"گھر والی - باہر والی"

[سید شہزاد ناصر]

کہتے ہیں وہ بیگموں کا نام بھی مت لیجیے​

تذکرہ بھی گھر کا لیکن کچھ نہ کچھ تو کیجیے​

گھر میں تو ہوتی ہے اُن کی دفعتآ یوں سٹی گم​

گھر سے باہر کہتے ہوکہ صبر یاں بھی کیجیے؟​

قہقہ
استاد جی کیا بات ہے آپ کی

 

[محمد یعقوب آسی]

لگتا ہے ان کو سر منڈاتے ہی اولے پڑ گئے ہیں​

ارے نہیں سید شہزاد ناصر ! ۔ ایسی کوئی بات نہیں! ہمارے دوستوں کی یہ ’’ناکا ٹوکی‘‘ نیک نیتی اور خلوص پر مبنی ہوا کرتی ہے۔

یہ اولے نہیں، میٹھے گولے ہیں۔

 

[سید شہزاد ناصر]

ارے نہیں سید ناصر شہزاد ! ۔ ایسی کوئی بات نہیں! ہمارے دوستوں کی یہ ’’ناکا ٹوکی‘‘ نیک نیتی اور خلوص پر مبنی ہوا کرتی ہے۔

یہ اولے نہیں، میٹھے گولے ہیں۔

بہت اچھا لگ رہا ہے دفتری معمولات کے جھنجٹ کے بعد تفریح طبع کے لئے خوب سلسلہ ہے
بہرحال آپ کی بات سولہ آنے درست ہے مزاح اور پھکڑ پن میں بہت فرق ہوتا ہے
ذرا"ناکا ٹوکی" کی وضاحت فرما دیں کہ یہ کون سی قدیم افریقی زبان کا لفظ ہے

 

[محمد یعقوب آسی]

ذرا"ناکا ٹوکی" کی وضاحت فرما دیں کہ یہ کون سی قدیم افریقی زبان کا لفظ ہے ​

​

بہت باریک نگاہ پائی ہے صاحب!
یہ ’’نوکا ٹوکی‘‘ تھا، اپنا ’’اصلی تے کھرا پینڈو سٹائل‘‘۔ لکھنے میں ’’ناکا ٹوکی‘‘ بن گیا۔ اردو والوں کا تو پتہ نہیں وہ قدیم افریقی ہو سکتا ہے اس کو قبول بھی کر لیں۔

 

[سید شہزاد ناصر]

بہت باریک نگاہ پائی ہے صاحب!
یہ ’’نوکا ٹوکی‘‘ تھا، اپنا ’’اصلی تے کھرا پینڈو سٹائل‘‘۔ لکھنے میں ’’ناکا ٹوکی‘‘ بن گیا۔ اردو والوں کا تو پتہ نہیں وہ قدیم افریقی ہو سکتا ہے اس کو قبول بھی کر لیں۔

واللہ کیا حسِ مزاح پائی ہےآپ نے

 

[نامعلوم اول]

موضوع ہی ایسا ہے کہ صبر میں بھی جمال مانگا جائے۔

جمیل جمال کی جمع ہے

اور جمع الجمع ہے ’’جمیلہ‘‘

اس بحث سے بیویوں کا تو کچھ نہ بگڑا، آخر میں دو علّاماؤں نے مل کر عربی کا جنازہ ضرور پڑھا دیا۔

 

[نامعلوم اول]

بہت باریک نگاہ پائی ہے صاحب!
یہ ’’نوکا ٹوکی‘‘ تھا، اپنا ’’اصلی تے کھرا پینڈو سٹائل‘‘۔ لکھنے میں ’’ناکا ٹوکی‘‘ بن گیا۔ اردو والوں کا تو پتہ نہیں وہ قدیم افریقی ہو سکتا ہے اس کو قبول بھی کر لیں۔

قدیم افریقی والی بات درست نہیں لگتی۔ صوتی تاثر جدید جاپانی زبان کا سا ہے۔ خود دیکھ لیجیے: ناگا ساکی۔ ہیرو شیما۔ کاواساکی۔

 

[سید شہزاد ناصر]

اس بحث سے بیویوں کا تو کچھ نہ بگڑا، آخر میں دو علّاماؤں نے مل کر عربی کا جنازہ ضرور پڑھا دیا۔

علامہ اور اسامہ کا قافیہ ملتا ہے ہمارا نہیں

 

[نامعلوم اول]

علامہ اور اسامہ کا قافیہ ملتا ہے ہمارا نہیں

ملتے قافیوں پر کس کی نظر تھی؟ میں تو لڑتی چونچوں کا مشاہدہ کر رہا تھا!!

 

[سید شہزاد ناصر]

قدیم افریقی والی بات درست نہیں لگتی۔ صوتی تاثر جدید جاپانی زبان کا سا ہے۔ خود دیکھ لیجیے: ناگا ساکی۔ ہیرو شیما۔ کاواساکی۔

پاکستان اور جاپان کے تعلقات خر اب نہ کریں

 

[سید شہزاد ناصر]

ملتے قافیوں پر کس کی نظر تھی؟ میں تو لڑتی چونچوں کا مشاہدہ کر رہا تھا!!

اس وقت ہمیں بیگمات کے مقابلے میں اتفاق اور اتحاد کی ضرورت ہے لڑائی کی نہیں

 

[سید شہزاد ناصر]

کوئی راجا صاحب کا پتہ کرو
کس حال میں ہیں

 

[نامعلوم اول]

پاکستان اور جاپان کے تعلقات خر اب نہ کریں

ہائیکو ہو چکا۔ اب تعلقات خراب نہیں ہو سکتے۔ یہ دیکھیے:

عمدہ ہے راجا جی
بس دیکھنا کہیں۔۔۔
بج نہ جائے باجا، جی

پبلک کو پتا بھی نہ چلا۔ ہائیکو کو ایک نیا مضمون مل گیا ہے!! جاپانی سفارت خانے والو! اک نظر ادھر بھی۔

 

[سید شہزاد ناصر]

ہائیکو ہو چکا۔ اب تعلقات خراب نہیں ہو سکتے۔ یہ دیکھیے:

باجا تو کب کا بج چکا

 

[مہ جبین]

کواکب ہیں کچھ نظر آتے ہیں کچھ

سید شہزاد ناصر بھائی شاعر ہوکر بھی مصرعہ غلط لکھ دیا؟؟؟؟

 

[محمد یعقوب آسی]

شاعر ہونا ہی کیا کم غلطی ہے مادام مہ جبین ؟
کچھ ستم ظریف تو شاعر کو ’”شاہ غلوط‘‘ بھی کہہ دیتے ہیں، شاہ بلوط ہی کہے دیتے تو کوئی شجر یا شجرے کی بات تو بنتی!

 

[مہ جبین]

شاعر ہونا ہی کیا کم غلطی ہے مادام مہ جبین ؟
کچھ ستم ظریف تو شاعر کو ’”شاہ غلوط‘‘ بھی کہہ دیتے ہیں، شاہ بلوط ہی کہے دیتے تو کوئی شجر یا شجرے کی بات تو بنتی!

اب میں شاعروں کو غلط کیسے کہوں کہ میرے والد ، بھائی اور خاندان کے دوسرے افراد بھی اسی صف میں کھڑے ہیں
چنانچہ میں ایسے "ستم ظریف " لوگوں میں شامل نہیں ہوسکتی

 

[محمد اسامہ سَرسَری]

۔۔۔میرے والد ، بھائی اور خاندان کے دوسرے افراد بھی اسی صف میں کھڑے ہیں

جبھی آپ کے نام کے دونوں جز بکثرت اشعار میں پائے جاتے ہیں۔

 

[نامعلوم اول]

اب میں شاعروں کو غلط کیسے کہوں کہ میرے والد ، بھائی اور خاندان کے دوسرے افراد بھی اسی صف میں کھڑے ہیں
چنانچہ میں ایسے "ستم ظریف " لوگوں میں شامل نہیں ہوسکتی

مگر یہ بھی تو قربِ قیامت کی نشانی ہے کہ میں اور اسامہ سرسری بھی اس زمانے میں شاعر کہلاتے ہیں!!! سو کہا تو اب کچھ بھی جا سکتا ہے!

 

[مہ جبین]

جبھی آپ کے نام کے دونوں جز بکثرت اشعار میں پائے جاتے ہیں۔

میرا نام تجویز کرنے والی ہستی میری دادی اور مزے کی بات یہ کہ وہ بھی شاعرہ