ایک لڑکا اور لڑکی۔ علامہ اقبال سے معذرت کے ساتھ

[محمد خلیل الرحمٰن]

ایک لڑکا اور لڑکی​

محمد خلیل الرحمٰن​

(علامہ اقبال سے معذرت کے ساتھ)​

​

سرِ شام ایک لڑکا نغمہ پیرا​

کہیں بائیک پہ بیٹھا گا رہا تھا​

​

جھلک برقعے کی دیکھی جب کہیں پر ​

کیا پیچھا اسے لڑکی سمجھ کر​

​

کہا لڑکی نے ، او مرغِ نوا ریز!​

نہ کر لڑکی پہ اپنی یوں نظر تیز​

​

تجھے جِس نے چہک ، گل کو مہک دی​

اسی نے حسن کی مجھ کو چمک دی​

​

مگر برقعے میں یوں مستور ہوں میں​

کہ لڑکوں کے لیے اِک حور ہوں میں​

​

لہک تیری بہشتِ گوش اگر ہے​

مِرا جھانپڑ بھی فردوسِ نظر ہے​

​

مرِے ہاتھوں کو قدرت نے ضیا دی​

انھی ہاتھوں سے ہے تجھ کو سزا دی​

​

تُجھے اِک منحنی لڑکا بنایا​

تجھے پھر میرے ہاتھوں سے پِٹایا​

​

نہ کر پیچھا مِرا بس جان لے تُو​

مجھے برقعے میں بھی پہچان لے تُو​

​

’’ہم آہنگی سے ہے محِفل جہاں کی‘‘​

قسم تجھ کو بہن کی اور ماں کی​

​

پِٹا جب یوں تو لڑکا اُس سے بولا​

بڑی مشکِل سے اُس نے راز کھولا​

​

نہ تو میری ممیری نہ خلیری​

تو ہی ماں ہے، تو ہی بہنا ہے میری​

 

[نایاب]

بہت خوب محترم بھائی
بلاشبہ بہت روانی سے چلتا ہے قلم آپ کا ۔۔۔۔۔۔۔ ماشاءاللہ

 

[ایم اے راجا]

بہت خوب خلیل بھائی، واہ واہ

 

[حسینی]

بہت خوب بھائی۔۔۔۔ اچھی کاوش ہے۔

 

[شمشاد]

بہت خوب شراکت خلیل بھائی۔

دیوان مکمل ہونے میں کتنی کسر رہ گئی ہے؟

 

[ماما شالا]

بہت عمدہ

 

[مسرور چاچڑ]

اشعار بہت اچھے لگے۔اور بہت ہی ہنسی آئی پڑھ کر

 

[محمد خلیل الرحمٰن]

اشعار بہت اچھے لگے۔اور بہت ہی ہنسی آئی پڑھ کر

مسرور چاچڑ بھائی محفل میں خوش آمدید اور نظم پسند کرنے کا شکریہ۔

اب اپنا تعارف بھی تو دیجیے، تعارف کے زمرے میں

 

[مسرور چاچڑ]

مسرور چاچڑ بھائی محفل میں خوش آمدید اور نظم پسند کرنے کا شکریہ۔

اب اپنا تعارف بھی تو دیجیے، تعارف کے زمرے میں

میرا تعارف موجود ہے آپ وہاں جاکر دیکھ سکتے ہیں

 

[صرف علی]

عمدہ

 

[محمد خلیل الرحمٰن]

بہت خوب شراکت خلیل بھائی۔

دیوان مکمل ہونے میں کتنی کسر رہ گئی ہے؟

جزاک اللہ شمشاد بھائی، آپ کی ہمت افزائی اور اللہ کی مدد یونہی ساتھ رہی تو انشا ء اللہ چند ہی نظمیں غزلیں اور چاہیئں

 

[محمد خلیل الرحمٰن]

بہت خوب محترم بھائی
بلاشبہ بہت روانی سے چلتا ہے قلم آپ کا ۔۔۔ ۔۔۔ ۔ ماشاءاللہ

محبت ہے آپ کی نایاب بھائی۔ خوش رہیے

 

[میر انیس]

واہ زبردست کافی عرصے بعد جوہر دکھائے

 

[پردیسی]

بہت خوب محترم خلیل صاحب

 

[یوسف-2]

ماشا ء اللہ ۔ بہت خوب!
ویسے اگر آپ کی یہ نظم علامہ اقبال کی روح کے حضور پیش کی جائے تو وہ آپ سے خوش ہی ہوں گے، خفا نہیں۔

 

[سید شہزاد ناصر]

غضب ڈھا دیا حضور ​

​

لہک تیری بہشتِ گوش اگر ہے​

مِرا جھانپڑ بھی فردوسِ نظر ہے​

مرِے ہاتھوں کو قدرت نے ضیا دی​

انھی ہاتھوں سے ہے تجھ کو سزا دی​

تُجھے اِک منحنی لڑکا بنایا​

تجھے پھر میرے ہاتھوں سے پِٹایا​

کیا ہی کہنے بہت ہی زبردست کلام​

شاد و آباد رہیں​

​

 

[محمد خلیل الرحمٰن]

بہت خوب خلیل بھائی، واہ واہ

آداب عرض ہے جناب

 

[محمد خلیل الرحمٰن]

بہت خوب بھائی۔۔۔ ۔ اچھی کاوش ہے۔

آداب عرض ہے حسینی بھائی

 

[محمد خلیل الرحمٰن]

بہت عمدہ

آداب عرض ہے ماما شالا بہنا!

 

[محسن وقار علی]

بہت خوب خلیل انکل