عزیز حامد مدنی عزیز حامد مدنی::::: ثباتِ غم ہے محبّت کی بے رُخی آخر ::::: Aziz Hamid Madni

طارق شاہ

طارق شاہ

محفلین



غزل
عزیز حامد مدنی

ثباتِ غم ہے محبّت کی بے رُخی آخر
کسی کے کام تو آئی، یہ زندگی آخر

کوئی بتاؤ کہ، ہے بھی ، تو اس قدر کیوں ہے؟
ہوا کو میرے گریباں سے دشمنی آخر

تری قبا، تری چادر کا ذکر کس نے کیا
مگرفسانہ ہوئی، بات ان کہی آخر

ترے خیال نے سو رُخ دیے تصوّر کو
ہزار شیوہ تھی تیری سپردگی آخر

میں اپنی بات کا، اپنے خیال کا ہُوں حرِیف
گیا نہ سر سے مرے ، خبطِ سرکشی آخر

ہوا نے مانگ لیا ، آج تار و پو کا حساب
قبا بھی کیا کوئی حصہ کفن کا تھی آخر

حنائے پا سے کھلا اُس کا شوقِ آرائش
نکل چلی تھی دبے پاؤں سادگی آخر

ہزار، اُس کے تغافل کی داستانیں ہیں
مگر یہ بات! کہ وہ بھی ہے آدمی آخر

وہی ہیں گیسوئے جاناں کے خم، وہی ہم ہیں
وہی ہے کشمکشِ ربطِ باہمی آخر

پروفیسر عزیز حامد مدنی

​
 
طارق شاہ

طارق شاہ

محفلین
سیما علی

سیما علی

لائبریرین
ہزار وقت کے پرتو نظر میں ہوتے ہیں
ہم ایک حلقۂ وحشت اثر میں ہوتے ہیں

کبھی کبھی نگۂ آشنا کے افسانے
اسی حدیث سر رہ گزر میں ہوتے ہیں

وہی ہیں آج بھی اس جسم نازنیں کے خطوط
جو شاخ گل میں جو موج گہر میں ہوتے ہیں

کھلا یہ دل پہ کہ تعمیر بام و در ہے فریب
بگولے قالب دیوار و در میں ہوتے ہیں

گزر رہا ہے تو آنکھیں چرا کے یوں نہ گزر
غلط بیاں بھی بہت رہ گزر میں ہوتے ہیں

قفس وہی ہے جہاں رنج نو بہ نو اے دوست
نگاہ داری احساس پر میں ہوتے ہیں

سرشت گل ہی میں پنہاں ہیں سارے نقش و نگار
ہنر یہی تو کف کوزہ گر میں ہوتے ہیں

طلسم خواب زلیخا و دام بردہ فروش
ہزار طرح کے قصے سفر میں ہوتے ہیں

عزیز حامد مدنی
 
سیما علی

سیما علی

لائبریرین
فراق سے بھی گئے ہم وصال سے بھی گئے
سبک ہوئے ہیں تو عیش ملال سے بھی گئے

جو بت کدے میں تھے وہ صاحبان کشف و کمال
حرم میں آئے تو کشف و کمال سے بھی گئے

اسی نگاہ کی نرمی سے ڈگمگائے قدم
اسی نگاہ کے تیور سنبھال سے بھی گئے

غم حیات و غم دوست کی کشاکش میں
ہم ایسے لوگ تو رنج و ملال سے بھی گئے

گل و ثمر کا تو رونا الگ رہا لیکن
یہ غم کہ فرق حرام و حلال سے بھی گئے

وہ لوگ جن سے تری بزم میں تھے ہنگامے
گئے تو کیا تری بزم خیال سے بھی گئے

ہم ایسے کون تھے لیکن قفس کی یہ دنیا
کہ پر شکستوں میں اپنی مثال سے بھی گئے

چراغ بزم ابھی جان انجمن نہ بجھا
کہ یہ بجھا تو ترے خط و خال سے بھی گئے

عزیز حامد مدنی
 
جاسمن

جاسمن

لائبریرین
سیما علی! آپ چاہیں تو اپنے پسندیدہ کلام کی علیحدہ لڑی بنا سکتی ہیں چاہے وہ عزیز حامد مدنی کا ہی ہو۔ :)
اگر تو "سابقہ" موجود ہے تو آپ اسے منتخب کر سکتی ہیں۔ جیسے مذکورہ شاعر کا سابقہ موجود ہے۔:)
 
جواب دینے کے لیے داخل ہوں یا شمولیت اختیار کریں۔
Top