پسندیدہ اقوال زرّیں، سنہری باتیں۔۔سید لبید غزنوی

[سید لبید غزنوی]

سکھ خوشی کا نام نہیں، غم اور خوشی دونوں سے بے نیاز ہونے کا نام ہے۔​

 

[سید لبید غزنوی]

کہنے والا یقین سے محروم ہو تو سننے والا تاثیر سے محروم رہتا ہے۔​

 

[سید لبید غزنوی]

موت کو یاد رکھنا نفس کی تمام بیماریوں کی دوا ہے۔​

 

[سید لبید غزنوی]

علم کی طلب میں شرم مناسب نہیں، جہالت شرم سے بد تر ہے۔​

 

[سید لبید غزنوی]

کوئی شخص روزی اپنی لیاقت اور طاقت سے نہیں حاصل کرتا۔ اللہ سب کا رازق ہے۔شیخ سعدی رحمۃ اللہ علیہ​

 

[سید لبید غزنوی]

بڑے بڑے متکبروں اور سرکشوں کو بھی خدا کے سامنے جھکے بغیر چارہ نہیں۔شیخ سعدی رحمۃ اللہ علیہ​

 

[سید لبید غزنوی]

خداوند تعالٰی متحمل بھی ہے اور رحیم و کریم بھی۔ وہ گناہ گاروں کو توبہ کے لئے مہلت دیتا ہے۔ توبہ کرنے والوں کو دامن رحمت میں ڈھانپ لیتاہے۔شیخ سعدی رحمۃ اللہ علیہ​

 

[سید لبید غزنوی]

نطفے کو خوبصورت انسان بنا دینا اللہ تعالٰی کی قدرت کا اعجاز ہے۔ پانی کی بوند پر ایسے نقش و نگار کوئی نہیں بناسکتا۔شیخ سعدی رحمۃ اللہ علیہ​

 

[سید لبید غزنوی]

جب تو خدا سے مغفرت و عطا کا طالب ہے تو جن لوگوں کی امیدیں تیری ذات سے وابستہ ہیں تو انہیں بھی محروم و مایوس نہ کر۔شیخ سعدی رحمۃ اللہ علیہ​

 

[سید لبید غزنوی]

جیسا سلوک تو مخلوق خدا سے کرے گا ویسا ہی سلوک خدا تیرے ساتھ کرے گا۔شیخ سعدی رحمۃ اللہ علیہ​

 

[سید لبید غزنوی]

حقیقی بڑا تو وہ ہے جو اپنے ہر چھوٹے کو پہچانتا ہو اور اس کی ضروریات کا خیال رکھتا ہو۔شیخ سعدی رحمۃ اللہ علیہ​

 

[سید لبید غزنوی]

جس مظلوم کو بادشاہ سے انصاف نہ مل سکے اسے خدا انصاف دلاتا ہے۔شیخ سعدی رحمۃ اللہ علیہ​

 

[سید لبید غزنوی]

آخرت میں نیکیوں کے مطابق مرتبے ملتے ہیں اس لئے نیکی کرو۔شیخ سعدی رحمۃ اللہ علیہ​

 

[سید لبید غزنوی]

جو شخص کوشش اور عمل میں کوتاہی کرتاہے پیچھے رہنا اس کا مقدر ہے۔شیخ سعدی رحمۃ اللہ علیہ​

 

[سید لبید غزنوی]

مصیبت میں حوصلہ نہیں ہارنا چاہئے۔ ہمت سے اس کامقابلہ کرنا چاہیے۔ ہمت طاقت سے زیادہ کام کرتی ہے۔شیخ سعدی رحمۃ اللہ علیہ​

 

[سید لبید غزنوی]

احساس کیا ہے؟ دوسروں کی تکلیف کو اپنی تکلیف سمجھنا۔شیخ سعدی رحمۃ اللہ علیہ​

 

[سید لبید غزنوی]

منصف اور عادل کو اللہ اپنے عرش کے نیچے سایہ دے گا۔شیخ سعدی رحمۃ اللہ علیہ​

 

[سید لبید غزنوی]

آدمی وہ ہے جس کی ذات سے دوسروں کو فائدہ پہنچے ورنہ پتھر ہے۔شیخ سعدی رحمۃ اللہ علیہ​

 

[سید لبید غزنوی]

نیکی کرنے والا نیکی کا صلہ ضرور پاتا ہے۔شیخ سعدی رحمۃ اللہ علیہ​

 

[سید لبید غزنوی]

بے رحم انسان نہیں درندہ ہے۔شیخ سعدی رحمۃ اللہ علیہ​