شعر و شاعر (اشعار اور خالق)

[طارق شاہ]

شرم آتی ہے کہ اُس شہر میں ہم ہیں کہ جہاں
نہ مِلے بِھیک تو لاکھوں کا گُزارہ ہی نہ ہو

جاں نثار اختر

 

[طارق شاہ]

کھویا مَیں جس کے عِشق میں، نام و نشاں بیاؔں !
اے وائے! پُوچھتا ہے وہ لوگوں سے نام آج

احسن اللہ خان بیاؔں، دہلوی

 

[طارق شاہ]

عِلم کیا، عِلم کی حقِیقت کیا
جیسی جس کے گُمان میں آئی

میرزا یاؔس، یگانؔہ، چنگؔیزی

 

[طارق شاہ]

مَیں پیمبر نہیں یگانؔہ سہی !
اِس سے کیا کسر شان میں آئی

میرزا یاؔس، یگانؔہ، چنگؔیزی

 

[طارق شاہ]

تجھے مذہب مِٹانا ہی پڑے گا رُوئے ہستی سے
تِرے ہاتھوں، بہت توہینِ آدم ہوتی جاتی ہے

آنند نرائن مُلّا

 

[طارق شاہ]

ہم مُوَحِّد ہیں ، ہمارا کیش ہے ترکِ رسُوم
مِلّتیں جب مِٹ گئیں اجزائے اِیماں ہو گئیں

مِرزا اسداللہ خاں غالؔب

 

[طارق شاہ]

خبر! اُن کو کُچھ نہ آئے، پھانس لینے کے سِوا
مجھ کو اب کرنا ہی کیا ہے سانس لینے کے سِوا

تھی شبِ تاریک، چور آئے جو کُچھ تھا لے گئے
کر ہی کیا سکتا تھا بندہ ، کھانس لینے کے سِوا

اکبر الٰہ آبادی

 

[طارق شاہ]

کردے مرکوُز جہاں بَھر کی نِگاہیں خود پر !
چاند پِھر چاند ہے ہوں جلوہ گر اختر لاکھوں

شفیق خلؔش

 

[طارق شاہ]

کوچۂ یار کومیلے کا سماں دیتے ہیں
اِک جَھلک دِید کی خواہش لئے دِن بھر لاکھوں

شفیق خلؔش

 

[طارق شاہ]

اب نہ دریا ہیں نہ گُل زار، چنا جُور گرم
کوئی مونس ہے نہ غمخوار، چنا جُور گرم

اب نہ مُکھڑوں کے سمن زار، چنا جُور گرم
اب نہ پازیب کی جھنکار، چنا جُور گرم

اب نہ وہ مِصر کا بازار، چنا جُور گرم

زندگی اب ہے طرحدار، چنا جُور گرم

چناجُور گرم، بابو مَیں لایا مَجےدار چنا جُور گرم

جوشؔ ملیح آبادی

 

[طارق شاہ]

تنگ انگنائی میں ساون کی گھڑی روتی ہے
شب کو بجتی نہیں، رہ رہ کے گھڑی روتی ہے

آب رو ،تُربتِ ماضی میں پڑی روتی ہے
سامنے، عِزَّتِ اجداد کھڑی روتی ہے

اب نہ وہ دَر نہ وہ دربار، چنا جُور گرم

زندگی اب ہے طرحدار، چنا جُور گرم

چناجُور گرم، بابو مَیں لایا مَجےدار چنا جُور گرم

جوشؔ ملیح آبادی

 

[طارق شاہ]

لکھنؤ کے وہ سلیقے ، نہ اَوَدھ کے آداب
نہ عِنب ہی کے وہ دریا، نہ طَرَب کے گِرداب

اب نہ جمنا کا وہ بچپن، نہ وہ گنگا کا شباب
اب نہ وہ چَنگ و دَف و طبلۂ و طاؤس و شباب

اب نہ وہ کاکُل و رُخسار، چنا جُور گرم

زندگی اب ہے طرحدار، چنا جُور گرم

چناجُور گرم، بابو مَیں لایا مَجےدار چنا جُور گرم

جوشؔ ملیح آبادی

 

[طارق شاہ]

اِک تماشا ہے یہ قُربِ ضُعف، یہ بُعدِ اجَل
مُدَّتیں گُذرِیں اِسی میں اب مَرااور اب مَرا

اکبر الٰہ آبادی

 

[طارق شاہ]

شاید اِک بھی نہ رہے دہر میں خوش شکل، اگر
یُوں ہی مرتے رہے اُس حُسن سے جَل کر لاکھوں

شفیق خلؔش

 

[طارق شاہ]

دِل سے کہہ سکتے ہیں ہاں شمعِ بصیرت نہ بُجھے
وقت سے کہہ نہیں سکتے کہ شبِ تار نہ بن

دستِ قُدرت میں ہے یہ خاکِ چَمَن، اے اکبؔر !
اِس سے کیونکر یہ کہُوں پُھول ہی بن، خار نہ بن

اکبؔر الٰہ آبادی

 

[طارق شاہ]

نِگاہ ناز کی معصُومِیت ،ارے توبہ!
جو ہم فریب نہ کھاتے تو اور کیا کرتے

عرشؔی بَھوپالی

 

[طارق شاہ]

نِگاہِ شوق سے کب تک مُقابلہ کرتے
وہ اِلتفات نہ کرتے تو اور کیا کرتے

عرشؔی بَھوپالی

 

[طارق شاہ]

ابھی آنکھیں کُھلی ہیں اور کیا کیا دیکھنے کو ؟
مجھے پاگل کِیا اِس نے تماشا دیکھنے کو

ظفرؔ اقبال

 

[طارق شاہ]

بچھڑتے وقت کوئی بد گُمانی دِل میں آجاتی !
اُسے بھی غم نہیں ہوتا مجھے بھی غم نہیں ہوتا

بشیر بدؔر

 

[طارق شاہ]

کبھی برسات میں شاداب بیلیں سُوکھ جاتی ہیں
ہرے پیڑوں کے گرنے کا کوئی موسم نہیں ہوتا

بشیر بدؔر