شعر و شاعر (اشعار اور خالق)

[طارق شاہ]

قطرہ دریا ہے، ہر اِک ذرّہ ہے خورؔشید نُما
صرف آنکھوں کو یہاں چاہیے وا ہو جانا

خورشؔید آرا بیگم
امراؤتی، سی پی اینڈ برار۔ انڈیا

 

[طارق شاہ]

دیکھوُں ہُوں کبھی کُچھ، تو کبھی کُچھ سرِ محفل
خوابیدہ کہ بیدار ہُوں، معلوُم نہیں یہ

عنؔبر امروہوی
( معنبر رضا )

 

[طارق شاہ]

ہُوں عِشق کے دریا میں ابھی صُورتِ قطرہ
اِ س پار،کہ اُس پار ہُوں معلوُم نہیں یہ

عنؔبر امروہوی
( معنبر رضا )

 

[طارق شاہ]

تسکینِ دلِ محزوں نہ ہُوئی، وہ سعئ کرم فرما بھی گئے
اس سعئ کرم کو کیا کہیے، بہلا بھی گئے تڑپا بھی گئے

مجاز لکھنوی

 

[طارق شاہ]

شہرِ دِل آبادتھا ، جب تک وہ شہر آرا رہا
جب وہ شہرآرا گیا، پھر شہرِ دِل میں کیا رہا

کیا رہا پھر شہرِ دِل میں، جُز ہجُومِ درد و رنج
تھی جہاں فوجِ طرب، واں لشکرِ غم آرہا

آرہا آنکھوں میں دَم، تو بھی نہ آیا وہ صنم
حیف کِس سے پُوچھیےجا کر ، کہ وہ کِس جا رہا

نظؔیر اکبر آبادی

 

[طارق شاہ]

دِل میں، جو چند عارضی جذبے خوشی کے تھے
وہ بھی دبے ہُوئے غمِ پنہاں میں رہ گئے

سیمؔاب اکبر آبادی

 

[طارق شاہ]

عجیب ہنگامِ بے بسی ہے، نہ موت ہی ہے، نہ زندگی ہے !
حیات ایڑی رگڑ رہی ہے، قضا بھی دامن جھٹک رہی ہے

نگاہِ مضطر فِراقِ جاناں میں اِس طرح مضطرب ہے احساؔں
کہ ریگ زاروں میں جیسے بُلبُل، تلاشِ گُل میں بھٹک رہی ہے

احساؔن علیم

 

[طارق شاہ]

پُرانی روشنی میں اور نئی میں فرق اِتنا ہے !
اُسے کشتی نہیں ملتی، اِسے ساحِل نہیں ملتا

اکبر الٰہ آبادی

 

[طارق شاہ]

آپ کو غیر کی راحت کا مُبارک ہو خیال
خیر، تکلیف اُٹھالیں گے ہَمِیں تھوڑی سی

اکبر الٰہ آبادی

 

[طارق شاہ]

کمالِ شوق کو آتے ہیں ناتمام نظر !
تمام شوق، تِری خواہشِ تمام کے بعد

حسرؔت موہانی

 

[طارق شاہ]

نہ ہو ابھی، مگر آخر تو ہوگی قدر مِری
کُھلے گا حالِ غلام آپ پر غلام کے بعد

حسرؔت موہانی

 

[طارق شاہ]

خِرد کی ناتوانی ہے، نظر کی نا صبُوری ہے
ہُوا جو کُچھ ! ضرُوری تھا ، جو کُچھ ہوگا، ضرُوری ہے

اکؔبر الٰہ آبادی

 

[طارق شاہ]

کِس طرح گُزرے گا ناصر فرصتِ ہستی کا دن
جم گیا دیوار بن کر سایۂ دیوار بھی

ناصؔر کاظمی

 

[طارق شاہ]

اُن کو تو یاد آئے ہُوئے مُدّتیں ہُوئیں
جینے کی وجہ اور کوئی بات ہو تو ہو


ناصؔر کاظمی

 

[طارق شاہ]

درد کے جھونکوں نے اب کی دِل ہی ٹھنڈا کر دیا
آگ برساتا تھا آگے دِیدۂ خُوں بار بھی

بیٹھے بیٹھے جانے کیوں بیتاب ہو جاتا ہے دِل
پُوچھتے کیا ہو مِیاں، اچھّا بھی ہُوں بیمار بھی

ناصؔر کاظمی

 

[طارق شاہ]

سعیِ داماں بے اثر، فکرِ دوا بے فائدہ
زخمِ دِل، اے چارہ گر!قائل نہیں تدبیر کے

شوکت علی خاں فانؔی بدایونی

 

[طارق شاہ]

کیا ہَوا باندھی ہے ، صدقے نالۂ شب گیر کے !
آسماں پر اُکھڑے جاتے ہیں قدم تاثیر کے

شوکت علی خاں فانؔی بدایونی

 

[طارق شاہ]

یہاں بَلائے شبِ غم، وہاں بہارِ شباب !
کسی کی رات، کسی کے ہیں دِن قیامت کے

شوکت علی خاں فانؔی بدایونی

 

[طارق شاہ]

اب بھی تُو پاس نہیں ہے، لیکن
اِس قدر دُور کہاں تھا پہلے

ناؔصر کاظمی

 

[طارق شاہ]

کیا سے کیا ہوگئی دُنیا پیارے
تُو وہیں پر ہے، جہاں تھا پہلے

ناؔصر کاظمی