پاک انپیج ٹو یونیکوڈ کنورٹر

arifkarim

معطل
اس کے علاوہ ایک اور مسئلہ ہے، وہ یہ ہے کہ یونیکوڈ سے ان پیج میں کنورٹ کرتے وقت اگر کی بورڈ اردو یا عریبک سیلیکٹ ہو تو تحریر درست کنورٹ نہیں ہوتی اور اگر کی بورڈ انگلش سیلیکٹ ہو تو تحریر صحیح کنورٹ ہو جاتی ہے۔ اگرچہ یہ بنیادی مسئلہ نہیں لیکن اگر سہولت سے حل ہو جائے تو کافی بہتری ہو جائے گی۔
یہ کوئی اتنا بڑا مسئلہ تو نہیں :)
 

طمیم

محفلین
کیا انڈروائیڈ سمارٹ فون یا ٹیبلٹ کے لئے کوئی ایسی ایپ موجود ہے جس کی مدد سے انپیج فائل کو یونیکوڈ ٹیکسٹ فائل میں آف لائن رہتے ہوئے کنورٹ کیا جاسکتا ہے۔
کیا پاک انپیج کنورٹر کو انڈروائیڈ کی ایپ کے طور پر کنورٹ کیا جاسکتا ہے۔
اس کے علاوہ بعض آن لائن کنورٹر موجود ہیں کیا یہ کنورٹر اس مہیا کئے گئےڈیٹا کواپنے سرور پر محفوظ کرتے ہیں۔
کیا آن لائن کنورٹر کو کسی طرح ڈراپ باکس یا جی ڈرائیو پر انسٹال کیا جاسکتا ہے۔
 

arifkarim

معطل
کیا انڈروائیڈ سمارٹ فون یا ٹیبلٹ کے لئے کوئی ایسی ایپ موجود ہے جس کی مدد سے انپیج فائل کو یونیکوڈ ٹیکسٹ فائل میں آف لائن رہتے ہوئے کنورٹ کیا جاسکتا ہے۔
میری اطلاع کے مطابق تو ایسا کوئی کنورٹر موجود نہیں ہے۔
کیا پاک انپیج کنورٹر کو انڈروائیڈ کی ایپ کے طور پر کنورٹ کیا جاسکتا ہے۔
ابرارحسین نے یہ ٹول غالباً سی شارپ یا ڈاٹ نیٹ میں لکھا تھا۔ اگر اسکا سورس باآسانی انڈروئیڈ میں پورٹ ہو سکے تو یقیناً ممکن ہوگا۔ محمد سعد

اس کے علاوہ بعض آن لائن کنورٹر موجود ہیں کیا یہ کنورٹر اس مہیا کئے گئےڈیٹا کواپنے سرور پر محفوظ کرتے ہیں۔
یہ تو پھر اس آن لائن کنورٹر پر منحصر ہے کہ آیا وہ آپکا ڈیٹا چرا لیتا ہے یا کنورژن کے بعد حذف کر دیتا ہے۔

کیا آن لائن کنورٹر کو کسی طرح ڈراپ باکس یا جی ڈرائیو پر انسٹال کیا جاسکتا ہے۔
میرے خیال میں ایسا ممکن نہیں ہے کیونکہ آن لائن کنورٹرز سرور سائڈ اسکرپٹس کی مدد سے کام کرتے تھے جن تک رسائی سوائے ہیکنگ کے ممکن نہیں۔
 

طمیم

محفلین
ابھی ابرار بھائی کے جواب کا انتظار ہے۔ اسی طرح رانا بھائی کیا آپ کے پاس اس سلسلہ میں کوئی آئیڈیا ہے۔ سعد بھائی کیا آپ کے علم میں اس کا کوئی حل ھے۔ اسی طرح ذیشان بھائی کیا آپ کے ذہن میں ایک ایپ تیار کرنے کا کوئی آئیڈیا ہے۔ آن لائن ٹول کے سلسلے میں شایدبلال بھائی کچھ بتا سکیں انہوں نے بھی اپنے بلاگ پر یہ سروس رکھی ہوئی ہے۔
اسی طرح سعود بھائی کے جواب کا بھی انتظار ہے۔
 

رانا

محفلین
ابھی ابرار بھائی کے جواب کا انتظار ہے۔ اسی طرح رانا بھائی کیا آپ کے پاس اس سلسلہ میں کوئی آئیڈیا ہے۔ سعد بھائی کیا آپ کے علم میں اس کا کوئی حل ھے۔ اسی طرح ذیشان بھائی کیا آپ کے ذہن میں ایک ایپ تیار کرنے کا کوئی آئیڈیا ہے۔ آن لائن ٹول کے سلسلے میں شایدبلال بھائی کچھ بتا سکیں انہوں نے بھی اپنے بلاگ پر یہ سروس رکھی ہوئی ہے۔
اسی طرح سعود بھائی کے جواب کا بھی انتظار ہے۔
اینڈرائیڈ میں بن تو سکتا ہے کہ یہی لوجک وہاں اکلپس یا اینڈرائڈ اسٹوڈیو میں جاکر جاوا میں لگانی ہے۔ البتہ میرا اینڈرائڈ کا کوئی تجربہ نہیں ہے۔ لیکن اینڈرائڈ میں کیونکہ ان پیج تو مہیا نہیں ہوگا کہ متن کاپی کرکے لاجک لگا کر کنورٹ کرلیا جائے۔ وہاں لازمی طور پر ان پیج کی فائل سے براہ راست کنورٹ کرنا پڑے گا اس لئےاس حوالے سے ابرار بھائی ہی بتاسکیں گے کیونکہ مجھے ان پیج کی فائل کے فارمیٹ کا علم نہیں صرف انکوڈنگ کا پتہ ہے۔
 
آخری تدوین:

محمد سعد

محفلین
ابرارحسین نے یہ ٹول غالباً سی شارپ یا ڈاٹ نیٹ میں لکھا تھا۔ اگر اسکا سورس باآسانی انڈروئیڈ میں پورٹ ہو سکے تو یقیناً ممکن ہوگا۔ محمد سعد
حضرت، مجھے ٹیگ تو ایسے کرتے رہتے ہیں جیسے میں ہر پروگرامنگ لینگویج اور ہر فریم ورک کا ماہر ہوں۔ :biggrin:
ابھی میں اس نکتے کو زیادہ تفصیل سے تو نہیں دیکھ سکتا۔ آپ MonoDroid کو دیکھ لیں۔ میری سرسری تلاش کے نتائج کے مطابق یہ نوویل کی مونو لائبریری (جو کہ لینکس پر بھی ڈاٹ نیٹ ایپلکیشنز چلانے کے لیے استعمال ہوتی ہے) کا اینڈرائڈ کے لیے پورٹ ہے۔
 

محمدصابر

محفلین
حضرت، مجھے ٹیگ تو ایسے کرتے رہتے ہیں جیسے میں ہر پروگرامنگ لینگویج اور ہر فریم ورک کا ماہر ہوں۔ :biggrin:
ابھی میں اس نکتے کو زیادہ تفصیل سے تو نہیں دیکھ سکتا۔ آپ MonoDroid کو دیکھ لیں۔ میری سرسری تلاش کے نتائج کے مطابق یہ نوویل کی مونو لائبریری (جو کہ لینکس پر بھی ڈاٹ نیٹ ایپلکیشنز چلانے کے لیے استعمال ہوتی ہے) کا اینڈرائڈ کے لیے پورٹ ہے۔
 

محمد مسلم

محفلین
ان پیج میں کنورٹ کرتے وقت انگلش متن کا الٹا ہوجانا ابھی حل طلب ہے۔ اس میں مسئلہ فقط اتنا ہے کہ اردو اور انگلش سپیس میں فرق ہے، جس کی وجہ سے ان پیج شاید دائیں سے بائیں اور بائیں دائیں کو شناخت کرتا ہے، اگر دونوں زبانوں میں ایک ہی سپیس استعمال کریں تو مسئلہ موجود رہتا ہے۔ اس کو مہربانی فرما کر حل فرمادیں۔
 

محمد مسلم

محفلین
مجھے اب تک جو سمجھ آیا ہے وہ یہ ہے کہ یونیکوڈ میں اردو اور انگلش سپیس کے لیے ایک ہی ویلیو استعمال ہورہی ہے اور وہ ہے 32 جبکہ ان پیج میں انگلش کے لیے تو 32 ہی استعمال ہوتی ہے جبکہ اردو کے لیے 4 استعمال ہو رہی ہے۔ یہی فرق اس میں متن کی سمت کو درست رکھتا ہے۔
 
ان پیج میں کنورٹ کرتے وقت انگلش متن کا الٹا ہوجانا ابھی حل طلب ہے۔ اس میں مسئلہ فقط اتنا ہے کہ اردو اور انگلش سپیس میں فرق ہے، جس کی وجہ سے ان پیج شاید دائیں سے بائیں اور بائیں دائیں کو شناخت کرتا ہے، اگر دونوں زبانوں میں ایک ہی سپیس استعمال کریں تو مسئلہ موجود رہتا ہے۔ اس کو مہربانی فرما کر حل فرمادیں۔

فائل شئیر کریں جس میں مسئلہ آتا ہے
 

محمد مسلم

محفلین
فائل شئیر کریں جس میں مسئلہ آتا ہے
پوری فائل کی امید ہے ضرورت ہی نہیں پڑے گی، بس یہ نیچے دیا گیا متن ہی ان پیج میں کنورٹ کر کے دیکھ لیں کہ انگلش والے متون بھی دائیں سے بائیں ہو جائیں گے۔
Mehran Narimisa نے اپنا مقالہ European Scientific Journal,10(10) میں شائع کرایا جس کا عنوان EUTHANASIA IN ISLAMIC VIEWS تھا([1])۔ اس آرٹیکل میں اسلامی نقطہ نظر کو اجاگر کرنے کے لیے قرآن، حدیث یا فقہاء کے اقوال سے قطعاً استعناء نہیں کیا گیا۔ علوم الشریعۃ والقانون مجلد 34، عدد 2، 2007، میں شائع ہونے والا حمزہ عبدالکریم حماد کا مضمون بعنوان ’’قتل الرحمۃ رؤیۃ فقہیۃ مقاصدیۃ قانونیۃ‘‘ ([2])میں اسلامی نقطہ نظر کو اجاگر کیا ہے اور اسلام کے بنیادی مصادر کے حوالہ جات بھی وافر ہیں، لیکن اس میں مجامع فقہیہ کی آراء کو ترجیح دینے کی بجائے انفرادی فتاویٰ اور ملکی قوانین کو بنیاد بنایا گیا ہے۔ Journal of the Royal Society of Medicine,91(3) میں عزیز شیخ کا مضمون Death and dying--a Muslim perspective کے نام سے موجود ہے

([1]). Mehran Narimisa, "EUTHANASIA IN ISLAMIC VIEWS," European Scientific Journal 10, no. 10 (2014).

([2]). Hamza A Hammad, "Mercifull Killing A Legal Fiqhi Maqasidi Perspective," Dirasat: Shari'a and Law Sciences 34, no. 2 (2010).
 

maamiradina

محفلین
اس میں یہ ورڈ فائل کیوں موجود نہیں
اور دوسرا یہ پشتو کو کیوں کنورٹ نہیں کرتا۔
برائے مہربانی ذرا مہربانی کرکے میری رہنمائی فرمائیں۔
ویسے یہ سافٹ وئیر بہت اعلیٰ ہے۔
پہلے میں اردو یونیکوڈ سالوشن استعمال کرتا تھا لیکن وہ اچھا نتیجہ نہیں دے رہا تھا ۔ بعد میں میں نے آن لائن کنورٹر کا استعمال کیا ۔
لیکن اس میں بھی اکثر غلطیاں ہوتی تھیں۔ اب یہ بالکل زبردست ہے ۔ لیکن اگر یہ ڈائرکٹ ورڈ کو کنورژن کریں تو یہ بہت اچھا ہوگا
آپ کا بہت بہت شکریہ
 

دوست

محفلین
اللہ والیو پاکستانی پنجابی کے لیے یہ سافٹویئر استعمال کر رہے ہیں جس میں اڑ نون کا کیریکٹر متعلقہ ویب سائٹ (لوکائی پنجابی اخبار) نے نہ جانے کون سا استعمال کر رکھا ہے کہ وہ بدلتا ہی نہیں ہے۔ عبارت ملاحظہ فرمائیں:
راولپنڈی (این ایل آئی) آرمی چیف جنرل قمر جاوید باجوا نے کہیا اے کہ جنگ دی نوعت بدل چُکی اے‘ براہ راست جنگ ہُ ترجیح نہیں رہی‘
یہاں ہُ کو ہُن یعنی اڑ نون کے ساتھ ہونا چاہیئے۔ ان پیج سکرین شاٹ
Untitled.png

اگر آپ مناسب سمجھیں تو متعلقہ ان پیج فائل بھی مہیا کی جا سکتی ہے تاکہ اس کیریکٹر کا تجزیہ کر کے اسے سرائیکی یا سندھی والے اڑنون
ڻ
سے بدلنے والی تبدیلی کی جا سکے۔ اس وقت اڑ نون کا یہی متبادل ہمارے پاس موجود ہے اور اسی کو استعمال کرنا چاہیئے میرے خیال میں۔
 
آخری تدوین:

maamiradina

محفلین
کیا یہ اس ویب سائیٹ کی طرح آف لائن کام کر سکتا ہے؟
Convert from InPage to Urdu Unicode text
پروگرام میں کافی ساری تبدیلیاں‌ہو چکی ہیں ، اور میں‌نے سوچا کہ پرانی معلومات کی تو اب ضرورت نہیں اس لیے اسی تھریڈ میں‌پرانی معلوما ت کی جگہ نئی شیرنگ کر رہا ہوں
اب پروگرام انپیج ٹو یونیکوڈ اور یونیکوڈ ٹو انپیج بھی کنورٹ کررہا ہے۔اور اس کیلئے آپ کو کرنا یہ ہے کہ پہلے انپیج ٹیکسٹ یا یونیکوڈ ٹیکسٹ کو کاپی کر لیں اور اگر یونیکوڈ سے انپیج کنورٹ کرنا ہو تو ctrl+alt+I پریس کریں‌اور انپیج سے یونیکوڈ کنورٹ کرنا ہو تو ctrl+alt+U پریس کر یں‌اور جس ٹائپ میں‌کنورٹ کیا ہو اس میں‌جا کر پیسٹ کر لیں
لیکن اس سے پہلے بہتر ہے کہ پروگرام کو منیمائز کر لیں، تاکہ آپ کو بار بار میسج باکس ڈسٹرب نہ کرے ،پروگرام بیک گراونڈ میں اپنا کام کرتا رہے گا اور شارٹ کٹ کی کیلئے پروگرام کو فوکس کرنے کی ضرورت نہیں‌ہے۔منیمائز ہونے کی صورت میں پروگرام سسٹم ٹرے میں‌چلا جائے گا اورجسے ہی کنورٹنگ مکمل ہو گی سسٹم ٹرے میں‌میسج ڈسپلے ہو جائے گا جو کہ تھوڑی دیر بعد ختم ہوجائے گا ۔میسج ڈسپلے کے بعد آپ نے اسے جس ٹائپ میں‌کنورٹ کیا ہو اس پروگرام میں جا کر پیسٹ کر لیں۔
ایک اور مسلہ بھی درپیش تھا کہ اگر کوئی یونیکوڈ کی ایسی ویلیو جو کہ ہم نے پروگرام میں نہیں دی آجائے تو اس کے بعدکا ساراٹیکسٹ حزف ہوجاتا تھا( انپیج کے فارمیٹ میں کنورٹ کرتے ہوئے اس کے پیٹرن سے ذرا سا بھی ہٹ جائیں‌تو وہ اس کے بعد کا سارا ٹیکسٹ حذف کر دیتا ہے ) یہ عام طور پر عربی کی عبارت کنورٹ کرتے ہوئے مسلہ آتا تھا تو اس کیلیے میں‌نے یہ کیا کہ اب جب ایسا حرف آئے گا تو اس کی جگہ پر [?] نشانی آجائے گی اور پھرآپ اسے آسانی سے تبدیل کر سکیں گے جیسے
للهم صلي على محمد
و على آل محمد
كما صليت على إبراهيم
و على أل إبراهيم
ا نك حميد مجيد

کو کنورٹ کرتے ہوئے اسے ایسے ڈسپلے کرے گا

لل[؟]م صلي عل[؟] محمد
و عل[؟] آل محمد
[؟]ما صليت عل[؟] إبرا[؟]يم
و عل[؟] أل إبرا[؟]يم
ا ن[؟] حميد مجيد

ایک اور آئیڈیا بھی میرے ذہن میں‌ہے کہ ہم ان علامات کو آئڈینٹی فائی کر کے اس کی جگہ پر انپیج کی ویلیو جو کہ انہیں سوٹ کریں وہ لگا دیں گے۔خیر اس میں‌آپ ساتھیوں کا تعاون بھی درکار ہو گا کہ اگر ایسا کوئی حرف نظر آئے تو اسے بتاتے جائیں‌اور میں‌ان کی ویلیو ڈالتا جاوں گا۔
پندرہ بیس صفحات تو میں نے کنورٹ کیے ہیں اور بغیر کسی مسلے کے ٹھیک ٹھیک کام کر رہا ہے ،زیادہ صفحات ہونے کی صورت میں‌ہینگ ہونے کا خطرہ رہے گا اس کا حل انشاءاللہ فائل کنورٹنگ میں نکالیں گے
باقی فائل کنورٹنگ تو اسی طرح ہو رہی ہے۔
دیکھ کر رائے اور غلطیوں‌کی نشاندہی کریں تاکہ اس میں اور بہتری لائی جاسکے
نئے ساتھیوں کیلیے کہ اسے چلانے کیلیے آپ اپنے کمپیوٹر میں‌ ڈاٹ نیٹ کا 5۔3 فریم ورک انسٹال کر لیں اس کے بعد ہی پروگرام چلے گا


ایکزی فائل
http://dl.dropbox.com/u/2700846/PakInPagetoUnicodeConverter.exe

اب تک کا سورس کوڈ

http://dl.dropbox.com/u/2700846/_InPageConverter.zip
 
Top