
اور واں اصرار، تیری بے گناہی چاہیے
شعر گوئی کارِ لاحاصل سہی، پر سچ یہ ہے
مشغلہ آخر کوئی خواہی نخواہی چاہیے

قیس کو دشت جنوں میں بڑھ کے ہے زنجیر سے
اک کسک کہ جستجوئے عشق لاحاصل میں ہے​

چین سے رہنے نہیں دیتی کہیں اک پل مجھے
ایک سیمابی سی کیفیت کہ آب و گل میں ہے

بے نیازی کا وہ عالم ہے، تسلی یہ نہیں
ذکر میرا مجھ سے بہتر ہے کہ اس محفل میں ہے

واہہہہہہہہہہہہہ
کمال ۔ ۔۔۔۔۔ بہت خوب
بہت سی دعاؤں بھری داد
ڈھیروں دعائیں

 

[نایاب]

مجھے زمان و مکاں کی حدود میں نا رکھ
صدا و صوت کی اندھی قیود میں نا رکھ

کلیم ِ وقت کے در کو جبیں ترستی ہے
امیر ِ شہر کے بیکل سجود میں نا رکھ

نظام ِ قیصر و کسری کی میں روانی ہوں
وجوب ِ عین ہوں صاحب شہود میں نا رکھ

بچھا یقیں کا مصلی درون ِ ہستی میں
نیاز و راز کے قصے نمود میں نا رکھ

دشت میں دھوپ کی بھی کمی ہے کہاں
پاؤں شل ہیں مگر بے بسی ہے کہاں

میرا سوز ِ دروں مائل ِ لطف ہو
مجھ میں شعلہ فشاں وہ نمی ہے کہاں

صوت و حرف ِ تمنا سے ہو با خبر
ایسی ادراک میں نغمگی ہے کہاں

زبردست
بلاشبہ بہت خوب کلام
بہت سی دعاؤں بھری داد
ڈھیروں دعائیں

 

[ذوالفقار نقوی]

زبردست
بلاشبہ بہت خوب کلام
بہت سی دعاؤں بھری داد
ڈھیروں دعائیں

بہت بہت شکریہ ۔۔۔۔۔نوازش ۔۔۔۔جزاک اللہ

 

[مریم افتخار]

آئے ہائے ہائے!! کیا بات ہے مریم بہنا!! اتنی لاجواب کاوش پہ بہت سی داد!!


بہت شکریہ!!

ایک ایک شعر لاجواب!! کیا بات ہے!! بہت عمدہ!!

بہت بہت شکریہ لاریب بہنا!
اتنے دن ہو گئے کہ اب تَو میں بھول بھال گئی تھی
آپ کو میرا لکھا پسند آیا , یہ آپکی اعلٰی ذوقی کا منہ بولتا ثبوت ہے.
سدا خوش رہو

 

[صفی حیدر]

بہت خوب صفی بھائی!!



بہت خوب غزل ارشاد فرمائی لا المیٰ بہنا!! بہت سی داد!

بہت شکریہ ۔۔۔ نوازش کہ آپ نے کلام کو پسند کیا ۔۔۔۔