شعر و شاعر (اشعار اور خالق)

[طارق شاہ]

اُن سے مِری بیماریِ دِل میں ہے اضافہ
ہے رُوحِ شفا جن کے تنفُّس کی َہوا بھی

سراج الدین ظفؔر

 

[طارق شاہ]

حِجاب میں بھی، اُسے دیکھنا قیامت ہے !
نقاب میں بھی ، رُخِ شُعلہ زن کی آنچ نہ پُوچھ

فِراؔق گورکھپُوری

 

[طارق شاہ]

رکھّے گا خاک ربط وہ اِس کائِنات سے
جو ذرّہ اپنی ذات کے اندر سمٹ گیا

قتِیلؔ شفائی

 

[طارق شاہ]

آئینہ آئینہ رہا پھر بھی
لاکھ در پردۂ غبار رہا

رساؔ چغتائی

 

[طارق شاہ]

تجھ سے ملِنے کو بے قرار تھا دِل
تجھ سے مِل کر بھی بے قرار رہا

رساؔ چغتائی

 

[طارق شاہ]

قطع کیجے نہ، تعلّق ہم سے !
کچھ نہیں ہے، توعداوت ہی سہی

مِرزا اسداللہ خاں غالؔب

 

[طارق شاہ]

ہم ، کوئی ترکِ وفا کرتے ہیں !
نہ سہی عِشق، مُصِیبت ہی سہی

مِرزا اسداللہ خاں غالؔب

 

[طارق شاہ]

وقت، دو مجھ پر کٹھن گُزرے ہیں ، ساری عُمر میں !
اِک تِرے آنے سے پہلے، اِک تِرے جانے کے بعد

مُضطؔر خیر آبادی

 

[طارق شاہ]

اُن کے رُخسار پہ ڈھلکے ہُوئے آنسو ، توبہ !
مَیں نے شبنم کو بھی شُعلوں پہ مچلتے دیکھا

ساحؔر لُدھیانوی

 

[طارق شاہ]

دیکھ رفتارِ انقلاب، فِراقؔ
کتنی آہستہ اور کتنی تیز

فِراقؔ گورکھپوری

 

[طارق شاہ]

جس کو تم بُھول گئے، یاد کرے کون اُس کو
جس کو تم یاد ہو، وہ اور کسے یاد کرے

جوشؔ ملسیانی

 

[طارق شاہ]

نہیں آتی تو، یاد اُن کی مہینوں تک نہیں آتی
مگر ،جب یاد آتے ہیں، تو اکثر یاد آتے ہیں

حسرؔت موہانی

 

[طارق شاہ]

تم نے کِیا نہ یاد کبھی بُھول کر ہَمَیں
ہم نے تمھاری یاد میں سب کُچھ بُھلا دیا

بہادر شاہ ظفؔر

 

[طارق شاہ]

تمھاری یاد کے، جب زخم بھرنے لگتے ہیں !
کسی بہانے، تمھیں یاد کرنے لگتے ہیں

فیض احمد فیضؔ

 

[طارق شاہ]

اُس کو بُھولے تو ہُوئے ہو، فانؔی !
کیا کروگے، وہ اگر یاد آیا

فانؔی بدایونی

 

[طارق شاہ]

اچّھا ہے ، دِل کے ساتھ رہے پاسبان عقل !
لیکن، کبھی کبھی اسے تنہا بھی چھوڑ دے

علامہ اقباؔل

 

[طارق شاہ]

دِل دے تو اِس مِزاج کا پروردگار دے !
جو رنج کی گھڑی بھی خوشی سے گُزار دے

داغ ؔ دہلوی

 

[طارق شاہ]

لاکھ بدلا سہی منصوُر کا آئینِ حیات !
آج بھی سِلسِلۂ دار و رَسن ہے، کہ جو تھا

ڈاکٹر حنیف فوقؔ

 

[طارق شاہ]

ڈر کے چونک اُٹھتی ہیں خوابوں سے نَویلی کلیاں
خندۂ گُل میں وہی سازِ محن ہے ،کہ جو تھا

ڈاکٹر حنیف فوقؔ

 

[طارق شاہ]

پِیا کے آنے کا وقت آیا ہے
جی کے جانے کا وقت آیا ہے

نِیم بِسمِل ہُوں تیغِ ابرُو سے !
تِلمِلانے کا وقت آیا ہے

شبِ خلوت میں، اُس پری رُو کو
دُکھ سُنانے کا وقت آیا ہے

مُلکِ وِیران کو، مِرے دِل کے !
پِھر بَسانے کا وقت آیا ہے

کب تلک ہجر کے اگن میں جَلُوں
آ، بُجھانے کا وقت آیا ہے

مِثلِ پروانہ شمع رُو پہ سِراؔج !
دِل جلانے کا وقت آیا ہے

سِراؔج اورنگ آبادی