ایک لڑکا اور لڑکی۔ علامہ اقبال سے معذرت کے ساتھ

[حسینی]

آداب عرض ہے حسینی بھائی

آپ کو بھی سلام اور آداب!
امید ہے آپ سے استفادے کا سلسلہ جاری رہے گا۔۔

 

[قیصرانی]

بہت خوب

 

[سید زبیر]

زبردست کلام ، خوش رہیں

 

[محمد بلال اعظم]

ہاہاہاہا
آج کی نئی نسل اور آپ کا کلام
سچ میں دل کو لگا ہے
کیا خوب نقشہ کھینچا ہے

 

[الف عین]

واہ واہ خلیل، بے حد دلچسپ پیروڈی۔

 

[محمود احمد غزنوی]

اک دن کسی لڑکی سے یہ کہنے لگا لڑکا
اس راہ سے ہوتا ہے گزر روز تمہارا

 

[محمود احمد غزنوی]

خالی زبردست کی ریٹنگ دینے سے کام نہیں چلے گا۔۔۔آپ پلیز اس پر بھی کچھ طبع آزمائی کیجئے

 

[محمد خلیل الرحمٰن]

جی ہم سمجھ گئے تھے کہ آپ کا عندیہ کیا ہے۔ آج شام گھر جانے کے بعد اس پر طبع آزمائی کرنے کا ارادہ ہے۔ شروع تو آپ نے بہت خوب کیا۔ واہ۔

اک دن کسی لڑکی سے یہ کہنے لگا لڑکا
اس راہ سے ہوتا ہے گزر روز تمہارا

 

[نگار ف]

بہت خوب

 

[کاشفی]

ایک لڑکا اور لڑکی​

محمد خلیل الرحمٰن​

(علامہ اقبال سے معذرت کے ساتھ)​

​

سرِ شام ایک لڑکا نغمہ پیرا​

کہیں بائیک پہ بیٹھا گا رہا تھا​

​

جھلک برقعے کی دیکھی جب کہیں پر ​

کیا پیچھا اسے لڑکی سمجھ کر​

​

کہا لڑکی نے ، او مرغِ نوا ریز!​

نہ کر لڑکی پہ اپنی یوں نظر تیز​

​

تجھے جِس نے چہک ، گل کو مہک دی​

اسی نے حسن کی مجھ کو چمک دی​

​

مگر برقعے میں یوں مستور ہوں میں​

کہ لڑکوں کے لیے اِک حور ہوں میں​

​

لہک تیری بہشتِ گوش اگر ہے​

مِرا جھانپڑ بھی فردوسِ نظر ہے​

​

مرِے ہاتھوں کو قدرت نے ضیا دی​

انھی ہاتھوں سے ہے تجھ کو سزا دی​

​

تُجھے اِک منحنی لڑکا بنایا​

تجھے پھر میرے ہاتھوں سے پِٹایا​

​

نہ کر پیچھا مِرا بس جان لے تُو​

مجھے برقعے میں بھی پہچان لے تُو​

​

’’ہم آہنگی سے ہے محِفل جہاں کی‘‘​

قسم تجھ کو بہن کی اور ماں کی​

​

پِٹا جب یوں تو لڑکا اُس سے بولا​

بڑی مشکِل سے اُس نے راز کھولا​

​

نہ تو میری ممیری نہ خلیری​

تو ہی ماں ہے، تو ہی بہنا ہے میری​

واہ واہ۔ بہت ہی خوب!