فراز آنکھوں میں ستارے تو کئی شام سے اترے

محمد بلال اعظم

لائبریرین
آنکھوں میں ستارے تو کئی شام سے اترے
پر دل کی اداسی نہ در و بام سے اترے

کچھ رنگ تو ابھرے تری گل پیرہنی کا
کچھ زنگ تو آئینہء ایام سے اترے

ہوتے رہے دل لمحہ بہ لمحہ تہہ و بالا
وہ زینہ بہ زینہ بڑے آرام سے اترے

جب تک ترے قدموں میں فروکش ہیں سبو کش
ساقی خطِ بادہ نہ لبِ جام سے اترے

بے طمع نوازش بھی نہیں سنگ دلوں کی
شائد وہ مرے گھر بھی کسی کام سے اترے

اوروں کے قصیدے فقط آورد تھے جاناں
جو تجھ پہ کہے شعر وہ الہام سے اترے

اے جانِ فراز اے مرے ہر دکھ کے مسیحا
ہر زہر زمانے کا تیرے نام سے اترے
 

محمداحمد

لائبریرین
سبحان اللہ ! کیا ہی خوبصورت غزل ہے۔

اس حسنِ انتخاب پر بے تحاشا داد و تحسین قبول کیجے بلال صاحب۔

ماشاءاللہ یہ عمر اور یہ ذوق سبحان اللہ ۔ جیتے رہیے۔
 

محمد بلال اعظم

لائبریرین
سبحان اللہ ! کیا ہی خوبصورت غزل ہے۔

اس حسنِ انتخاب پر بے تحاشا داد و تحسین قبول کیجے بلال صاحب۔

ماشاءاللہ یہ عمر اور یہ ذوق سبحان اللہ ۔ جیتے رہیے۔
بہت بہت شکریہ احمد بھائی۔

ممنون و مشکور ہوں آپ کا۔
 

باباجی

محفلین
آنکھوں میں ستارے تو کئی شام سے اترے
پر دل کی اداسی نہ در و بام سے اترے
کچھ رنگ تو ابھرے تری گل پیرہنی کا
کچھ زنگ تو آئینہء ایام سے اترے
ہوتے رہے دل لمحہ بہ لمحہ تہہ و بالا
وہ زینہ بہ زینہ بڑے آرام سے اترے
جب تک ترے قدموں میں فروکش ہیں سبو کش
ساقی خطِ بادہ نہ لبِ جام سے اترے
بے طمع نوازش بھی نہیں سنگ دلوں کی
شائد وہ مرے گھر بھی کسی کام سے اترے
اوروں کے قصیدے فقط آورد تھے جاناں
جو تجھ پہ کہے شعر وہ الہام سے اترے
اے جانِ فراز اے مرے ہر دکھ کے مسیحا
ہر زہر زمانے کا تیرے نام سے اترے
واہ واہ
بہت خوب کلام شیئر کیا آپ نے بلال
واہ واہ
پہلے شعر سے جان نکلنے کی شروعات ہوئی اور آخری شعر پر جان نکل گئی
اے جانِ فراز اے مرے ہر دکھ کے مسیحا
ہر زہر زمانے کا تیرے نام سے اترے
 

محمد بلال اعظم

لائبریرین
واہ واہ
بہت خوب کلام شیئر کیا آپ نے بلال
واہ واہ
پہلے شعر سے جان نکلنے کی شروعات ہوئی اور آخری شعر پر جان نکل گئی
اے جانِ فراز اے مرے ہر دکھ کے مسیحا
ہر زہر زمانے کا تیرے نام سے اترے
فراز صاحب
بہت خوشی ہوئی کہ فراز کی بالا غزل آپ کو بہت پسند آئی۔
شکریہ
 

نایاب

لائبریرین
واہہہہہہہہہہہہہہہہہہہہہہہہ
کیا خوب غزل ہے
اوروں کے قصیدے فقط آورد تھے جاناں
جو تجھ پہ کہے شعر وہ الہام سے اترے
 
Top